6 years ago
  • ما قبل الحمل
كيفكم أمهات وحوامل 🌹🌹🌹 لتغيير روتين عندي الكم موضوع حلوو كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها رح ابدأ انا ( الضرة مرة لو كانت جرة) 💃 قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉 وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮‍♂️ تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣 رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔 حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁 وهي قصة المثل.... يلا هلموووا شاركوا بأمثال حلوة والها قصص لنغير جو الملل 💜

261 تعليقات

العضوة: 707936 , 6 years ago

😍😍حبيت القصة

العضوة: 657905 , 6 years ago

@user-707936 منورة الموضوع 💕

العضوة: 46429 , 6 years ago

حبيت القصه بس فيني كسل عن الكتابه😁

العضوة: 657905 , 6 years ago

@user-46429 انتي اخطاءك الإملائية تتكاسلي تعدليها 🤣🤣 اهم شي حبيتي القصة منورة سهمووش 😘

العضوة: 46429 , 6 years ago

ههههههههه على قولتك😂😂😂

العضوة: 606148 , 6 years ago

هههه حلوه القصه انا بعرف امثال بس مابعرف قصصن

العضوة: 606148 , 6 years ago

كيفك وعود شو اخبارك كيفن لامورات

العضوة: 657905 , 6 years ago

عيوونك الحلوة لولو اكتبي شي مثل يكون مو معروف كتير 🤣🤣 ويكون خرج قصف 🤭

العضوة: 606148 , 6 years ago

كمان بدك قصف😅😅

العضوة: 657905 , 6 years ago

الحمدلله مشتاقتلك كيفك انتي وكيف ولادك اموراتي ببوسو خدك 💓

العضوة: 606148 , 6 years ago

تشتقلك العافيه يارب الله يحمين ويحفظن الحمد لله تمام

العضوة: 657905 , 6 years ago

إن لم تقصف الحياة قصفتك 😂😂

العضوة: 606148 , 6 years ago

ياداخل بين البصل وقشرته مابنوبك الا ريحته 🥴🥴

العضوة: 657905 , 6 years ago

آمين ويحفظ ولادك من كل شر 💜