6 years ago
  • ما قبل الحمل
كيفكم أمهات وحوامل 🌹🌹🌹 لتغيير روتين عندي الكم موضوع حلوو كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها رح ابدأ انا ( الضرة مرة لو كانت جرة) 💃 قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉 وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮‍♂️ تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣 رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔 حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁 وهي قصة المثل.... يلا هلموووا شاركوا بأمثال حلوة والها قصص لنغير جو الملل 💜

261 تعليقات

العضوة: 657905 , 6 years ago

@user-174291 😂😂 بس تتذكريه اكتبيه بالمصري

العضوة: 657905 , 6 years ago

😂😂😂 ليش ما بتحبيه حلوو هاد المتل قال الشرنة شرنة لو حطت كحلة وحنة والحلوة حلوة لو صارت تيته وكنه والكوع كوع لو ضلت تتمكيج اسبوع 😂😂😂 @user-586579

العضوة: 174291 , 6 years ago

😅😅😅😅😅😅😅

العضوة: 174291 , 6 years ago

@user-657905 عصفور باليد خير من عشره علي الشجره اللي بيته من ازاز ميحدفش الناس بالطوب

العضوة: 511344 , 6 years ago

@user-657905 حلوووووووة كتير

العضوة: 174291 , 6 years ago

ضربني وبكا وسبقني واشتكي المتعوس متعوس ولو علقو علي راسه فانوس ابوك البصل وامك التوم منين تجيك الريحه يا مشئوم 😅😅😅😅

العضوة: 606148 , 6 years ago

هلا وغلا امل لحياه نفسه الي كنت احكيه من سنه

العضوة: 606148 , 6 years ago

@user-717005 كيفك وين غطيتي كل هل مده

العضوة: 717005 , 6 years ago

والله مشتقتلك كتير هون بهالدنيا

العضوة: 717005 , 6 years ago

@user-606148 انتي كيفك شو اخبارك

العضوة: 717005 , 6 years ago

@user-606148 وينك تعالي كيفك كيف الدنيا عليكي

العضوة: 655484 , 6 years ago

كتبت فوق 😂😂

العضوة: 563046 , 6 years ago

@user-657905 حلوه قصة المتل الضره مره ولوكانت جرة

العضوة: 657905 , 6 years ago

اللي بيتي من بلور ما بيرمي الناس بحجارو وتبع العصفور نفس اللفظ تقريبا 🤣🤣 @user-174291