مبارح كان عرس اخو جوزي بالصالة..
يعني مو بس سلفي .. يعني سلفتي … يعني كل العيون رح تكون عليها …يعني انا رح اطلع برى .. رح اطلع طشي ..
لازم البس فستان ابيض واطفيها .. لازم اعمل مك اب عروس .. والله ويلي اسمو الله رح اقلب حالي بالقلابة لو بدي ادفع مال قارون ..
بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس … لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب ..
وكلاش فضي عما يلمع لمع وتسريحة بتشل شلللان ..
حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁
طلعت كشخة 😍
قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎)
اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱
نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا……
😅
سلحبت ع السريع عالحمامات وو وخلصت 😅
وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها)
غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃
وبلشت اخلع ..💃💃💃
اول شي انتبهت عالعريس والعروس مصدووومين مفنجرين عيونون هيك 👀
العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍))
درت عالمعازيم ونافشة ريشي متل ديك الحبش وعم ارقص واتغما واتمايع …
الناس كلها مصدومة … مصعوقة … متفاجءة .. (( قلت اكيد من جمالي الفتان ))
في ناس عما تضحك فارطة و ماسكة خواصرا ((قلت اكيد عما يحكو نكتة ))
بس لاحظت ماما عما تخبط براسا 🙆
واختي عما تلطم خدودا 🙅
وحماتي غمضت عيونا 🙈
مو اتاري فستاني الشيفون من بعد ما فتت عالحمام علقان بالكيلوت من ورى 🙈
وربي كما خلقتني 🙊
يا فضيحتي 🙈
تمرمغت الهيبة بالاراضي … الروزة اعلنت الوفاة … كبريائي مسح البست وبلاط الصالة مسح .. اشتهيت كون طاولة … مزهرية .. عضاضة بالصالة …
ولا يصير يلي صار فيني هداك اليوم 😭😭
رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندهم .. عملو كروب عالواتس للعيلة اسمو
(( الفستون يلي علق بالكلون)) 😭😭
من يومتها اعلنت انشقاقي عن الواتس
طبعا هي مووووو انا هي قصه منقوله 😁😁😁
العضوة: 14904 , 9 years ago
@user-28308 ولي ع امتا ان شاء الله اي خرجا الله لايقما😄العضوة: 28308 , 9 years ago
@user-30448 ههههههههههه ديري بالك يمكن لو صار معك هيك ماعاد تطلعي من البيت بتقعدي بقبر ولا بتطلعي 😁😁العضوة: 28308 , 9 years ago
@user-30448 والله الشغله مو بجمال ولا بشي من برا الجمال من جوا جمال الروح يلي بخلي الوحدة تطلع بتجنن هي انا بشوف حالي عاديه بس الناس بتشوفني بجنن و بتحبني كتير بس انا لانو روحي حلوه الحمد لله 😊العضوة: 28308 , 9 years ago
@user-30598 ههههه اي واللهالعضوة: 28308 , 9 years ago
@user-14904 هههههه الله لا يقيم كل وحده مكيوده متله😁😁العضوة: 28308 , 9 years ago
@user-34497 😛😜العضوة: 22117 , 9 years ago
@user-28308 نهايه الهياط 😂😂😂😂😂😂😂متت😂😂😂😂😂يالطيف لسى في ناس كده 😂😂😂😂😂عبره للي يهايطو ورافعين خشمهم 😂😂😂😂😂العضوة: 28308 , 9 years ago
@user-22117 هههههه طبعا مليان من هل القرود 😁العضوة: 22117 , 9 years ago
@user-28308 هههههههههههههه اخاف ادعي انو ي رب اللي تهايط يصيرلها كده بس اخاف يطن فراسي اهايط وتجي فيا 😂😂😂رغم انو مو طبعي بس اخاف من الشماته يقولك اللي يعيب يبتلي 😂😂العضوة: 30448 , 9 years ago
@user-28308 وانه مثلك بعد والله مايهمني الجمال ودائما العالم اي واحد يشوفني يكولي انتي حلوه واكثر شي عندي زوجي اهم شي هو يشوفني حلوه ماتهمني الناس بس اني هيك كنت امزح معك واكولك اني اعمل مثلهالعضوة: 10267 , 9 years ago
اخت زوجي لبست فستان ابيض ومكياج وتسريحه عروس ورقصت رقص قهر بفرحي وانا اضحك مامسكت نفسي من الحركات وتمسك اخوها يرقص معاها واخوها يمسك يدي والله ليله اجمل شي كله مصور الله يهديها مسخرة نفسها قدام الناسالعضوة: 35989 , 9 years ago
بايخه جدا اعععععالعضوة: 37033 , 9 years ago
ههههههههههه بتجننالعضوة: 25143 , 9 years ago
ذكرتيني بيوم عرسي احنا ببلدنا العروس تلبس اكثر من زي تقليدي يعني شي عشرة او اكثر و تعمل مثل عرض الازياء و يومها بنت عمتي راحت نفس الكوافيرة الي انا رحتلها و خلتها تعملها مكياج و تسريحة عروس و لبست تاج و جابت كل الفساتين الي لبستهم في عرسها و صارت كل ما انا البس تلبس معي يعني عادت عرسها معي 😂😂😂😂 بس صارت مسخرة و ضحكت عليها الناسالعضوة: 40017 , 9 years ago
هههههه في احداث عملتها وهيه الفستان الابيض والتسريحه وميك اب اووڤر واحلا منها بس ماتجرأ وارقص وييييين😂😂😂😂😂