مبارح كان عرس اخو جوزي بالصالة..
يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي ..
لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون ..
بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب ..
وكلاش فضي عما يلمع لمع وتسريحة بتشل شلللان ..
حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁
طلعت كشخة 😍
قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎)
اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱
نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا……
😅
سلحبت ع السريع عالحمامات وو وخلصت 😅
وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها)
غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃
وبلشت اخلع ..💃💃💃
اول شي انتبهت عالعريس والعروس مصدووومين مفنجرين عيونون هيك 👀
العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍))
درت عالمعازيم ونافشة ريشي متل ديك الحبش وعم ارقص واتغما واتمايع …
الناس كلها مصدومة … مصعوقة … متفاجءة .. (( قلت اكيد من جمالي الفتان ))
في ناس عما تضحك فارطة و ماسكة خواصرا ((قلت اكيد عما يحكو نكتة ))
بس لاحظت ماما عما تخبط براسا 🙆
واختي عما تلطم خدودا 🙅
وحماتي غمضت عيونا 🙈
مو اتاري فستاني الشيفون من بعد ما فتت عالحمام علقان بالكيلوت من ورى 🙈
وربي كما خلقتني 🙊
يا فضيحتي 🙈
تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة …
ولا يصير يلي صار فيني هداك اليوم 😭😭
رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو
(( الفستون يلي علق بالكلون)) 😭😭
من يومتها اعلنت انشقاقي عن الواتس
طبعا هي مووووو انا هي قصه منقوله 😁😁😁
العضوة: 28308 , 9 years ago
@user-22117 هههههههههه فعلاً 😅العضوة: 28308 , 9 years ago
@user-30448 اي والله اكيد بس عملي نغس هي و حكيلنا شو بصير ههههههه عم امزح😜😜العضوة: 28308 , 9 years ago
@user-10267 لعمى هي مجنونه ههههههههالعضوة: 28308 , 9 years ago
@user-40262 ههههههههههه سلفتي هيك هي عمره 32 وانا لما تجوزت 18 و هلأ 21 بتنجن مني هي ما كانت تساعد حماتي بس لما تجوزت صارت تعمل كل شي هي ههههههه حماتي حكتلي لو من زمان اجيتي بس لما سافرت رجعت متل اول 😂العضوة: 28308 , 9 years ago
@user-25143 ههههههههه مستحيل يكون في براسه عقل هي يعني العروس بضل احلا شي بنظر الناس حتا لو كل الصالة لبست فساتين عرس 😁العضوة: 28308 , 9 years ago
@user-40017 ههههههالعضوة: 28308 , 9 years ago
@user-35989 شو هي البايخه بزبط🙎العضوة: 40695 , 9 years ago
@user-28308 حببيتي كويس انها منقوله انا الاول فكرته نكته ربنا يسترنا مايفضحناالعضوة: 4963 , 9 years ago
ههههههه والله ضحكتينيالعضوة: 28308 , 9 years ago
@user-40695 اللهم امين 🙏العضوة: 28308 , 9 years ago
@user-4963 هههههه دوم حبيالعضوة: 28308 , 9 years ago
ازا حابين تضحكو كمان فوتو على الشاي الأخضر 😁العضوة: 40017 , 9 years ago
@user-28308 هههههه هههههه بتشوفوني كايده بس حطوا نفسكم مكاني لما كانو يعرضوا بنتهم علئ زوجي عشان يتزوجها وفي الاخير سلفي خطبها اش تعملوا ماراح احد يلومنيالعضوة: 25459 , 9 years ago
ههههه فرطيني من تلضحكالعضوة: 10493 , 9 years ago
هههههههههه الغيره وماتسوي بجد لمن فيه سلفه جديده. تصيررر انتفاضه عند بعض الحريم