6 years ago
  • ما قبل الحمل
كيفكم أمهات وحوامل 🌹🌹🌹 لتغيير روتين عندي الكم موضوع حلوو كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها رح ابدأ انا ( الضرة مرة لو كانت جرة) 💃 قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉 وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮‍♂️ تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣 رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔 حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁 وهي قصة المثل.... يلا هلموووا شاركوا بأمثال حلوة والها قصص لنغير جو الملل 💜

261 تعليقات

العضوة: 714081 , 6 years ago

ان شاء الله يكون خير ولا يضر أم بولدها😭

العضوة: 657905 , 6 years ago

ايواا الله يفرجها كرمال نعرف قيمة سنين الطعشات اللي ما كانت عاجبتنا 🤣🤣

العضوة: 714081 , 6 years ago

🙂 خلص اتربيت وحسيت رجعونا أمانه

العضوة: 657905 , 6 years ago

رجعت حليمة لعادتها القديمة 🤷🏻‍♀️ قصة المثل حليمة بتكون مرتو لحاتم الطائي المعروف بالكرم وحليمة كانت ايدها ماسكة شوي يعني فيها بخل ولمن تطبخ ما تكثر سمنة ع الاكل وزوجها عجز معها وهو يعلمها الكرم لكن عبث وخطرت ببالو فكرة وراح عند حليمة وهي تطبخ وحكالها كان في بهالزمنات مرأة كبيرة كل ما تزيد للاكل ملعقة سمن ربي يزيد بعمرها يوم وعجبتا حليمة القصة وصارت كل ما تطبخ تزيد السمن للأكل وهيك تركت عادة البخل اللي عندا ومرت الايام والسنين وتوفى ابنها لحليمة يعني ابنو لحاتم الطائي كتير زعلت ع وفاة ابنها وتمنت الموت ورجعت تقلل السمنة بالاكل ويا دوب تحط شوي علشان يقل عمرها لحتى صارو الناس يقولو رجعت حليمة لعادتها القديمة

العضوة: 657905 , 6 years ago

@user-193107 سلامتك اختي من الوجع دنيا فانية هونيها بتهون 🌹😊

العضوة: 427410 , 6 years ago

هلا حبيبتي اه الحمد لله صارت احسن

العضوة: 548560 , 6 years ago

٠إذا بدك تجيب غراب البين اتجوز ثنتين. .وعندو.حوريّة وعينو ع النوريّة مابعرف قصصهن بس رح بحبش بس هدول الامثال ويلي على نمطهن سلاحنا🤣🤣

العضوة: 657905 , 6 years ago

@user-427410 الحمدلله ع سلامتها 💕 كيفك اليوم طلعتو من المستشفى

العضوة: 657905 , 6 years ago

@user-548560 😂😂😂😂 لاحظتي اغلب الامثال ع الزواج من التانيه

العضوة: 550643 , 6 years ago

@user-657905 لبغا لعسل اصبر لقريس نحل

العضوة: 550643 , 6 years ago

اهلين وعد كيفك حبيبتي كيف الامورات

العضوة: 657905 , 6 years ago

@user-550643 الحمدلله بخير حبيبتي كيفك انتي وكيف اولادك اموراتي ببوسو خدك 😘