كيفكم أمهات وحوامل 🌹🌹🌹
لتغيير روتين عندي الكم موضوع حلوو
كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال
او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها
رح ابدأ انا ( الضرة مرة لو كانت جرة) 💃
قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉
وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮♂️
تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣
رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔
حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁
وهي قصة المثل....
يلا هلموووا شاركوا بأمثال حلوة والها قصص لنغير جو الملل 💜
العضوة: 709324 , 6 years ago
😍😍العضوة: 657905 , 6 years ago
قصة مثل المنحوس منحوس لو علقوا براسو فانوس كان في اخوة اتنين واحد غني والتاني فقير كتير والناس تستغرب كيف انو الاخ الغني ما بساعد اخوه الفقير فراحوا عندو جماعة من الناس يسهرو واستغلو الموضوع وسألوه يا فلان انت غني وربي منعم عليك وخيرك دايما للناس ليش ما عم تساعد اخوك الفقير المسكين اجا حكالهم هاد اخي منحوس واستغربو الضيوف من حكيو فقال لهم رح حط ع صلاة الفجر بالليل صرة من الدراهم الذهب بطريق اخي وهو رايح ع المسجد وشوفو اذا بياخد هالدهب اولا لا تاني يوم الاخ الفقير صحي ع صلاة الفجر متل العادة بس هالمرة حب يروح مع جارو فدق عليه الباب وهنن بالطريق الفقير عم يقلو للجار بتعرف اني حافظ طريق الجامع بصم وبقدر امشي وانا مغمض قلو جارو لا مستحيل ولوو بتحداك وافق الفقير ع التحدي ومشي مغمض عيونو وهنن بالطريق لقى الجار صرة دهب واخدها الو لان من نصيبو صارت ولمن وصلت السيرة للاخ الغني قال فعلا المنحوس منحوس لو علقوا براسو فانوس 🤣العضوة: 563046 , 6 years ago
نحنا لشفا بتقل اميييين ياربالعضوة: 563046 , 6 years ago
هههههه كنت عم دور علقصهالعضوة: 657905 , 6 years ago
😂😂 سبقتك اناالعضوة: 522311 , 6 years ago
🤭احاجيج يابنتي واسمعج ياجنتي 😂😂العضوة: 657905 , 6 years ago
@user-522311 هههههههه عجبني عنا متل قريب منو الحكي الك يا جارة واسمعي يا كنة منورة 💕العضوة: 522311 , 6 years ago
@user-657905 ههههه يكلبي بوجودجالعضوة: 751312 , 6 years ago
😂😂 اي والله الضره مره ما بعرفش بالامثال بس عجبتني القصه يسعدك ربيالعضوة: 773451 , 6 years ago
عجبني الموضوع عدنا مثل يكول اللي ما يعرف يركص يكول الكاع عووجه 😂😂العضوة: 657905 , 6 years ago
ويسسعدك 🌹العضوة: 657905 , 6 years ago
🤣🤣 عنا متلو بس بغير لفظ اللي ما بتعرف ترقص بتقول الارض مايلهالعضوة: 717005 , 6 years ago
@user-657905 مهما لبست قطن وصوف حالك لاول معروف والكلب قد ما سمن عمرو ما بصير خاروفالعضوة: 717005 , 6 years ago
@user-657905 في ناس حطوها مع ابليس بكيس طلع ابليس عم يستغيسالعضوة: 717005 , 6 years ago
@user-657905 يا شدة شدي بزياده وافضحي يلي بقول رقبتي سداده