مبارح كان عرس اخو جوزي بالصالة..
يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي ..
لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون ..
بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب ..
وكلاش فضي عما يلمع لمع وتسريحة بتشل شلللان ..
حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁
طلعت كشخة 😍
قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎)
اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱
نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا……
😅
سلحبت ع السريع عالحمامات وو وخلصت 😅
وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها)
غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃
وبلشت اخلع ..💃💃💃
اول شي انتبهت عالعريس والعروس مصدووومين مفنجرين عيونون هيك 👀
العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍))
درت عالمعازيم ونافشة ريشي متل ديك الحبش وعم ارقص واتغما واتمايع …
الناس كلها مصدومة … مصعوقة … متفاجءة .. (( قلت اكيد من جمالي الفتان ))
في ناس عما تضحك فارطة و ماسكة خواصرا ((قلت اكيد عما يحكو نكتة ))
بس لاحظت ماما عما تخبط براسا 🙆
واختي عما تلطم خدودا 🙅
وحماتي غمضت عيونا 🙈
مو اتاري فستاني الشيفون من بعد ما فتت عالحمام علقان بالكيلوت من ورى 🙈
وربي كما خلقتني 🙊
يا فضيحتي 🙈
تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة …
ولا يصير يلي صار فيني هداك اليوم 😭😭
رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو
(( الفستون يلي علق بالكلون)) 😭😭
من يومتها اعلنت انشقاقي عن الواتس
طبعا هي مووووو انا هي قصه منقوله 😁😁😁
العضوة: 40857 , 9 years ago
ههههههه ههههههه ولله عم بقرا وبدي شوف شواخرت هسالفةالعضوة: 28308 , 9 years ago
@user-40857 ههههه بس مهضومة 😄العضوة: 40857 , 9 years ago
@user-28308 اي كتير ولله بس شفتي شواخرت لبيتكبر ولبشوف حالو لازم مابنمشي على لارض تفاخرا حرام لواحد يضل متواضع وعادي شوبدنا يغيرنا الجمال جمال لروحالعضوة: 28308 , 9 years ago
@user-40857 فعلا والله وانا يدعي يصير باي حدا شايف حالو اكتر من هيك كمانالعضوة: 40857 , 9 years ago
@user-28308 بس شو انا سلفتين عندي بيموتو غيري مني هني مابيهتمو حالون ومانون مزوقات خالص بلبس بس يشوفوني بيجنو بقولو لجوازون جبلي متل هاد ومنين جايبتي ومدري شو بقلي جوزي كل مابيجو لعنا بيعلقو اخواتي معا نسوانون 😂😂😂 معا انو ولله انا مابحب لاجاكر حدا ولا بتكبر حدا بلعكس شوماطلبو بعطيون بس لصغيرة المكيودة شوبتغار غيرة موطبيعيةالعضوة: 28308 , 9 years ago
@user-40857 ههههه سبحان الله مستحيل بكل بيت ما يكون في سلفه اله بتغار انا سلفتي كمان هيك لانه كبيرة عمره 30 وانا 20 بس تشوفي بتجن 😁😁العضوة: 14054 , 9 years ago
😂😂😂😂😂العضوة: 41719 , 9 years ago
هههههههههههههه😂😂😂😇😂😀😂😂😂😂😃😀العضوة: 28693 , 9 years ago
يي عقامتي عهل الفضيحة 😂😂😂😂😂👙👗العضوة: 28308 , 9 years ago
@user-14054 🙈🙈العضوة: 28308 , 9 years ago
@user-41719 دوم حبيالعضوة: 28308 , 9 years ago
@user-28693 ههههههه شايفه بلاالعضوة: 65 , 9 years ago
ههههههههههههههههههههه ياحرام 😂😩 خجلة بربيالعضوة: 31564 , 9 years ago
😂😂😂😂😂ههههههههه غيرة النسوان كلشي اسويالعضوة: 66 , 9 years ago
هللوووو ام ملاك اني الموسويه الحيدريه