6 years ago
  • ما قبل الحمل
كيفكم أمهات وحوامل 🌹🌹🌹 لتغيير روتين عندي الكم موضوع حلوو كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها رح ابدأ انا ( الضرة مرة لو كانت جرة) 💃 قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉 وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮‍♂️ تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣 رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔 حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁 وهي قصة المثل.... يلا هلموووا شاركوا بأمثال حلوة والها قصص لنغير جو الملل 💜

261 تعليقات

العضوة: 680309 , 6 years ago

@user-319465 فعلاً 🤣🤣🤣🤣🤣🤣

العضوة: 680309 , 6 years ago

طيب بتعرفو قصة المتل لبيعرف بيعرف ولما بيعرف بقول كف عدس🌚🤣🤣🤣

العضوة: 657905 , 6 years ago

اي كمان كتبوه بالتعليقات 🤣🤣

العضوة: 657905 , 6 years ago

@user-563046 وعنا هيك وكمان عم تزيد الحالات بس حالات الشفاء عم تزيد كمان الله يخلصنا من هالوباء ع خير وسلامة

العضوة: 709324 , 6 years ago

تمام انت كيفك

العضوة: 709324 , 6 years ago

شوكني مافي حدا عم يكتبنا قصه ومثل جديد

العضوة: 657905 , 6 years ago

دوم ي رب منيحة الحمدلله عم رضع بنتي هلأ فاقت

العضوة: 657905 , 6 years ago

@user-709324 ههههه لا مافي حدا بلكي بتزكر هلأ انا شي قصة وبكتبا

العضوة: 709324 , 6 years ago

الله يخليلك ياها

العضوة: 709324 , 6 years ago

قصة مثل حبل الكذب قصير كان ملك غني وكان عندو عشره من الخدم بيوم واحد من الخدم سرق كيس دهب ممن الملك وصار الملك يفكر كيف رح يعرف سارق عطا لكل واحد من الخدم حبل وقال لمهم السارق منكون رح يطول حبلو عشر امتار وفي اليوم تاني قام سارق بقص حبلو عشر امتار من شان بس يطول عشر امتار يرجع ع طولو ولما رجعو ع ملك شاف ملك كل الحبال بطول بعض بس حبل واحد قصير بعشر امتار وقتا قال مثل حبل الكذب قصير

العضوة: 709324 , 6 years ago

😉😉من شان هيك لا حدا يكذب ياصبايا لاني عن عجد حبل الكذب قصير

العضوة: 657905 , 6 years ago

@user-709324 جد رهييييبة القصة اول مرة بسمعها 😂😂😂😂👍🏻 يسلم ايديكي