9 years ago
  • المرحلة الثالثة (الأشهر 9,8,7)
مبارح كان عرس اخو جوزي بالصالة.. يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي .. لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون .. بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب .. وكلاش فضي عما يلمع لمع وتسريحة بتشل شلللان .. حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁 طلعت كشخة 😍 قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎) اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱 نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا…… 😅 سلحبت ع السريع عالحمامات وو وخلصت 😅 وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها) غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃 وبلشت اخلع ..💃💃💃 اول شي انتبهت عالعريس والعروس مصدووومين مفنجرين عيونون هيك 👀 العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍)) درت عالمعازيم ونافشة ريشي متل ديك الحبش وعم ارقص واتغما واتمايع … الناس كلها مصدومة … مصعوقة … متفاجءة .. (( قلت اكيد من جمالي الفتان )) في ناس عما تضحك فارطة و ماسكة خواصرا ((قلت اكيد عما يحكو نكتة )) بس لاحظت ماما عما تخبط براسا 🙆 واختي عما تلطم خدودا 🙅 وحماتي غمضت عيونا 🙈 مو اتاري فستاني الشيفون من بعد ما فتت عالحمام علقان بالكيلوت من ورى 🙈 وربي كما خلقتني 🙊 يا فضيحتي 🙈 تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة … ولا يصير يلي صار فيني هداك اليوم 😭😭 رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو (( الفستون يلي علق بالكلون)) 😭😭 من يومتها اعلنت انشقاقي عن الواتس طبعا هي مووووو انا هي قصه منقوله 😁😁😁

179 تعليقات

العضوة: 39984 , 9 years ago

هههههههههه رحت ما اصدق

العضوة: 17095 , 9 years ago

@user-28308 ههههه والله متت من الضحك 😅😅😅

العضوة: 14904 , 9 years ago

@user-28308 😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂ولي ولي ولي اي ريتا ماحظرت ولي 🙆🙆🙆

العضوة: 33117 , 9 years ago

ههههه 😂😂😂😂😂😁😁😀😊😂😂😁😁😂😂😂😉😂😂😂😂😂😂😂😂😂😂 يا مصيبتي تخيلت نفسي بالموقف هههههههه هههههه

العضوة: 39706 , 9 years ago

هههههههههههههااااااي ربي يسسعدك

العضوة: 28308 , 9 years ago

@user-14904 هههههه بتستاهل مكيوده😁

العضوة: 28308 , 9 years ago

@user-33117 هههههه

العضوة: 28308 , 9 years ago

@user-4488 هههههه بضحك

العضوة: 28308 , 9 years ago

@user-39706 امين يارب و يسعدك ياقلبي

العضوة: 28308 , 9 years ago

@user-17095 دوووم ياعمري

العضوة: 28308 , 9 years ago

@user-39984 هههههه

العضوة: 8358 , 9 years ago

ههههههه الحمدلله انا آخر وحده بشأن مافكر اعمل هيك 😂😂😁😂

العضوة: 28308 , 9 years ago

@user-8358 هههههه انا لسا عندي سلفي خطب و ترك الحمد لله ما حسيت بغيره و حبيته كتير كمان بيت حماي الحمد لله بحبوني الي سنتين متجوزه بحس حالي عروس جديدة 😁

العضوة: 4785 , 9 years ago

ههههههههههههه بتستاهل هي مو ليلتها اصلا