كيفكم أمهات وحوامل 🌹🌹🌹
لتغيير روتين عندي الكم موضوع حلوو
كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال
او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها
رح ابدأ انا ( الضرة مرة لو كانت جرة) 💃
قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉
وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮♂️
تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣
رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔
حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁
وهي قصة المثل....
يلا هلموووا شاركوا بأمثال حلوة والها قصص لنغير جو الملل 💜
العضوة: 669292 , 6 years ago
تهبل وتضحك والمثل صحيح يدرى شكون تقبل راجلها يزوج عليها ويجيب الثانيةالعضوة: 657905 , 6 years ago
@user-669292 دووم الضحكة هههههه قبلت علشان الاطفال وغارت من الضرة وطلعت جرة 🤣 منورة عطينا شي مثل من دولتكم 💓 بتوقع انك من المغرب العربيالعضوة: 669292 , 6 years ago
ايه من الجزائرالعضوة: 714589 , 6 years ago
....العضوة: 714589 , 6 years ago
رفعالعضوة: 714589 , 6 years ago
رفعالعضوة: 669292 , 6 years ago
شوفي نقلك الا فهمتيها فهميني فيها حنا عندنا مثل يقول الي راح وولا واشمن بنة خلا كشما فهمتيالعضوة: 714589 , 6 years ago
رفعالعضوة: 657905 , 6 years ago
ابدا ابدا ما فهمت شي 😂😂😂 @user-669292العضوة: 714589 , 6 years ago
رفعالعضوة: 714589 , 6 years ago
رفعالعضوة: 657905 , 6 years ago
رفع الله قدركالعضوة: 359583 , 6 years ago
بعرف أمثال كتيير بس بعرفش قصصهن بعرف قصة وحدة يلي بيدري بيدري ويلي ما بيدري بقول كف عدس هاد واحد كان يلتقي بحبيبتو بالمخزن تبع ابوها قام مرة ابوها شافهم وبدو يلحقو إجى الشب اخد حفنة عدس وهرب قام الناس صارو يحكو انو لاحقو عشان نتفة عدس قام حكى يلي بيدري بيدري ويلي ما بيدري بقول كف عدس 😂😂العضوة: 657905 , 6 years ago
@user-359583 منورة الموضوع ام عرب بعرف هاد المثل بس اول مرة بسمع قصتو 😂😂😂😂 عجبتني كتيرالعضوة: 359583 , 6 years ago
نوورك ☺️😍 ااه حلوة قصتو زمااان سمعتها