كيفكم أمهات وحوامل 🌹🌹🌹
لتغيير روتين عندي الكم موضوع حلوو
كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال
او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها
رح ابدأ انا ( الضرة مرة لو كانت جرة) 💃
قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉
وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮♂️
تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣
رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔
حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁
وهي قصة المثل....
يلا هلموووا شاركوا بأمثال حلوة والها قصص لنغير جو الملل 💜
العضوة: 606148 , 6 years ago
المابجي بالمجق بجي بالنجق حلبي 😄😄😄العضوة: 606148 , 6 years ago
اكيد رح تعرفي منين جبلي شي اول مره تسمعيالعضوة: 657905 , 6 years ago
😂😂😂😂😂 ما فهمتو جديد علييالعضوة: 606148 , 6 years ago
الي مابزينه خدوده بزينه جدوده😊😊العضوة: 606148 , 6 years ago
الي مابجي بالبوس يعني مجق بالحلبي بجي بالنجق التجاهل 😂😂😂العضوة: 657905 , 6 years ago
اهاااا البوس عندكم مجق 😂😂 يعني هاتي مجقه 😭😭😭💔💔العضوة: 657905 , 6 years ago
@user-606148 ليكي هاد سمعتو من حلا وعجبني.. عشر اصهرة ع باب داري ولا كنة تكشف أسراري 😁العضوة: 606148 , 6 years ago
أن حبك حبيبك مابعمرك قصر وان كرهك عدوك مابحفرلك قبر كبر راسك وعريف لمين تعمل قدرالعضوة: 606148 , 6 years ago
😘😘😘😘العضوة: 606148 , 6 years ago
هههههه😂😂😂العضوة: 606148 , 6 years ago
انا بعرف امثال بس مابعرف قصصه وعم نيم ابني كل مابصرلي عم بكتب واحد بس ليش مافي مشاركاتالعضوة: 606148 , 6 years ago
مين فضح بيت لكبير غير الكنه والاجير 😅العضوة: 606148 , 6 years ago
الله يشردقني ب ريقي لاعرف عدوي من صديقي🤔العضوة: 657905 , 6 years ago
مو عاجبهن الموضوع 🤣🤣العضوة: 657905 , 6 years ago
فرطت 😂😂😂😂