6 years ago
  • ما قبل الحمل
كيفكم أمهات وحوامل 🌹🌹🌹 لتغيير روتين عندي الكم موضوع حلوو كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها رح ابدأ انا ( الضرة مرة لو كانت جرة) 💃 قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉 وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮‍♂️ تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣 رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔 حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁 وهي قصة المثل.... يلا هلموووا شاركوا بأمثال حلوة والها قصص لنغير جو الملل 💜

261 تعليقات

العضوة: 709324 , 6 years ago

انامن حلب عندي ولد واحد عمري 23 وهلق حامل

العضوة: 657905 , 6 years ago

العمرر كلووو ي رب ويخليلك ابنك وتولدي بالسلامة 🌹

العضوة: 657905 , 6 years ago

😌😌 لكن انا بعطيكي امثال نادرة 😂

العضوة: 495245 , 6 years ago

@user-657905 الحمد لله والشكر انك بخير انا بخير والحمد لله صامدة ههههه مع المشاغبيين وشقاوتهم ربي يعينا عليهم ويصلحهم

العضوة: 657905 , 6 years ago

@user-495245 دووم بخير ي رب ي عمري عليهم الله يصلحهم ويبارك فيهم ويكرمك بأميرة بينهم، 😍 ليكي والله الشقاوة عند الصبيان والبنات انا فترة نفاسي خرب نظامهم وصارو مشاغبات 😂😂 جد الله يعين الامهات ع التعب والصبر الله يجعلو اجر لنا جميعا 🌹

العضوة: 495245 , 6 years ago

@user-657905 اكيد البنات فيهم غيرة من اختهم الصغيرة حاولي لا تسلمي عليها قدامهم ولا تحمليها كثير عشان ما يغيرو منها هذا الشيء مريت بيه و كيف الحال والأحوال ان شاء الله تحسنت وبالنسبة للاميرة الي فانا شلتو من راسي هههههه الحمد لله الانسان بطبعه طماع ويتمني الشيء اللي مو عنده المهم ربي يقدرني علي تربية هل المشاغبيين وبس

العضوة: 555316 , 6 years ago

الحمي عمه لو نازله من السما

العضوة: 695877 , 6 years ago

هههههههههههههههههههه اكيد مرررره لو اني بمكانه اروح اكسره قبل ليكسره هوه 😂😂😂بس لو اني ما اخلي يزوج لو معرف شيصير ع كل حال حلوه القصه شكرا 💙🌞

العضوة: 657905 , 6 years ago

@user-495245 لا مو قصة غيرة بس شغب هههه لان بناتي في فرق بينهم وبين اختهم بالعمر الله يحفظهم ويحفظ لطفالك ويساعدك على تربيتهم تربية صالحة امورنا بخير الحمدلله حجر صحي وخليك بالبيت 😅 الله يخلصنا من هالوباء وكافة بلا المسلمين ي رب

العضوة: 657905 , 6 years ago

@user-695877 😂😂😂😂 الله يبعد عنك الضرة ولو كانت جرة وجودك احلا شاركينا بمثل عراقي 😅

العضوة: 695877 , 6 years ago

ههه ربي يسمع منك اسفه مو قويه بالامثال

العضوة: 563046 , 6 years ago

قصة المثل باب النجار مخلع يقال وإنه في سالف الأزمان كان هناك رجل نجار عرف عنه الحرفية في عمله والاتقان ، ومع الكبر في السن قرر أن يستقيل من عمله ، ويجلس في منزله الى جوار أهله . طلب من صاحب عمله الاستقالة ، لكن صاحب العمل رفض ذلك ، فما كان من النجار النجيب إلا الإلحاح على الاستقالة لأنه تعب وأراد الراحة . يقبل صاحب العمل استقالة النجار بشرط ، أن يصنع له منزل وسيكون هذا العمل ختام أعماله عنده ، فيقبل النجار لكي يرتاح ، فيصنع له منزلًا على مضد ، بدون براعة ، وبأقل المواد كفاءة ، فينتج عملًا غير متقن ، ويسلمه لصاحب العمل، فيتفاجأ حين يخبره صاحب العمل بأن هذا المنزل مكافأة له على نهاية الخدمة ، ويعطيعه مفتاح المنزل ، ويعيش النجار فيه رغم رداءته . يرى الناس سوء المنزل الذي يعيشه هذا النجار الماهر فقالوا باستغراب :” باب النجار مخلع ” .

العضوة: 680309 , 6 years ago

🤣🤣🤣🤣حبيت وانا بعرف كتير قصص بس كتابتن طويلة🤣🤣🤣