كيفكم أمهات وحوامل 🌹🌹🌹
لتغيير روتين عندي الكم موضوع حلوو
كل وحدة فيكم تعرف مثل شعبي مشهور وقصة هاد المثل تكتبو هون بتعليق وهيك بنتسلاا ونتعلم ثقافة الأمثال
او اكتبي المثل بلهجتك انتي وتقولي من اي دولة وكل صبية تدخل الموضوع تحول المثل للهجتها حسب الدولة اللي هي فيها
رح ابدأ انا ( الضرة مرة لو كانت جرة) 💃
قصة هالمثل رجال عايش مع زوجتو من كذا سنة وما عندهم اطفال لأن الزوجة عقيم وبعد كم سنة طلبت من زوجها وألحت عليه أنو يتزوج بس الزوج رفض وحكالها رح تصير مشاكل بينك وبين الضرة الجديدة ويوجعني راسي وتصير قصص نحنا بغنى عنها بس الزوجة أصرت على زوجها يتزوج علشان ربي يكرمو بطفل وبعد صد ورد بينهم وافق الرجال يتزوج بس اشترط انو يسافر ويتزوج وحدة مرتو ما بتعرفها ومن غير البلد اللي هنن فيه وافقت الزوجة وبقلبها غصة انو ممكن يتزوج أجمل منها واشتغلت الغيرة 😁😉
وتاني يوم ودعت زوجها وسافر الزوج يومين ورجع للبيت معو جرة فخار كبيرة ملبسها أسود بأسود مو باين منها كوع ولا بوع وحط الجرة بالغرفة ودخل للغرفة التانية عند مرتو وقاللها ضرتك صارت بالغرفة اللي جنبك انا رايح ع الشغل ونبهت عليها ما تحكي معك ولا تزعلك بشي وإذا عملت غير هيك رح يكون حسابها عسير عندي 👮♂️
تيسر الرجال لشغلو والزوجة قاعدة عم تستنى ضرتها بلكي تتحركش فيها وتعلق بينهن حرب وطول النهار عم تستنى وابدا الضرة مالها حس ولا خبر 🤣🤣
رجع الزوج ع البيت المسا بعد نهار شغل طويل وشاف مرتو قاعدة عم تبكي وتشكي وركض عندها وسألها خير شوفيكي قالت مرتك اللي جبتها ضرة عليي اهانتني وسبتني وعايرتني أنو ما جبت لك أولاد حكالها زوجها مرتي هيك عملت قالت أي ولا لا يكون بدك تدافع عنها وصار قلبك ميال الها وقدرت تقويك عليي، 😭😭💔💔
حكالها الزوج ما عاش ولا كان اللي يزعلك انا رح ربيلك اياها ومسك عصاية كبيرة وفتح باب الغرفة ونادى ع مرتو وقاللها تعي شوفي وبدا ضرب بالجرة لتكسرت وانصدمت الزوجة من اللي شافتو وقالت لزوجها اعذرني ترا والله الضرة مرة لو كانت جرة 😁
وهي قصة المثل....
يلا هلموووا شاركوا بأمثال حلوة والها قصص لنغير جو الملل 💜
العضوة: 558355 , 6 years ago
طب جرة ع تما بتطلع لبنت لامها وطب صحن ع أفاه بيطلع لابن لاباهالعضوة: 606148 , 6 years ago
تركت حظي لمعتر وطلعت اتفسح 😏 لحقني وقلي اش مفكرني مكرسح 😕العضوة: 606148 , 6 years ago
هو في امتال كتير بس تعي لاقي قصه كل متلالعضوة: 558355 , 6 years ago
اي صحالعضوة: 558355 , 6 years ago
مكتوب ع باب جنة بعمرا حماية ما حبت كنة لولد مرجوعو لامو لعترة ع مين لمو وضموالعضوة: 606148 , 6 years ago
تعي فرطي جعل مايفرط غيرك ابوك البصل وامك التوم منلك الريحه الطيبه يامنظوم😂😂العضوة: 606148 , 6 years ago
رضينا بالهم والهم مارضي فينا القصه مو قصه رمانه القصه قصه قلوب مليانهالعضوة: 657905 , 6 years ago
يلا اكتبو بلا قصة 🤣العضوة: 657905 , 6 years ago
😂😂😂 حلوووو المتل التانيالعضوة: 657905 , 6 years ago
@user-606148 ولاء عليكي امثال بتشل 😂😂 اول مرة بشوفهنالعضوة: 606148 , 6 years ago
ههه 😂😂 بجوز لانو امثال حلبيه انتي من وين من درعا صحالعضوة: 657905 , 6 years ago
اي من درعا انتو بالشمال ونحنا بالجنوب، 🤣🤣 لهيك الثقافه مختلفة حتى بالامثالالعضوة: 715086 , 6 years ago
حلوة القصة يالله عطونه غيرهاالعضوة: 715086 , 6 years ago
@user-558355 لو كل عمه حبت الكنه كان أبليس دخل الجنهالعضوة: 657905 , 6 years ago
@user-715086 يحلي أيامك منوره هاتيلك شي مثل وقصة 😁