9 years ago
  • المرحلة الثالثة (الأشهر 9,8,7)
مبارح كان عرس اخو جوزي بالصالة.. يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي .. لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون .. بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب .. وكلاش فضي عما يلمع لمع وتسريحة بتشل شلللان .. حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁 طلعت كشخة 😍 قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎) اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱 نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا…… 😅 سلحبت ع السريع عالحمامات وو وخلصت 😅 وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها) غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃 وبلشت اخلع ..💃💃💃 اول شي انتبهت عالعريس والعروس مصدووومين مفنجرين عيونون هيك 👀 العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍)) درت عالمعازيم ونافشة ريشي متل ديك الحبش وعم ارقص واتغما واتمايع … الناس كلها مصدومة … مصعوقة … متفاجءة .. (( قلت اكيد من جمالي الفتان )) في ناس عما تضحك فارطة و ماسكة خواصرا ((قلت اكيد عما يحكو نكتة )) بس لاحظت ماما عما تخبط براسا 🙆 واختي عما تلطم خدودا 🙅 وحماتي غمضت عيونا 🙈 مو اتاري فستاني الشيفون من بعد ما فتت عالحمام علقان بالكيلوت من ورى 🙈 وربي كما خلقتني 🙊 يا فضيحتي 🙈 تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة … ولا يصير يلي صار فيني هداك اليوم 😭😭 رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو (( الفستون يلي علق بالكلون)) 😭😭 من يومتها اعلنت انشقاقي عن الواتس طبعا هي مووووو انا هي قصه منقوله 😁😁😁

179 تعليقات

العضوة: 28308 , 9 years ago

@user-19596 هي مو انا هي قصه منقوله 😁😁

العضوة: 28308 , 9 years ago

@user-9709 ههههههه لا ولله مكيوده العروس هي المنحوس😂

العضوة: 36051 , 9 years ago

ههههههههههههههههههه والله موتني ضحك

العضوة: 28308 , 9 years ago

@user-36051 هههههه سلامتك من الموت حبي😅

العضوة: 29424 , 9 years ago

@user-8358 مشالله عليكن انا وسلايفي بنفس لبلد وماحدا بحكي مع تاني سلايفي تنتين شايفين حالن وانانين وبحبوه كلشي الن لو احكيلك من هون لصبح مابخلص والله مابهموني هنن مابشبهوني بشي ابدن بس حطين على حومات وحكي عل عالم .حتا صلاه ياحرام مابصلوه . لهيك مابحكي معن . بس بروح لعندن بس سلام وحكي عادي .

العضوة: 29424 , 9 years ago

@user-28308 ههههه بس عنجد في هيك سلايف

العضوة: 28308 , 9 years ago

@user-29424 هههههه سلفتي هيك الله يهديها لما عرسي لبس كل دهب تبع تقولي صغه ماشاء الله مشان تلفت النظار بس الحمد لله ما طلعله مع انو عرسي ما كان عرس بالبيت و من دون رقص حتا 😣

العضوة: 29424 , 9 years ago

@user-28308 له ليش بلا صاله عرسك انتي من وين .

العضوة: 29424 , 9 years ago

@user-28308 بحبوه يتباهوه بل ذهب في بعض من نسوان انتي الله يصلحك كان خبري حدا حرامي يجي يسرقله ذهباته ههههههه

العضوة: 28308 , 9 years ago

@user-29424 والله عمي مات الله يرحمو قبل عرسي بشهر و جوزي كان حابب نتجوز بسرعه ئال بالكي ينسى شوي وانا رضيت لاني بحبو و ماكنت بحب شوفو زعلان مشان هيك

العضوة: 28308 , 9 years ago

@user-29424 ههههههههههههه خطه شريره 😂😂😂

العضوة: 28308 , 9 years ago

@user-29424 بس في الله ما بينسى حدا

العضوة: 30448 , 9 years ago

@user-28308 ههههه انه اخو زوجي يريد يتزوج عساس ردت اعمل مثل هاي القصه بس بعدين خفت يصيرلي مثل الي صار للنافشه ريشه 😂😂

العضوة: 34497 , 9 years ago

ههههههههههههههه

العضوة: 30598 , 9 years ago

تستاهل لان نيتها مو زينه