مبارح كان عرس اخو جوزي بالصالة..
يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي ..
لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون ..
بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب ..
وكلاش فضي عما يلمع لمع وتسريحة بتشل شلللان ..
حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁
طلعت كشخة 😍
قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎)
اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱
نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا……
😅
سلحبت ع السريع عالحمامات وو وخلصت 😅
وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها)
غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃
وبلشت اخلع ..💃💃💃
اول شي انتبهت عالعريس والعروس مصدووومين مفنجرين عيونون هيك 👀
العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍))
درت عالمعازيم ونافشة ريشي متل ديك الحبش وعم ارقص واتغما واتمايع …
الناس كلها مصدومة … مصعوقة … متفاجءة .. (( قلت اكيد من جمالي الفتان ))
في ناس عما تضحك فارطة و ماسكة خواصرا ((قلت اكيد عما يحكو نكتة ))
بس لاحظت ماما عما تخبط براسا 🙆
واختي عما تلطم خدودا 🙅
وحماتي غمضت عيونا 🙈
مو اتاري فستاني الشيفون من بعد ما فتت عالحمام علقان بالكيلوت من ورى 🙈
وربي كما خلقتني 🙊
يا فضيحتي 🙈
تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة …
ولا يصير يلي صار فيني هداك اليوم 😭😭
رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو
(( الفستون يلي علق بالكلون)) 😭😭
من يومتها اعلنت انشقاقي عن الواتس
طبعا هي مووووو انا هي قصه منقوله 😁😁😁
العضوة: 28308 , 9 years ago
@user-23094 هاد مرض مو غيره نفس ما صار معي و هي حالت تخرب بيني و بين جوزي بس الحمد لله ما طلعله احلا شي لوحده ضل بعيده عن هيك ناس بس لسا انتي عندك تنين اخوات الله يعينك شو بكونو عاملين فيكي🙈العضوة: 28308 , 9 years ago
@user-29424 اي والله الحمد لله تسلميلي حبي وانتي الله يسعدك يارب 😙😙العضوة: 41438 , 9 years ago
ههههههههه اي شو هل الغيرة مو متحملي كنة غيرا تجي هههههههالعضوة: 41688 , 9 years ago
هههههه😂😂😂😂😂😂😂😂بطني تجوعني من ضحك الله يسعد ايامك💖💖💖💖العضوة: 23094 , 9 years ago
@user-28308 انا الحمدلله طلعت من بيت عمي وصرت لحالي من خمس شهور والحمدلله بعد م طلعت من عندهم وارتاحت نفسيتي حملت غلى طول ومن وقتها وانا تجنب اروح ع اي مكان هنن في مع ان انا م قصرت معهن اول م اخذوهن ولاد عمي كان معموللهم عمل وكانو يصرخو ويكسرو ويضربو بحالهم وانا كنت على طول الوقت معهم مثل الممرضه م تركتهم واقرالهم اذكار ولان عمي زوجته متوفيه ويعتمد علي بكلشي ومعتبرني صاحبة البيت والكبيره صارو يغارو منيالعضوة: 23094 , 9 years ago
@user-28308 بدهم يتحكمو بكلشي ويكونو الكل بالكل بدون م يعملو شي كنت شايله البيت ع كتافي ولان هنن م يقربولنا عمي كان يحملني مسؤلية اي غلط حتى اغلاطهم اخر شي طفح الكيل وعملو مشاكل ولان زوج وحده منهم عنده مشاكل عقلية من الولاده عمي طردنا من البيت مشان زوجة ابنه م تترك ابنهالعضوة: 28308 , 9 years ago
@user-23094 ازنخ شي العيشه ببيت الحما بتحسي حالك رح تنفجري و قد ما كانو مناح بيت الحما بس لازم يصير في مشاكل لان في شياطين بضل عم توز متل سلافاتك والله كرهتون من عدا ما شوفونالعضوة: 28308 , 9 years ago
@user-23094 انتي من وينالعضوة: 23094 , 9 years ago
@user-28308 انا سوريه مقيمه بالسعوديةالعضوة: 23094 , 9 years ago
@user-28308 ههههههه مو بس انتي م حبيتيهون لك فيهم غباء مو طبيعي تحسي في شي بعقولهم انا ما بلوم عمي لان المشكله اللي بابنه مو بسيطه ومافي حدى يرضى يعطي بنته بس ليش التفرقه بالمعامله انا لمى طقت مرارتي جبت ابي لعد عمي وقلت لعمي كل الحكي اللي بقلبي وقلتله انت تعتمد علي بكلشي وفوق كل هالشي بتسمعني حكي مو بحقي هنن يغلطو وانا اتحاسب تخيلي شو كان رد عمي اي انتي بنت اخي وبمون عليكي وانا احكي عليكي انتي مشان هنن يسمعو ويحسو بغلطهم يعني الغلط مو بس منهن هنن الغلط حتى من عمي هو اللي عطاهم مجال يستسغروني ويحطو اغشغالهم فوقي مثل الخدامه وم يسئلوالعضوة: 28308 , 9 years ago
@user-23094 تشرفت فيكي وانا كمان سوريهالعضوة: 28308 , 9 years ago
@user-23094 هههههه سبحان الله هو يلي على هل شكل ما بنحب عمك لو انو بعرف يتصرف ما كنتي وصلتي لهون طيب زوجك وينوالعضوة: 22799 , 9 years ago
😂😂😂😂😂😂😂😂😂😂😂😂😂😂😂😂😂😂😂😂😂قويهالعضوة: 28308 , 9 years ago
@user-22799 هههههه 😜العضوة: 22799 , 9 years ago
@user-28308 ربي يسعدك دوووم هضحكه يارب😊😁😁😁😁