مبارح كان عرس اخو جوزي بالصالة..
يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي ..
لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون ..
بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب ..
وكلاش فضي عما يلمع لمع وتسريحة بتشل شلللان ..
حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁
طلعت كشخة 😍
قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎)
اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱
نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا……
😅
سلحبت ع السريع عالحمامات وو وخلصت 😅
وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها)
غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃
وبلشت اخلع ..💃💃💃
اول شي انتبهت عالعريس والعروس مصدووومين مفنجرين عيونون هيك 👀
العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍))
درت عالمعازيم ونافشة ريشي متل ديك الحبش وعم ارقص واتغما واتمايع …
الناس كلها مصدومة … مصعوقة … متفاجءة .. (( قلت اكيد من جمالي الفتان ))
في ناس عما تضحك فارطة و ماسكة خواصرا ((قلت اكيد عما يحكو نكتة ))
بس لاحظت ماما عما تخبط براسا 🙆
واختي عما تلطم خدودا 🙅
وحماتي غمضت عيونا 🙈
مو اتاري فستاني الشيفون من بعد ما فتت عالحمام علقان بالكيلوت من ورى 🙈
وربي كما خلقتني 🙊
يا فضيحتي 🙈
تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة …
ولا يصير يلي صار فيني هداك اليوم 😭😭
رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو
(( الفستون يلي علق بالكلون)) 😭😭
من يومتها اعلنت انشقاقي عن الواتس
طبعا هي مووووو انا هي قصه منقوله 😁😁😁
العضوة: 28308 , 9 years ago
@user-10960 ههههه اااي ضحكي ليش الزعل 😀العضوة: 40017 , 9 years ago
@user-28308 الي بالقلب بالقلب اهم شي تزوجت وتخلصت منها😆العضوة: 28308 , 9 years ago
@user-23094 لعمى هل للدرجة الله يعينك 😮العضوة: 28308 , 9 years ago
@user-41322 هههههههههه فرطيني ضحك😂العضوة: 28308 , 9 years ago
@user-36292 اي واللهالعضوة: 28308 , 9 years ago
@user-37703 ههههههالعضوة: 28308 , 9 years ago
@user-33994 😛😜😜العضوة: 28308 , 9 years ago
@user-40017 ههههههههههه الله يهنيكي يارب 😘😘العضوة: 23094 , 9 years ago
@user-28308 واكثر من هيك حبيبتي تخيلي ان حتى بالشي يلي من الله صارو يعيروني نحنا تجوزنا سوا وهنن حملو وانا كان عندي مشاكل وم حملت لبعد م هنن خلفو كانو كل م يشوفوني يصيرو يحكو عني ويحكو قدام الناس وهلأ وحده منهن توفى جنينها بالشهر التاسع الله يحمينا ويحمي كل وحده تقرا ووحده ولدت بالصاله قدام زوجها وزوجها صار يتقرف منهاالعضوة: 33915 , 9 years ago
ههههههههههههههالعضوة: 28308 , 9 years ago
@user-23094 يالظيف كل هل شي في كره بس هي الله اخدلك حئك منون التنين ان الله يمهل ولا يهمل انا بتمنى لو كانت سلفتي منيحه والله لوحده بتتسلي بس هنن دامحون الكيدالعضوة: 28308 , 9 years ago
@user-33915 دوووم يا قلبيالعضوة: 23094 , 9 years ago
@user-28308 والله انا كمان بتمنى لو كانو مناح معي ويعاملوني مثل م انا بعاملهم بس الغيرة والحقد عاميه ع قلوبهم بيغارو من معاملة جوزي الي هو بيحبني كثير وعشنا قصة حب قبل الزواج 8 سنين وهنن م شافو ازواجهم الا بالخطبة قبل العرس باسبوع ويقارنو حب زوجي الي بحب ازواجهم الهم هم اللي بيقارنو ويتعبو حالونالعضوة: 29424 , 9 years ago
@user-28308 يلله معلش مهم متفقين انتي وجوزك والله يسعدك طول لعمررررر.العضوة: 29424 , 9 years ago
@user-8358 والله انا منيحه معن مو انو عم امدح بحالي بس هنن كتير قويه ورزيلات لهيك مابعشرن بحالي بضل احلالي .