كيفكم أمهات وحوامل 🌹🌹🌹
لتغيير روتين عندي الكم موضوع حلوو
كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال
او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها
رح ابدأ انا ( الضرة مرة لو كانت جرة) 💃
قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉
وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮♂️
تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣
رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔
حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁
وهي قصة المثل....
يلا هلموووا شاركوا بأمثال حلوة والها قصص لنغير جو الملل 💜
العضوة: 657905 , 6 years ago
@user-563046 هلا وغلا بحلا منوره موضوعي حبيت القصة 😂😂 يسلم دياتك 🌹العضوة: 657905 , 6 years ago
@user-680309 طلعتي ما بتحبي تكتبي 🤣🤣 منورة موضوعي 🌹 عادي اكتبي امثال بدون قصص بس بدنا امثال شلل مو المعروفة 😁العضوة: 657905 , 6 years ago
@user-709324 يا هلاا كيفك شو اخباركالعضوة: 319465 , 6 years ago
@user-657905 ههههه حلوة القصةالعضوة: 680309 , 6 years ago
دخيل قلبك في متل بقول (يلي استحوا ماتو) كان قبل النسوان بتتحمم سوا بالحمام الشامي فدخلوا النسوان كلن وصاروا عريانين فتعطلت المي الباردة ونزلت علين مي سخنة كتييير وصارت تحرق حرق فنسوان منن ماتحملوا وطلعوا وركضو وهني عريانين والباقين استحوا يطلعوا فنحرقو بالمي السخنة وماتوا لهيك بقولو يلي استحوا ماتو🌚🤣🤣🤣🤣🤣🤣🤣العضوة: 657905 , 6 years ago
@user-319465 وجوودك احلا منورة، 🌹العضوة: 657905 , 6 years ago
@user-680309 يعطيكي العافيه نقيتي اسهل متل ورفيقتي حكت القصة فوق اول التعليقات، 🤣🤣 بس معليش بالاعادة افادة ❤️😘العضوة: 319465 , 6 years ago
@user-680309 هههههه والله لستحيو ماتوالعضوة: 709324 , 6 years ago
👍👍انا بحب هل قصه كتيرالعضوة: 563046 , 6 years ago
@user-657905 الله يسلمك 😘 كيفكالعضوة: 657905 , 6 years ago
@user-563046 الحمدلله منيحة كيفك انتي شو اخبارك لسا عندكن حظر شو الوضعالعضوة: 709324 , 6 years ago
مرحباالعضوة: 709324 , 6 years ago
شو نافي حداالعضوة: 563046 , 6 years ago
اهلين لحمدلله تمام حضر جزئي من ٨ لمسا ل٦ لصبح و٢٩ شوال لح يفتحو لحضر لحالات كليوم تزيدالعضوة: 680309 , 6 years ago
@user-657905 من قلة المروة ماقريت كل التعليقات🤣🤣🤣🤣🤣🤣