مبارح كان عرس اخو جوزي بالصالة..
يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي ..
لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون ..
بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب ..
وكلاش فضي عما يلمع لمع وتسريحة بتشل شلللان ..
حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁
طلعت كشخة 😍
قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎)
اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱
نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا……
😅
سلحبت ع السريع عالحمامات وو وخلصت 😅
وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها)
غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃
وبلشت اخلع ..💃💃💃
اول شي انتبهت عالعريس والعروس مصدووومين مفنجرين عيونون هيك 👀
العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍))
درت عالمعازيم ونافشة ريشي متل ديك الحبش وعم ارقص واتغما واتمايع …
الناس كلها مصدومة … مصعوقة … متفاجءة .. (( قلت اكيد من جمالي الفتان ))
في ناس عما تضحك فارطة و ماسكة خواصرا ((قلت اكيد عما يحكو نكتة ))
بس لاحظت ماما عما تخبط براسا 🙆
واختي عما تلطم خدودا 🙅
وحماتي غمضت عيونا 🙈
مو اتاري فستاني الشيفون من بعد ما فتت عالحمام علقان بالكيلوت من ورى 🙈
وربي كما خلقتني 🙊
يا فضيحتي 🙈
تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة …
ولا يصير يلي صار فيني هداك اليوم 😭😭
رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو
(( الفستون يلي علق بالكلون)) 😭😭
من يومتها اعلنت انشقاقي عن الواتس
طبعا هي مووووو انا هي قصه منقوله 😁😁😁
العضوة: 35989 , 9 years ago
ام مالك قصة معجبتني ليس انتى ربي يحفضكالعضوة: 29424 , 9 years ago
@user-28308 ياحرام اديش ضحيتي انتي ههههه قلتي شي مايزعل جوزك يمكن انتي الك تلتين خاطر تجوزي فورن صح .العضوة: 10960 , 9 years ago
@user-28308 😂😂😂😂😂😂😂 ياخ ياخ فرطت الضحك من زمان. ماضحكت هيك عنجد الله يسعدك😍😘😘😘العضوة: 23094 , 9 years ago
@user-28308 هههههههههههههه ونستيني الله يسعدك دنيا واخره ذكرتيني بسلايفي حسبي الله عليهم هنن خوات وكانو مطلعين روحي بالوجه مرايه وبقفا صرمايه وانتو بكرامه من نفاقهم وكذبهم ودهرهم كرهم وغيرتهم مني ومن جوزي تسببو بطردنا من بيت عمي وهلق وحده بدها تتطلق لان جوزها مو بعقلو والثانيه ابن عمي انغصب عليها ومو طايق شوفتها الله عم ياخذ حقي منهم ع مهل الله يمهل ولا يهملالعضوة: 41322 , 9 years ago
ههههههههههههههه😂😂العضوة: 41322 , 9 years ago
لو مكانها اعمل نفسي ميت😂😂العضوة: 36292 , 9 years ago
الغيره والحسد تقتل صاحبهاالعضوة: 8358 , 9 years ago
@user-29424 ايه هيك سلايف اريحلك ماتحكي معن لا ولله انا سلايفي كلن مناح حتى كنا قراب من بعض بحلب بس بعدين كلنا طلعنا من الوضع وقرايب بيت حماي بقولو لبيت حماي انتو محظوظين بلكناين😃العضوة: 37703 , 9 years ago
تستاهل من غيرتهاالعضوة: 33994 , 9 years ago
هههههههههههالعضوة: 28308 , 9 years ago
@user-40017 مافهمت عليكي حبي 😆العضوة: 28308 , 9 years ago
@user-25459 ههههههههههه ضحكي عمرو ما حدا يرث😁العضوة: 28308 , 9 years ago
@user-10493 😂😂😂العضوة: 28308 , 9 years ago
@user-35989 هههههه اها تسلمي و حفظك ياربالعضوة: 28308 , 9 years ago
@user-29424 ههههههههههههه لا والله صحيح لبس فستان عرس بس ضلت غصه بقلبي لانو فرحت البنت لما ترقص مع جوزا و الكل مبسوط و لابس مو متل عرسي لابسبن اسود و نو فرحانين 😔😭