كيفكم أمهات وحوامل 🌹🌹🌹
لتغيير روتين عندي الكم موضوع حلوو
كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال
او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها
رح ابدأ انا ( الضرة مرة لو كانت جرة) 💃
قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉
وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮♂️
تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣
رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔
حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁
وهي قصة المثل....
يلا هلموووا شاركوا بأمثال حلوة والها قصص لنغير جو الملل 💜
العضوة: 714081 , 6 years ago
@user-657905 ههههههههه كأنك قاصدتيني ب هالبوست😁😁العضوة: 657905 , 6 years ago
تدوم عافيتك ي قلبي 🌹العضوة: 657905 , 6 years ago
@user-687672 منورة جزجوزة، 😂 اول مثل بحبو كتير قديمك نديمك ي خسارة ي ريتك بتعرفي القصة 🤣العضوة: 657905 , 6 years ago
@user-714081 منورة لولو 😍 ههههههههه قاصدتك بشو المثل ولا النفسية حددي الهدف 😂😂العضوة: 687672 , 6 years ago
مابعد نورك❤️ واضح بدون تفسير بس بفسره لك 😄 يعني اي شئ قديم تركناه مايغنينا عنه الجديد مثلاً لو شريتي اي شئ جديد وعندك قبله قديم يمكن ترجعين للقديم ماستغنين عنه بيوم من الأيام 🙏🏼العضوة: 714081 , 6 years ago
قصة مثل(باب النجار مخلع) 😂 هاد في، نجار معروف ع مستوى بشغلو بالنجارة إنه شاطر وبيشتغل بورشة عند معلم ف كبر بالعمر وقرر إنه خلص يترك الشغل ويتفضى لعيلته بس المعلم تبعو أصر إنه يرفض طلبو. يوم يومين من النق والسق من النجار 🤓وافق المعلم بس، بشرط إنه يبني آخر بيت ب مهنته وافق النجار وبلش ب البناء بس بناه هات أيدك ولحقني إنه بدو يخلص بسرعة وبس خلص اجا ل معلمه وإن وأنا انتهيت من البناء.. ف قله مبروك عليك البيت هاد مكافأة تعبك ولجهودك معنا ف ندم النجار كتير وتحسر إنه بناه من أخف الأساسات وبالفعل سكن بالبيت وصارت الناس كل ما تمرق من قدام بيتك تضحك وتقول( صحيح باب النجار مخلع ) إي والله وبس🤣🤣العضوة: 714081 , 6 years ago
الأمثال يروحي 😂 النفسية حدث ولا حرجالعضوة: 657905 , 6 years ago
لا ذكية 😁😁 هبوله بدي قصة المثل مو معناه انو شو السيرة اللي صارت لقالو هاد المثل وبخصوص التخبيص بموضوع اسم ملك منيح نبهتيني والا كان ضاع البريستيج 😂😂😂😂😂 @user-687672العضوة: 657905 , 6 years ago
😂😂😂😂😂😂 فرررررطت جد حلوة كتير قصة المثلالعضوة: 657905 , 6 years ago
🤣🤣 فكو الحظر عنكن شو بدك احسن من هيك لتتعدل النفسيةالعضوة: 714081 , 6 years ago
إي دوم عندي قصص كتيرة بس مالي خلق للكتابة 😂العضوة: 687672 , 6 years ago
ههههههه اها قولي كذا ماعرف والله بكرة اعلم الشلة عليك🤫😂 العضوة: 714081 , 6 years ago
عنجد هي أنا 😩😂😂العضوة: 657905 , 6 years ago
😂😂😂😂😂 حئيرااا جد ضاعت الهيبة من فتوى ابن عثيمين لاكلة كرسبي منك لله يا حلوووش 🤣🤣 هلأ هاد سلاحك صار 👇 بس ما يكون صورتي عليي 😅العضوة: 714081 , 6 years ago
@user-687672 كيفك جازي سمعت إنه مشتاقتيلي وعم تشوفيني ب كل الأماكن 🤣🤣