العضوة: 768521 , 4 years ago

@user-799516 متابعة

العضوة: 799516 , 4 years ago

ابو صهيب : ابني اتصل على اخوك بسرعه صهيب : حاضر ابي تناول موبايله وطلب رقم خالد واستنى الرد… ( الرقم الذي طلبته خارج نطاق الخدمه او غير متاح حاليا ) اصفر لونه وتغيرت ملامحه ابو صهيب : شو صار معك ماعم يرد عليك ام صهيب : ولي على امتي ولي على طووولي ابو صهيب : اهدي ياعواطف مشااان الله صهيب : رقمه خارج نطاق الخدمه ابو صهيب : اتصل بجوري بدون تردد طلب رقم جوري وبلش نفسه يتحول للهاث وكأنه حدا عم يركض وراه… . رن رن… وماحدا رد صهيب : لك رررردي ليال : جوري هلأ بالعرس ويمكن مو سامعه رنة موبايلها ابو صهيب : انو عرس لهلأ صهيب : امي معك رقم ام جوري ام صهيب : اي امي معي صهيب بعجل : عطيني تلفونك صارت ادور حواليها بفزع… وين رااااح هلأ كان هون ليال : في صوت موبايل عم يرن ام صهيب : هي رنة تلفوني بس وينووو صهيب سحب امه من ايدها ولقي التلفون تحتها وام جوري عم تتصل… جحضت عيونه وارتجفت ايدو .. حس بوقتها انه فعلا صاير شي مع اخوه حاول يضبط اعصابه ورد بصوت هادي : الو نعم سهام : مسا الخير مو هاد رقم الست ام صهيب صهيب : اي خاله .. انا صهيب .. امي بالحمام سهام : جوري حواليك انتفض قلبه وبلع ريقه .. لا والله ياخاله .. ليش هيه روحت من العرس سهام : جوري ما اجت عالعرس اصلا ودقيتلا كتير لتجي تودع اختها قبل ماتسافر بالطياره بس ماعم ترد… احكيلها امك مارح تنسالك ياها ومابدي شوف وجهها

العضوة: 799516 , 4 years ago

بعد جملتها الاولى انصدم وماعاد ركز بباقي كلامها .. هبط بكل حيلو عالكرسي والعرق عم يجاهدو ام صهيب : شو في ابني شو حكتلك سهام اطلع بعيون امه الباكيه وهز راسه بحركه بطيئه واردف بصوت مهزوز… جوري ماراحت عالعرس امي ام صهيب : شلون يعني ماراحت عالعرس،!! ليال : بس هيه وخالد طلعوا قدامنا وكانو رايحين عالعرس صهيب : رايح شوف شو القصه .. ام صهيب : خدني معك امي صهيب بصوت حنون وبلمسه ناعمه لامه… ارتاحي امي انا بشوف وينهم وبطمنك يمكن راحوا يسهروا بشي مكان ليال : وليش الست ماخبرتنا ولا بدها بس تشغلنا رمقها بنظره ناريه محذره لتبلع لسانها وتلطم فاها صهيب : انا رايح ومابطول كان ع وشك يتحرك لحتى استوقفه صوت تليفونو اطلع بسرعه وانفرج ثغره ب ابتسامه… هي جوري . مو قلتلك يمكن سهرانين بشي مطرح فتح خط وحط السماعه على دانه… اهلين جوري شو وينكم لهلأ بعد ماخلص جملته غابت الضحكه عن وجهو وتوسعت حدقة عيونو وبلشت حبات العرق تتجمع ع جبينه صهيب ،،، اخي !!!! لااااااااااا

العضوة: 799516 , 4 years ago

*╚══════ღღ══════╝ بين ممرات المشفى البارده كان عم يركض بسرعه جنونيه ويتخبط بالجدران والماره… صوت انفاسه اللاهثه واضحه وهي عم تصدر من صدرو بذعر وصل لعند غرفة العمليات ولمحها من بعيد… .. كانت قاعده عالارض وضامه اجريها لصدرها وحانيه راسها عالحيط… نظرات عيونها مثبته بالفراغ… شفايفها المرتجفه بوضوح موشحين باللون الازرق .. وجهها البريئ كساه الحزن وغابت ملامحها بين دموعها قرب لعندها بسرعه ومسكها من كتافها

العضوة: 799516 , 4 years ago

صهيب : وينو خالد شو صرلو اخي نزلت حجر عينها واطلعت فيه .. وينو خالد وينو حبيبي صهيب بجنون : لك انا يلي عم اسألك جاوبيني وينو اخي شووو صرلو جوري : خالد… !! صحيت من صدمتها وتلفتت حواليها وحطت ايديها ع صدر صهيب بخوف جوري : خالد كان معي… مابعرف كيف اجت هديك السياره الملعونه ودعسته… انا بدي خالد بدي جوزي ياصهيب كرمال •اللّـہ̣̥ بدي جوزي انفجرت بالبكي ورمت راسها على صدرو العريض .. وناتها واهاتها عم تحرق قلبه وتزيد خوفو على اخوه بعدها عنه ورفع راسها بطرف ايدو صهيب : خالد مات ياجوري !!!!! جوري : للاااا الله لايقدر لاتفاول عليه صهيب : عم تكزبي… اخي مات ماهيك جوري زادت بالبكي وحطت ايديها ع دنيها : كرمااال •اللّـہ̣̥ لاتعيدااا وقف ورمى بضهرو عالحيط… . دخيلك اسمك ياربي تحميلي اخي من بعيد طلت ام صهيب، وابو صهيب ومعهم ليال .. صوت بكاها ونواحها سبقها ليعلمهم بحضورها ام صهيب، : وينو ابني وينوووو جوري : صهيب : ام صهيب : رد عليي صهيب اخوك وينووو يامو اخوك وينووو ماقدر يمنع دمعته… حضن امه بقوه وغمض عيونه ب الم صهيب : اخي بغرفة العمليات امي اخي عم يموت وانا مو قادر ساويلو شي ام صهيب، : ولييييي عليي عليك يا ابني ابو صهيب : ماحدا طلع يطمنكم هز راسه … لا

العضوة: 768521 , 4 years ago

@user-799516 كملي اختي

العضوة: 768521 , 4 years ago

@user-768521 متابعة

العضوة: 768521 , 4 years ago

@user-799516 كملي اختي متابعة

العضوة: 768521 , 4 years ago

🌹🌹🌹🌹🌹🌹

العضوة: 768521 , 4 years ago

🌷🌷🌷🌷🌷

العضوة: 799516 , 4 years ago

ليال بتبكي ومنهاره .. كلووو منك انتي اصريتي لحتى ياخدك لعرس اختك .. الله لايسامحك ازا صار شي لابن عمي مارح سامحك عم تفهمي صهيب : مو وقت هالحكي ليال ليال : لا وقتووو حاج عم ادللوها .. هالبنت من يوم فاتت عيلتنا ماشفنا الخير صهيب بسخط : خللللللللللص حاج مو متحمل حرف زياده… اخرسي اخرسي ليال : امرك صهيب خرست *╚══════ღღ══════╝ مرق اربع ساعات وقرب الفجر يأدن وبعدهم واقفين قدام باب غرفة العمليات.. السنتهم بتلهج بالذكر والدعاء اخيرا طلعت الممرضه وندهت… مين فيكم صهيب حط ايدو ع صدرو بخوف… انا .. انا صهيب الممرضه .. تفضل معي لو سمحت ام صهيب : خليني فوت انا كمان انا امه الممرضه : مافيي اسمحلك تفوتي خاله بعتزر منك… تفضل استاز ازا بتريد… فات صهيب لجوا وبقي الكل ناطرين برا مابين توترهم وخوفهم الدكتور : انت اخوه صهيب : ايه… طمني دكتور كيف وضعوا الدكتور : نحنا عملنا يلي علينا والباقي ع رب العالمين… بس اخوك كان عم يهذي ب اسمك وهلأ فتح عيونه وطلبك… كانت خطوات قليله بتبعده عن التخت يلي نايم عليه اخوه لكنه حس حاله عم يمشي اميال طويله وقف قدامه ودمعوا عيونو .. وهمس بصوت جريح .. خالد خيي فتح عيونه بتعب وحاول يرفع ايدو وماقدر هوت عجنبه واتلقفها صهيب بسرعه وضمها لصدرو صهيب : اخي عم تسمعني خالد : صـ صهيب حنى جسمه بسرعه وحط ايدو عراسه بحنيه صهيب : يانظر صهيب .. انا هون ياخيي خالد ; وو وصاتك جـ جوري و ازايـ يسر صهيب بيبكي : هنه بعيوني ياخيي بس انت يلي حتكون فوق راسهم وتربي ايسر وتفرح فيه خالد : عـ عاهدني بالله… صهيب : بعاهدك اخي بعهادك خالد : عاهدني بـ بالله ازا متت تتــ تتجوز جـ جوري و و تـ تكون لـ لـ ايييسرر مـ متل ابــوه وتعمل لـ جوري العــ عمليه

العضوة: 799516 , 4 years ago

شكرا ع الدعم

العضوة: 799516 , 4 years ago

غمض عيونه بقهر ورمى براسه ع صدر اخوه : لااااا ياخييي دخيلك ماتحكي هيك… انت رح تعيش وتفرح ب ابنك خالد : لاتنسى عـ عهدك الي يـ ياخيي .. سلملي عـ على امــ مي وابي… قول لامــ مي م ماتبكي عــ عليي لــ لحتتتى مــ ماتحـــ رقني دمـــ معتها… صـــون جـ جوري يـ خـ خـ خـ اششهد ان لا اله الا •اللّـہ̣̥، واشششهد ااان مــمحمدا ر رسـ ول الله……………… . ارتخت ايدو ع جنبو ودبلت عيونو ومال براسه على كتف اخوه… ياما كان اله العزوه والسند وحتى بعد ماسلم الروح لباريها توسد ع كتفه وكأنه بيقله رميت حمولي عليك ياسندي لاتنسى وصيتي ياخيي 💔 صهيب بصدمه : خالد خالد خاااااالد

العضوة: 799516 , 4 years ago

ارتفع صوت جهاز مراقبة دقات قلبه وهرع الدكتور بسرعه ليحاول ينعشه بصدمات كهربائيه وبعد دقيقه… نزل الدكتور راسه ب اسف… فقدنا المريض .. شد حيلك ياابني صهيب بعدو مصدوم ومو مستوعب : اشد حيلي !! ليش بعد ماراح الغالي بقي في حيل ينشد !! بعد ماراح السند بقي في قوه يرتكز عليها،…. بعد ماراح اخوه بقي للدنيا معنى !!!! وحكاية رحيل أخى للسماء .. هي كتلة حزن لن تذهب من قلبي ابداً ..

العضوة: 799516 , 4 years ago

رحمك الله يا سندي ..💔 Telegram@rwayate دبلت ايدو وغمض عيونو بكل هدوء وصهيب بعدو صافن فيه .. صهيب «بهدوء »:خالد !!! اخي… . خالد اصحى بلا مزحك هلأ .. كان يهزو ويحاول يصحيه بس بدون فايده .. خالد مات والقدر مامنه مهرب !! بلش يتنفس بسرعة وحط ايديه عوجهوا وبلش يصحيه صهيب :خاااالد ياعمري ياخيييي اصحى ياسندي كرمال •اللّـہ̣̥ لاتتركني… ااااه ياخيي كسرتلي ضهري ياغااالي الدكتور : •اللّـہ̣̥ يرحمو ابني ... صهيب «كان عم يصرخ وبيبكي »:لااااااا.. اخي ما ماات هلأ كان عم يحاكيني .. لكك هلأ كان موجود… هلأ كنت حاسس بنفسه وبروحوا قريبه مني .. الدكتور : اهدا لو سمحت صهيب بجنون : لك لٱااااا تقلي اهدااا لكك هاد اخي هاد روحي هاد سندي… . وقع عالارض منهار وغطى وجهو ب ايديه ااخ ياربي شو بدي احكي لامي وابي… كيف قلن انه الغالي راااح ..راح وماعاد يرجع ياربي… ..💔 رجع قرب ‌‏منـِْه ورفعه عصدرو وهو متل الوردة الدبلانة بين ايديه وبلش يصرخ بإسمه بصوت عالي ومن قلب محروق .. كانت لحظات قاسيه عليه… ماكان حدا قادر يبعدو عنه او يخليه يهدا. صهيب بالفعل فقد الاحساس باللي حواليه وبطل يستوعب شي .. اللي كان اسمه اخوه بيوم م̷ـــِْن الأيام خطفو الموت م̷ـــِْن بين ايديه وقدام عيونو ... شو في اكتر من هيك عذاب او اكبر من هيك الم 💔 طلعت الممرضه وشافت الكل عند باب غرفة العمليات .. الممرضه: عفوا بس انتو م̷ـــِْن طرف الشب يلي عمل الحادث ؟