العضوة: 782632 , 4 years ago

معك كملي

العضوة: 799516 , 4 years ago

طلع محرمه ونكت الكنبه وقعد… سهام بغيض : اي شو بدك عادل قعد ب ارياحيه وحط اجر على اجر : بصراحه جاي اطلب ايد بنتك جوري… . اسمها جوري مو سهام بفرحه : ايه ايه جوري .. يامية اهلا وسهلا شو بتحب تشرب عادل : لا مافي داعي سهام : يوه كرمال واجبك عادل : لكن بشرب قهوه… . ساده سهام : على عيني تكه وبتكون جاهزه… ارتاح ارتاح خود راحتك ابني… يامية اهلا وسهلا هرولت بخطوات سريعة ب اتجاه المطبخ وهي بتفرك ايديها ببعضن وكأنه عرض عليها شي صفقه مربحه سهام بقلبها : و•اللّـہ̣̥ واجيت بوقتك تمام… Telegram@rwayate بعد دقايق قليله رجعت لعندو وهي حامله صينية القهوه وابتسامتها بعرض وجهها… يامية اهلا وسهلا زارتنا البركه…

العضوة: 799516 , 4 years ago

اتناول القهوه وابتسم… اهلين فيكي سهام : اي ابني قلي من وين بتعرف بنتي جوري عادل : عن طريق ام الوليد بتعرفيها سهام : يوه لكان انا يلي بعرفها… . ياميت اهلا وسهلا عادل : رح فوت دغري بالموضوع… انا بشتغل بالاستيراد والتصدير وعندي شركه صغيره على قدي وبيتي جاهز ووضعي المادي ممتاز و الحمد لله سهام : •اللّـہ̣̥ يزيدك كمان وكمان… عادل : تسلمي… حاليا مو ناقصني الا بنت حلال لاكمل نص ديني سهام : زينة العقل عادل : وبالنسبه للمهر رح اعطيها فيلا وحطلا مية الف دولار ب اسمها والمتأخر مية الف برقت بعيونها وصارت ترمش… مـ مية االفــ عادل : قليل !! سهام : لا شو قليل .. يامية اهلا وسهلا… هههه ايه عِنـ.̷̷̸̷̐ـديّ سؤال صغير عادل : اتفضلي سهام : يعني ام الوليد خبرتك انها جوري ارمله وعندها ولد تغيرت معالم وجهو 180 % وعبس وعقد حاجبيه عادل : ارمله !!! بنت الحرام ماخبرتني… انا بعتزر منك .. الله يبعت نصيبها… عن ازنك سهام : وين وين لحظه ي ابني الكلام اخد وعطى عادل : لاتواخزيني ياخانوم انا بنت بنوت لا ارمله ولا مطلقه سهام : حقك ابني اي والله حقك بس صدقني جوري زينة البنات وماقعدت عند المرحوم جوزها الا كم شهر عادل : المطلقه نص تزكره بس الارمله بربع تزكره ويمكن ببلاش سهام : اي اي شو عليه خدها بالهدمه اللي عليها وياسيدي ازا عالمصاري فهيه حتكون مرتك واكيد مارح تبخل عليها بشي عادل بخبث : لكن خلينا نقرأ الفاتحه هي الفاتحه بتقرأها على روحك يا ابن الحرام تلفتت سهام بخوف ناح الصوت لتشوف صهيب واقف قدامها وجوري وراه وعم تبكي قرب من عادل بخطوات بطيئه ومسكه من ياقته ورفعوا صهيب : هالمره رح سامحك بس مره تانيه بتفكر تهوب ناح هالبيت بتكون حفرت قبرك ب ايدك Telegram@rwayate عادل : مـ مين انت صهيب : انا زوج لجوري… سهام : 😲 عادل بخوف : اهلا وسهلا مشان الله ماتواخزني انا مماكنت بعرف وبعدين امها ححكت انها ارمله صهيب : فيك تحكي داق خلقي بالقبر وجيت شق عليها… وهلأ عطيني عرض كتافك درمل من هوووون

العضوة: 799516 , 4 years ago

نترو من ايدو بقوه ودفعه عالباب وطردو وسكر وراه الباب بقوه واطلع بسهام بعيون داميه سهام : انت جنيت كيف بتحكي انك جوز بنتي شو رح يحكوا علينا العالم تقدم منها بخطوات بطيئه وهي بتتراجع لورى لحتى لزقت بالحيط صهيب : جوري حتصير زوجتي وايسر ابني .. هاد مو كلامي هي كانت وصية اخي خالد سهام : بالله شووووو لتكون مفكرني هبله ولا غبيه .. انا هلأ فهمت كلشي جوري : شو يلي فهمتيه امي سهام : اخرسي انتي .. •اللّـہ̣̥ يغضب عليكي يافاجره ياحوينة تربايتي فيكي موتي جوزك لانك كنتي عشقانه اخوه شهقت جوري وحطت ايدها عتمها بينما صهيب رفع ايدو وهوا فيها على وجه سهام جوري : لاااااااا *╚══════ღღ══════╝

العضوة: 799516 , 4 years ago

يا الله سئمت من غدر البشر وظلمهم لي وبقيت ادفع عن نفسي حتي انحنى ضهري وعقد لساني فلم يعد لي شئ ادافع عنه جرحت من اقرب الناس لي قلوبهم قد زرعت بالكره والغيره وانا لم اكن لهم سوي الحب والحنين اهذا جزاء قلبا قدم الحب والعطاء أهذا جزاء قلبا زرع الحب والورد فيجني الاشواك جنيت القسوه والجفاء جنيت الكره والعدوان جنيت الاشواك كل هذا لاني دفنت زوجي فنعتوني بالارمله… الهذه الدرجه تخافون تلك البائسه .. اهي حقا لرجالكم خاطفه ويحكم ما انتم الا وحوش بربريه ولدتم من رحم القسوة والعادات والتقاليد لتصبح الارمله عارا والخلاص منها يوم عيد *╚══════ღღ══════╝ قبل ماتنزل ايد صهيب على خد سهام صرخت جوري واتجمدت ايدو مكانها بقي يطلع فيها بعيونو الداميه والنار عم تشعل بقلبه قبض على كفه ورخى ايدو لتحت صهيب : اياكي تكرري هالحكي مره تانيه والا ورحمة اخي تحت التراب لادبحك ب ايدي هدول كانت سهام متمسمره مكانها وعم ترجف من الخوف هزت راسها ونطقت بشايف مرتجفه… حاااضر مممتل مابدك صهيب : لا يا ام جوري مو متل مابدي… انتي يلي ربيتي جوري ولازم تعرفي شو عندك… انتي يلي لازم تحامي لبنتك وتاكلي بسنانك اي حدا بيتجرأ يمسها بحرف سهام بخجل : معك حق بس الناس شو رح يحكوا عنا ازا عرفوا انك تزوجت مرت اخوك صهيب : الناس !! الناس شغلتها وعملتها الحكي .. وبكل الحالات رح يحكوا… بس يلي مريحني انه ماعم نعمل شي غلط… هاد شرع الله اطلعت سهام بجوري وسألتها .. انتي موافقه تتزوجي صهيب سكتت للحظات لتقدر تستجمع قوتها وتواجه مصيرها… شو ماكان اللي رح يصير فزواجها من صهيب هو طوق النجاه بالنسبه الها جوري : اي امي موافقه .. عالقليله صهيب عم ابني ومارح يظلمه ولارح اضطر انحرم من ضناي لانك رح تزوجيني بالغصب سهام : يابنتي ازا مابدك تتزوجي خلص بلاها .. خليكي عندي والصبي بيزور بيت جده كل فتره جوري : لا امي انا فكرت وقررت .. مصلحة ابني انه يتربى ببيت جدو سهام : لكن عطيهم ياه جوري : انا مستحيل اتخلا عن ابني لو على دمي

العضوة: 799516 , 4 years ago

مشت بعجز ناح الكنبه واستندت عليها لتقعد بثقل وكأن هموم الدنيا فوق راسها سهام : يعني مصره تسودي وجهي قدام الناس جوري : اسود وجهك !! ليش انا عم بعمل شي حرام لاسمح الله مو من شوي كنتي تحكيلي انك حتزوجيني ختيار ولا ارمل ولا مطلق سهام : اي صح حكيت بس ماحكيت تتجوزي عزابي ليعايرك كل عمرك قاطعها صهيب، بنبره جاده… ومين قلك اني عزابي سهام : لكن شو اطلع بجوري واردف بعجل،.. انا كمان ارمل جوري بصدمه : ارمل !!! انت كنت متزوج !! صهيب : اي جوري : ماكنت بعرف صهيب : وليكك عرفتي ياترى تغير شي جوري : لا .. الله يرحمها شد على قبضته بقهر كان نفسه يقلها الله لايرحمها ولايسامحها بس الميت مابتجوز عليه الا الرحمه صهيب : امين *╚══════ღღ══════╝ نزل عادل كرفته عالدرج وركض لعند اول زقاق ودحش حاله فيه وهو مرعوب عادل : •اللّـہ̣̥ لا يوفقك ياليال باعتيني لاخطب وحده متجوزه والله لادفعك التمن غالي فورا تناول موبايله ورن عليها .. ليال : اهلين عادل عادل بغضب : لا اهلين ولا سهلين .. لك انتي مجنونه شي ولا جدبه ليال : شبك ليش عم تحكي معي هيك عادل : يخرب بيتك من حالك ولسه الك عين تحكي ليال : لك حاج تصرخ وفهمني شو صار معك رحت لبيت جوري عادل : اي رحت وطلبتها كمان واحزري شو ليال : شو عادل : زوجها طلع بوجهي وعشوي كان حيشختني عالبالوعه ليال بصدمه : زوجها !! انت متأكد !! عادل : طبعا متأكد هو بنفسه حكالي انا زوجها لجوري ليال : وكيف شكلو عادل : شو بعرفني .. رجال متل هالرجال ليال : اله دقن طويله عادل : ايه

العضوة: 799516 , 4 years ago

سكتت ليال والنار عم تشعل بقلبها بقيت ضاغطه عالتليفون لحتى ابيضت ايدها عادل : وين رحتي ليال : سماع عادل… هاد الرجال مو زوجها هدول فاتحين بيت دعاره وانا بعتك لهونيك لحتى تكشفهم قدام بيت عمي عادل : •اللّـہ̣̥ لايعطيكي العافيه كنتي ناويه تخليني طعم وتبلغي عني ليال : ابلغ شو انت التاني .. اسمعني ونفذ يلي رح قلك عليه بالحرف عادل : لادخيلك انسيني من هالقصه ليال : رح اعطيك الف دولار عادل : شو المطلوب مني بالضبط 🤤 *╚══════ღღ══════╝ كانت سهام بعدها متوتره وعم تفرك ايديها ببعض 2.3Kviews M

العضوة: 799516 , 4 years ago

سهام : ماختلفنا انت ارمل وهي ارمله بس كلام الناس صهيب : كلام الناس مو اهم من وصية خالد سهام : وصية شو !! اخد نفس عميق واردف بصوت اعمق… خالد الله يرحمه قبل مايموت وصاني اتزوج جوري وكون اب ل ايسر سهام : ازا انا صدقت هالحكي الناس مارح يصدقوا ورح يحكوا شي صار وشي ماصار صهيب : اما ازا اتزوجت من غيري مارح يحكوا ماهيك سهام : مرر ايدو بين خصلات شعره… وتنهد صهيب : بما انك سكتي ف انا رح خبرك الحقيقه رفعت حاجبها ب استنكار… ايوا هات من الاخر صهيب : لا… رح جيبلك من الاول… واطلع بجوري من اول يوم شفت فيه جوري جوري : سكت شوي وكأنه عم يرتب افكاره ويستعيد ذكرياته صهيب : بعدني متزكر هداك النهار وكأنه بالامس…… . كانت فرحانه وعم تنط بسعاده غامره قلبها الصغير كنت سايق سيارتي بسرعه ومانتبهت عليها شفت بس خيال حدا عم يلوح ب ايدو وقبل ما ادعسها بسيارتي وقفت بشكل جنوني ونزلت لعندها جوري : انت !!!! صهيب : بعرف انك مو متزكره لانك مارفعتي عينك واطلعتي فيي ابدا .. كنتي غرقانه بخوفك وارتجافك ورعشة شفايفك ولما طلبت منك اخدك عالمشفى رفضتي بكل ادب وكنتي رح تكفي طريقك بس اجتك الازمه ووقعتي بالارض جوري : مزبوط هالشي صار يوم نتائج البكالوريا صهيب : ورغم اني مابعرفك لكني حسيت بخوف كبير عليكي وانا شايفك حاطه ايدك علـّۓ قلبك وعم تتألمي… صدقيني حسيت بقلبي عم يتألم متل ماقلبك بيتألم ورغم المك ماقبلتي للمره التانيه اني اخدك عالمشفى واطمن عليكي… .. سهام : يعني كنت بتعرفها قبل ماتجو تخطبوها لخالد !! صهيب : لهديك السَـآعــهْْ ماكنت بعرفها .. كل يلي بعرفه انه هالبنت شدتني ولفتت انتباهي واحتلت جزء كبير من افكاري لحتى اذن القدر وقابلتها مره تانيه بالصدفه جوري : وين تقابلنا مره تانيه!!!

العضوة: 384373 , 4 years ago

بنات ربي يحفظكم ردو على موضوعي ربي يحفظكم ويسعدكم

العضوة: 799516 , 4 years ago

صهيب : لو عيونك بتنرفع عاللي قبالك كنتي عرفتي… . بيومها قابلتك صدفه بالصيدليه وشفتك اشتريتي دوا للقلب وانا كنت عم حس بصداع شديد وخانقتي الصيدلانيه لانها كانت رح تعطيني دوا بدون ماتقيسلي ضغطي ضيقت عيونها وكأنها عم تعصر زاكرتها .. رجعت بمخيلتها لهداك النهار وبعدا توسعوا عيونها واطلعت فيه… جوري : كنت انت !! هز راسه بالايجاب… ايه انا… وقتها حاولت اعرف بيتك ماقدرت كانت خطواتك سريعه واختفيتي بسرعه سألت الصيدلانيه عنك وعرفت انك ساكنه بهي العماره بس ماعرفت انو بيت… وبعد هيك بلشت حس بدقات قلبي عم تضطرب رغم اني بكره جنس حوا… ومحرمه عحالي من بعد خيانة زوجتي الي لكنك قدرتي تثبتيلي انك غير جوري : مرتك خانتك !! صهيب : مابدي اطرق لهاد الموضوع لانه نسيته من زمان جوري : متل مابدك سهام : ومدامك كنت معجب فيها لشو جيت خطبتها لاخوك ابتسم ابتسامه هزليه ساخره… وحط عيونه بالارض صهيب : فيكي تحكي هي لعبة القدر… ماعرفت انها العروس يلي اختاروها لاخي خالد هيه جوري الا وقت وصلنا لهون وبعدها ماقدرت احكي رغم اني كنت بعرف انك مريضه بالقلب لكني تركت الخيار لضميرك واكتفيت بالصمت وطلعتي قد الامانه حست جوري بالخجل والضيق… كيف عاشت معه خمس شهور تحت سقف واحد وماحست عليه ابدا… بالعكس كانت تشوفوا انسان بليد بارد المشاعر متقلب المزاج صهيب : ونسيت قلك شي مهم جوري : شو صهيب : انا يلي شربت فنجان القهوه المفلفل انصدمت جوري وتوسعت حدقة عينها… وهي بتتزكر كلام اختها جوان عن فنجان القهوه المفلفل.. وانه ازا العريس بيقدر يشربه فبيكون بيحبها ورح يعيش معها طول العمر جوري بقلبها : ازا انت يلي شربته معناته كلام جوان صح !!! بس شلون وانا قلبي لهف لخالد دون سواه *╚══════ღღ══════╝ بهالوقت كان عادل عم يفتل ع دكاكين الحاره ويخبرهم انه في بيت ساكنه فيه صبيه ارمله ودايره على حل شعوها وجايبه عبيتها رجال غريب وامها بتغطي على عمايلها استشاط اهل الحي وصابتهم ثوره عارمه من الغضب لانه المعروف عن الحارات الشعبيه انهم جماعه محافظين جدا وبتهمهم بالمرتبه الاولى العادات والتقاليد خلص مهمنه ورمى سيجارته عالارض وداس عليها وهو عم يبتسم بخبث وبكل هدوء فتل حاله ومشي

العضوة: 799516 , 4 years ago

صهيب : هي هيه قصة الحب اللي بيني وبين بنتك اطلعت سهام ببنتها ودمعوا عيونها وفتحت ايديها لترتمي جوري بحضنها وينفجرو بالبكي سهام : سامحيني بنتي انا ظلمتك ياروحي جوري : مسامحتك امي… ارضي عليي سهام : الله يرضى عليكي يابنت قلبي ويستر عليكي وعلى اختك جوري : امين سهام : خلص بنتي انا مابدي اتزوج ولابدي اغصبك على شي انتي مابدك ياه… القرار الك ازا بدك تتزوجي صهيب او تبقي عندي هون انتي وابنك وبحطكن عراسي ابتسمت جوري وكانت رح تحكي انها قررت تعيش معها لتربي ابنها تحت وصاية عمه لكن يبدو ان القدر بعدو عم يلعب لعبته معها قبل ماتنطق بحرف كان الباب عم يندق بقوه وصوت صراخ عنيف جاي من برا افتحي يافاجره جايبين رجال عندكم ياعديمي الشرف والناموس انتفضت جوري وحضنت امها بخوف وهرع صهيب بخطوات سريعة وفتح الباب بعد هييييييك

العضوة: 799516 , 4 years ago

حكاها واحد من كبارية الحاره وهو بيدفع. صهيب من صدرو ويتعداه ليفوت لجوا سهام : شوفي ابو جابر ليش هيك فايتين لبيتي وكأني عامله عمله ابو جابر : اخرسي ياقليلة الادب ياعيب الشوم عليكي بدل ماتضبي بنتك الارمله تاركتيها ادور على حل شعرها هجم عليه صهيب ولكمه بوجهوا بقوه واتعالق مع رجال الحاره ابو جابر : طالعوا هالفالته من هون وجروها عالحاره لتكون عبره لغيرها سهام : اخراااااااس ابو جابر : الي عم اخراس ياسهام !! سهام : اخرااس وسد بوزك بصرمايه عتيقه بنتي اشرف من الشرف ابو جابر : بدليل لقينا عندكم رجال غريب بالبيت ياام الشريفه العفيفه سهام : هالغريب بيكون خطيب بنتي وقاري فاتحتو عليها يامعدل يا ابن الاصول… قبل ماتتهموا الاشراف اتأكدو هدي رجال الحاره وكأنه حدا سكب عليهم مي بارده تراخت الايدي عن صهيب وبعدو عنه وهنه بيطلعوا ببعض بخزي ابو جابر بلعثمه : خـ خطيب بنتك ؟؟ وليش انا ماعندي علم ولا ماعاد الك كبير ترجعيلو سهام : انت كبيرنا وسيد الحاره ابو جابر وانا كنت جايه لعندك لحتى تشهد بنفسك على كتب كتاب بنتي على اللي كان سلفها ابو جابر اطلع بصهيب ب اعجاب… . بدك تتجوز ارملة اخوك لتربيلو ابنو وتصون عرضوا بري عليك ابني وحقك على راسي يا ابضاي… صهيب ماكان عاجبه كلام ابو جابر بس مضطر يسايرو ليعدي الموقف بسلام بدون ماتنختم القصه بفضيحه لجوري صهيب : الله محييك عمي وانا بيشرفني اطلب منك ايد المحروسه جوري على سنة •اللّـہ̣̥ ورسوله ابو جابر : خي المرحوم احق واحد بلحمة اخوه… نحنا عطيناك ابني ازا الله عطاك… سمعونا الفاتحه يارجال على نية التوفيق وانت ابي جابر نط جيب الشيخ علي لنكتب كتابهم وانا بنفسي اشهد عليه اطلع صهيب بجوري وعم السكون بسبب العادات والتقاليد انجبرت تسكت وتوافق تتجوز سلفها… قبل لحظات كانت مخيره وهلأ هيه مسيره غمضت عيونها بقهر واستسلمت للامر الواقع… ازا مو كرمالها كرمال ابنها

العضوة: 799516 , 4 years ago

عد دقايق كان الشيخ موجود وجاهز ليكتب كتاب صهيب على جوري… . انحبست الانفس واتسلطت الانظار عالعرسان الشيخ : مين ولي امر العروس ابو جابر : انا ياشيخ علي الشيخ : قرب ابني وحط ايدك ب ايد المختار قرب منهم وهو ماعم يصدق انها جوري حتصير بالشرع مرته اطلع بسهام يلي هزتلو راسها بخوف من بطش رجال الحاره ورجع حول نظرو ناح جوري اللي كانت هاديه وماعم تبدي اي ردة فعل مد ايدو وبلش الشيخ بعقد القران واخيرا سأل الشيخ جوري، موافقه تتزوجي صهيب على سنة •اللّـہ̣̥ ورسوله وعلى الصداق المسمى بينكم للحظه مرت ذكرياتها مع خالد ..غمضت عيونها وحسته واقف بحدها وعم يسندها واتزكرت اخر حلم شافته جوري : خالد خدني معك ياخالد خالد : لا ياروحي انت بعدك ماكفيتي رسالتك .. جوري : هالحمل صعب… صعب كتير مافيي اتحمله خالد : زواجك من صهيب رح يحميكي ويخرس كل الالسنه ووقتها فيكي تربي ابنا بدون خوف… هي وصيتي ياجوري جوري : بس انا بحبك الك خالد : مع الايام رح تحبي صهيب جوري : لااا مارح حب غيرك بلش يبعد عنها ويتلاشى خالد : ماتنسي وصيتي ياجوري جوري : خالد خالد خاااالد لاتتركني… ارجوك

العضوة: 799516 , 4 years ago

شو يابنتي موافقه سهام : اكيد خجلانه ابو جابر : ليش هي بكر لتخجل Telegram@rwayate صحيت م̷ـــِْن شرودها ونطقت بثبات… موافقه الشيخ : على بركة الله… .. كمل كتب كتابهم ووقعوا عالعقود ابو جابر : الف مبروك صهيب : الله يبارك فيك مختار ابو جابر : تفضلو ياجماعه عالمضافه .. حلوان كتب كتاب جوري عندي سهام : كتر خيرك مختار ابو جابر : ولو انتو غاليين عليي… . يالله ياعريس شرف صهيب : شكرا انا لازم روح ابو جابر بشك : لوحدك صهيب : مافهمت ابو جابر : ماتواخزني بهي الكلمه بس انت تزوجت ارملة اخوك يعني مافي لفترة خطبه وتظل نازل طالع من عندهم صهيب : من هالناحيه لاتشغل بالك مختار… مارح اجي لحتى يكونو الجماعه جاهزين ابو جابر : جاهزين لشو !!! عم قلك هي ارملة اخوك مو بكر وبدها وقت لتاخد عليك… . هلأ هيه مرتك وفيك تاخدها لبيتك ولا بدك الناس يجيبوا معدلنا وانه بحارة المختار ابو جابر عملو ناقصه صهيب : العفو مختار .. ووجه كلامه لجوري… شو رأيك جوري ابو جابر : لك انت بدك اتجنني لك هي ارمله ارررمله وسترتها واجبه… فوتي يابنت ضبي غراضك وجيبي معك وروحي مع ابن والله يطعمك وتغلطي هزت راسها بحزن وتوجهت لغرفتها .. فتحت الباب وفاتت وسكرته وراها بهدوء واول ماصارت وحدها حطت ايديها على تمها وخنقت شهقتها وغصتها ونزلت عالارض تبكي ب الم المختار : انا رايح… ومَـرّھٌ تانيه الف مبروووك صهيب : •اللّـہ̣̥ يبارك فيك مختار مسك زندو وشدو عليه وهمسله… وينك ابني اقطع ذنب القط،من اول ليله واكسرلا عينا… هي ارمله مو بكر فهمتني صهيب بضيق : شرفت وانست مختار… الله معك

العضوة: 799516 , 4 years ago

طلع الكل وسكر صهيب الباب بهدوء وتلفت ناح سهام صهيب : احكي لجوري انا مارح اغصبها على شي… سهام : مارح تاخدها معك !! صهيب : لا لطمت خديها وارفت بحده… ولي على امتي وشو رح يحكوا عنا الناس صهيب : راحة جوري اهم عندي من كلام الناس، سهام : بس يا ابني انا رايحه معك صهيب حرك حجر عينه ب اتجاها وشافه واقفه وحامله ابنها وشنتتها بحدها صهيب : متأكده من قرارك جوري بغصه : ايه سهام : الله يسعدكم ويرضى عليكم وتشوفوا ايام بيضه متل التلج جوري : خاطرك امي سهام : الله معك يامو ديري بالك عالصبي طلعت جوري م̷ـــِْن البيت مع صهيب قدام عيون الكل غيداء بقلبها : درب يصد مايرد… الله لايسهلك طريق ياخطافة الرجال *╚══════ღღ══════ طول الطريق وهي حانيه ضهرها عالكرسي وعم تطلع م̷ـــِْن الشباك بهدوء ماكان حال صهيب احسن منها وبقي الصمت مخيم عليهم لحتى وصلوا عالببت صهيب : ناويه تبقي بالسياره ! صوتو طلعها من شرودها لتتلفت عليه ب استغراب .. ليش وصلنا صهيب ; اي .. يالله انزلي نزل صهيب ولف لعندها حمل ايسر والشنته واشرلها تفوت كأنها اول مَـرّھٌ بتفوت لهلمكان .. تغير كتير بالفتره اللي راحت حتى الوردات دبلت وكأنها معلنه الحداد على خالد