كيفكم أمهات وحوامل 🌹🌹🌹
لتغيير روتين عندي الكم موضوع حلوو
كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال
او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها
رح ابدأ انا ( الضرة مرة لو كانت جرة) 💃
قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉
وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮♂️
تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣
رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔
حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁
وهي قصة المثل....
يلا هلموووا شاركوا بأمثال حلوة والها قصص لنغير جو الملل 💜
العضوة: 657905 , 6 years ago
@user-511344 تواجدك احلا حبيبتي عطينا من امثالكم 😍العضوة: 657905 , 6 years ago
😂😂😂😂😂 عجبني آخر متل جديد علييالعضوة: 657905 , 6 years ago
@user-563046 وجودك احلا حلوووشي الله يسعدك 😘💜العضوة: 718190 , 6 years ago
االعضوة: 718190 , 6 years ago
االعضوة: 511344 , 6 years ago
@user-657905 أجا يكحلها عماها " مثل شعبي عامي عربي ، يقال عندما يعجز شخص عن مساعدة آخر في حل المشكلة ، وربما يزيد المشكلة تعقيدًا ،ويشار به إلى شخص خرب شيء ما عند محاولة إصلاحه ،أو عن الشخص الفاشل في حياته ولا يستطيع تحقيق المزيد من النجاح والتقدم ، ومثله قال العرب " زاد الطين بلة " ,و " جبناك يا عبد المعين تعين ، لقيتك يا عبد المعين بتنعان " ، هذه الأمثال جمعًا هي عبارة عن تجربة الأجداد ، وأوجدوها نتيجة حدث أو قصة انتشرت بين الناس قصة المثل ....👇 هذه الرواية أقرب الى الحقيقة ، فيحكى عن زوجين ، كان الزوج يشك في حب زوجته له ، فقد كانت قليلة الكلام والضحك ، ودائمًا ما يشعر بها من حزن ، فذهب الى امرأة عجوز عرف عنها الحكمة ، وأخبرها ما يجري بينه وبين زوجه ، فنصحته بأن يختبر حبها ، وذلك بأن يحضر ثعبان كبير ، ويغلق فمه بإحكام كي لا يؤذيه أو يلدغه ، ويضعه على جسده أثناء نومه ، ويرى ردة فعل زوجته ، وهكذا سيعرف ما إذا كانت تحبه أم لا . لما فعل الزوج ما نصحت به العجوز ، ورأت الزوجة الثعبان على جسد زوجها ، خافت وفجعت وبدأت بالصراخ ، فرح الزوج وتأكد بأن زوجته تحبه ، خفف من روعها ، وقال لها إنه هو من فعل هذا لكي يختبر حبها له ، فلما عرفت بفعلته غضبت وتركت البيت، ورفضت أن تعود له كزوج ، فانتشرت القصة بين الناس وقالوا عنه : أجا يكحلها عماها .العضوة: 657905 , 6 years ago
@user-511344 😂😂😂😂 بعرف المثل بس اول مرة بقرأ القصة تبعوو عجبتني يسلم دياتك 😍العضوة: 511344 , 6 years ago
😂😂😂😂😘😘😘العضوة: 563046 , 6 years ago
😘😘😘العضوة: 495245 , 6 years ago
لا يعجبك نوار الدفلة ولوكان مداير الضلايل ولا يعجبك زين الطفلة حتان تشوف الفعايلالعضوة: 657905 , 6 years ago
@user-495245 منورة حبيبتي حاولت افهم المثل بس للأسف صعب عليي 🤣🤣 اشرحيلنا اياه بطريقة اسهلالعضوة: 657905 , 6 years ago
@user-174291 ازيك ي عسسل تعالي بتعرفي معنى المتل هاد او مقابلو بالمصري 🤣 انا عجزت وما فتحت قوقل لان ما بدنا غش 😂العضوة: 174291 , 6 years ago
@user-657905 الحمد لله حبيبتي هههههه انا بقه حاولت اغش من جوجل وموصلتش لحاجه ههههههههه يعني اخدت الذنب وخلاص 😅😅😅😅😅العضوة: 657905 , 6 years ago
😂😂😂 يعني لا بالغش ولا بغير الغش جبنا نتيجةالعضوة: 709324 , 6 years ago
مرحبا صبايا