6 years ago
  • ما قبل الحمل
كيفكم أمهات وحوامل 🌹🌹🌹 لتغيير روتين عندي الكم موضوع حلوو كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها رح ابدأ انا ( الضرة مرة لو كانت جرة) 💃 قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉 وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮‍♂️ تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣 رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔 حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁 وهي قصة المثل.... يلا هلموووا شاركوا بأمثال حلوة والها قصص لنغير جو الملل 💜

261 تعليقات

العضوة: 550643 , 6 years ago

يعني فهمتي اللهجة

العضوة: 550643 , 6 years ago

حمدلله منيحة ولولاد يبوس خدك

العضوة: 548560 , 6 years ago

مو عم قلك سلاح المرأة مشان نردهن على رجالنا اذا فكرو يمزحوو🤣🤣🤣 @user-657905

العضوة: 657905 , 6 years ago

@user-550643 اي طبعا يعني اللي بدو ياكل العسل يصبر ع قرص النحل 🤣🤣

العضوة: 657905 , 6 years ago

دووم ي رب تبوسهم العافيه الله يحفظهم 😘

العضوة: 657905 , 6 years ago

لازم احفظهن 🤣🤣

العضوة: 717005 , 6 years ago

@user-606148 كيفك شو اخبارك تذكرتيني انا امل الحياه

العضوة: 174291 , 6 years ago

@user-657905 موضوعك حلو كالمعتاد حبيت الفكره وكمان قصه المثل

العضوة: 174291 , 6 years ago

@user-657905 بما اننا من دول مختلفه فعندي فكره انتي تكتبي مثل بلهجه دولتك وكل بنت تكتب نفس المثل بلهجتها لان كل الامثال اللي البنات كتبتها عندي بالمصري مختلفه بس قدرت افهمهم ايه رأيك 😘🤔

العضوة: 657905 , 6 years ago

@user-174291 وجوودك احلا حبيبتي منوره كيفك وكيف اولادك

العضوة: 657905 , 6 years ago

حبييييت الفكرة كتيير وحطيتا بصيغه الموضوع 😍😍 الله يسعدك ع الاضافة الجميلة 💕😘

العضوة: 174291 , 6 years ago

@user-657905 حبيبتي الحمد لله بخير وانتي اخبارك واخبار اميراتك اللي يحميهم يارب😍 بالمناسبه اختي اسمها اميره ودكتوره يارب تشوفي اميراتك دكاتره بس بعيد عن كورونا طبعا 😅😅😅

العضوة: 657905 , 6 years ago

دووم ي رب الله يحفظهم أميراتي ببوسو خدك ما شاء الله حلو اسم اميرة الله يحفظها ويبارك فيها وبعملها انا بتمنى وحده من بناتي تصير دكتورة الله يخلصنا من هالوباء عاجلا غير آجل

العضوة: 174291 , 6 years ago

@user-657905 انا عندي بمصر *اللي ميعرفش يقول عدس *اقلب القدره علي فومها تطلع البنت لأمها *تعرف فلان ؟اه اعرفه عاشرته؟لأ تبقي متعرفوش

العضوة: 657905 , 6 years ago

بسم الله عليها الله يبعد المرض عنها ي رب وتكون النتيجة سلبية ممكن شكوك او رشحة عاديه بسبب تغيير الجو ان شاء الله ما ع قلبها شر الله يحفظها من كل مرض وكل اذى يا رب @user-174291