العضوة: 799516 , 4 years ago

قرب منها وطبع بوسه على خدها ليحمر خدودها الورديه من الخجل وتدفن راسها بحضنه وتتعلق فيه اكتر وهو يشدها لصدرو اكتر قبالهم كان صهيب قاعد بيطلع فيهم وعيونه محمره وعم يضغط عالكاس اللي بين ايديه لحتى تهشم Telegram@rwayate ليال بفزع : صرلك شي صهيب صهيب : مافي شي ليال : بس .. ايدك .. ايدك عم تنزف صهيب بضجر طلع محرمه ومسح ايدو من اثار الدم وطلع من الصاله وقف برا وشعل سيجاره وصار يدخن بشراهه صورتها ماعم تروح م̷ـــِْن خياله وماحس عحاله كيف غمض عيونه وهمس لنفسه… . شو عملتي فيني جوري… ياريت ماشفتك ولا عرفتك… ليش صحيتي الوحش اللي روضته من سنين طويله رفع راسه واطلع بالسما… يارب طالعها من عقلي وقلبي *╚══════ღღ══════╝ مرق اول اسبوع على زواج جوري وخالد كانو متل العصافير عيونهم بتفضحهم وبتفضح سرايرهم قدرت جوري تفوت لقلب الكل بدون استئزان بطيبتها وعفويتها… الا صهيب اللي كان يتحاشى يطلع بعيونها او يقلها صباح الخير وبيوم فاقت جوري ع بكير غسلت وجهها وسرحت شعرها ونزلت عالمطبخ لتحضر القهوه لخالد وتاخدلو ياها عالغرفه ركبت ركوة القهوه وهي عم ادندن مع انغام فيروز وتغني بصوتها العذب نسم علينا الهوى صبت القهوه بالفناجين وحطتهم عالصينيه وحملتها وفتلت ضهرها لترجع على غرفتها

العضوة: 799516 , 4 years ago

اول ماطلعت من باب المطبخ لمحت صهيب قاعد بالصاله وماسك الجريده بين ايديه جوري : صباح الخير اخي صهيب بتحب ساويلك فنجان قهوه نزل الجريده واطلع فيها بدون اهتمام واردف بصوت هادي.. لا مابحب جوري بقلبها : شبو هاد لابس وجهو بالمقلوب ماعمري شفته عم يبتسم حتى بعكس خلودي الله يخليلي ياه… لك الله يعين اللي بدها تاخدك شو انك جلف وناشف زمت شفايفها واستدارت بجسمها وتوجهت عالدرج وعيونه عم تتأملها بحنق اول ماغابت عن نظرو عجن الجريده بين ايديه بسخط ورماها عالارض… حط نضارته الشمسيه على عيونه وسحب مفاتيح سيارته وطلع من البيت هيك كانت حياتهم او فينا نحكي هيك صارت… صهيب ماعاد كتير يتواجد بالبيت واغلب وقتو برا مو قادر يسيطر على مشاعرو وبنفس الوقت مابيسترجي يطلع فيها وهي مرت اخوه ومتل اخته بقي بصراع نفسي لحتى قرر يرجع لربه ويطلع عمره بلكي تنطرد وساويس الشيطان من قلبه *╚══════ღღ══════╝ بعد اسبوعين كان الكل عم يحضرلاستقبال صهيب بعد ماراح واعتمر لبيت الله الحرام ام صهيب : جوري .. جوري جوري ; نعم مرت عمي ام صهيب : تعي ياروحي ساعديني لنجهز الغدا ب اي لحظه رح يوصل صهيب من السفر جوري : حاضر مرت عمي ليال : ارتاحي انتي انا بساعد مرت عمي جوري : بس مرت عمي طلبت مني انا اني ساعدها ليال بغيض : وقت يتعلق الأمر بصهيب لا انتي ولا مرت عمي الكم دخل حطت ايدها ع تمها وشهقت… شو هالحكي هاد !! ليال : ليكون ماعجبك… اسمعي ياروحي انا وصهيب بحكم المختوبين وعن قريب رح نتروج رفعت حواجبها ب استغراب : وانا شو علاقتي ليش عم تخبريني ليال : يعني فيكي تحكي من باب العلم بالشيئ ولحتى تعرفي اني مابحب حدا يقرب من شي بملكه مفهوم جوري : لا مو مفهوم ليال : شو حكيتي جوري : يلي سمعتيه انا ماخصني فيكي وبصهيب هو بالنسبه الي اخ مو اكتر و انا ماحدا بيأمرني هون الا زوجي وبس وهلأ بالازن بدي شوف مرت عمي تعدتها ومشيت والنار عم تاكل فيها ليال : ان ماندمتك ياحقيره مابيكون اسمي ليال

العضوة: 799516 , 4 years ago

*╚══════ღღ══════╝ بعد ساعتين ام صهيب : تأخر صهيب ابو صهيب : لاتأخر ولاشي وبعدين خالد راح يستقبله بالمطار اكيد اتعوقوا بالاجرائات ام صهيب : الله يردو بالسلامه اجت ليال وقعدت ومتل عادتها حطت اجر على اجر : بعدو ماوصل صهيب اطلعت فيها ام صهيب من فوق لتحت ونفخت بضيق… يارب صبرني ابو صهيب : هلأ بيوصل حبيبتي لاتشغلي بالك ليال بدلع : ازا مانشغل بالي على صهيب على مين بدو ينشغل ولانسيت ياعمو انك قريت فاتحتنا مع ابي ابو صهيب : لابنتي ما نسيت وان شاءالله بنفرح فيكم قريبا تنكرزت ام صهيب ورمت الخداده عالكنبه وقامت تنهده عجوري بصوت عالي : جوووووري جووووري شو صار بالشوربه جوري : شبك مرت عمي الشوربه جاهزه من بدري ام صهيب : خلينا نسخن الاكل بيكون برد هلأ وصهيب مابيحب الاكل بارد ليال : انا بسخنه مرت عمي ام صهيب بقرف : انتي خليكي مرتاحه… بسخنه انا وكنتي… واشرت لجوري تلحقها عالمطبخ قعدت ليال مكانها بهدوء عم تحسس ع رقبتها ووجها يلي بتفيض منهم الحراره ليال : اعملي وكتري يازبيده خانوم… الا مايجي يوم وصير ست هالبيت وتصيري انتي وكنتك خادمات الي ولولادي طالعها مـن افكارها صوت خالد : امي ابي وينكم نحنا جينا فطت من مكانها بسرعه : وصل صهيب 😍 ام صهيب بدموع ابني حبيبي حمدلله عالسلامه صهيب حضن امه وباس ع ايدها : الله يسلمك امي ابو صهيب : عمره مباركه ابني صهيب : الله يبارك ابي، ليال بدلع : حمدلله عالسلامه ابن عمي صهيب : اهلين ليال : 😏

العضوة: 799516 , 4 years ago

اجت جوري ووقفت بعيد .. نورت اخي حمدلله عالسلامه ومبروك العمره صهيب ب ابتسامه : تسلمي مرت اخي الله يبارك فيكي وعقبالك جوري بصدمه من ابتسامته يلي بتشوفتها اول مره : ان شاء الله اخي خالد : والله فكره شو رأيك نعمل عمره روحي جوري : ياريت والله خالد : تكرم عينك روحي ابو صهيب : بدكم تقضوها حكي يالله ابني فوت ادوش وبدل تيابك لتتغدا معنا صهيب : اي والله اشتقت لاكلات امي الطيبه ام صهيب : اي بس هالمره كنتي حبيبتي ساعدتني اطلع صهيب بجوري وابتسم… يعطيكي اختي عزبتي حالك جوري : ولو اخي مافي شي من واجبك ليال : هلأ بحضر السفره ابن عمي محتاج شي بدك شي صهيب : شكرا… بالازن تركهم وفات على غرفته شلح تيابه ونزل تحت المي الدافيه .. من زمان ماحس براحه متل هيك دقات قلبه ماعادت ضايقته ووجود جوري قدامه ماعاد يأثر فيه متل قبل *╚══════ღღ══════╝ اجتمع الكل عالسفره وبلشت اصناف الاكل الطيبه تنصف بترتيب صهيب مو قادر يستنى عم يتناول الصحون ويصفهم قدامه Telegram@rwayate ام صهيب : ياروحي اكيد اشتقت لاكل البيت صهيب : اي والله امي اساسا مافي اطيب من اكل البيت ليال : شو جبتلي معك هديه ابن عمي نزل اللقمه من ايدو وحكا بمزح… جبتلك مية زمزم وتمر ومانسيت ادعيلك بالهدايه وانا بالحرم ليال : شو قصدك يعني انا مجنونه خالد ; ايوااا هلأ بتولع… صهيب : بتعرفي شو اكتر شي بحبه فيكي ليال ب استعجال : شووو صهيب : اني كل مابشوفك بستغفر ربي

العضوة: 799516 , 4 years ago

ضحك الكل وبقي صهيب يتابع اكله وينكت ع غير عادته وليال حست بالاهانه وبقيت كاتمه غيضها بقلبها خالد : امممم الشوربه كتيررر طيبه ام صهيب : هي شغل مرتك خالد موجه كلامه لجوري : نفسك كتير طيب عالاكل روحي جوري : صحه وهنا بتحب اسكبلك كمان خالد : لا يسلمو روحي بدي اتفاهم مع هالفروج يلي قدامي جوري : ههههه صهيب : مو ناويه تكفي جامعتك جوري جوري : انا .. بصراحه خالد : اكيد اخي… وببداية الفصل رح اخدها لتسجل بالجامعه حست جوري بفرحه جوات قلبها .. لمعوا عيونها وهي بتطلع بخالد… فعلا ربها بعتلها نعمه كبيره من نعمه من لما صار زوجها وحبيبها صهيب : حلو كتير وشو حابه تدرسي جوري : ادارة اعمال صهيب : وليش هالتخصص بالزات جوري : لحتى صير سيكرتيرة خالد الخاصه هههه غابت الضحكه فجأه عن وجهو وعبس بقي يتأمل وجهها وضحكتها لثواني وفورا زاح نظرو واستغفر ربه بعد ماخلصوا غدا عملت جوري شاي وحملته وفاتت لعندهم عالصاله بخطوات بطيئة… كانت عيون ليال بتراقبها بخبث واول ما قربت منها مدت اجرها لتوقع عالارض وتنكسر كاسات الشاي وينتفض قلب خالد من الرعبه خالد بخوف انحنى وسندها وقعدها عالكنبه وبلش يتفقد فيها انتي منيحه صرلك شي جوري : منيحه ام صهيب : الحمد لله اجت سليمه ليال بشماته : انتبهي ع خطواتك جوري شبك ماشيه وداعمه متل كأنك قطار اطلعت جوري بليال ووقفت قدامها : بس انا ماتفركشت بخطواتي انتي يلي مديتي اجرك لتوقعيني عن قصد ليال : انااا !!! حرام عليكي ليش عم تتبلي عليي خالد : اهدي روحي جوري : حبيبي هيه عن عمد مدت اجرها لاتفركش مابعرف شو بنيتها صهيب بحده : صحيح هالحكي ليال ليال بدموع : وشو بدو يكون بنيتي انتي ليش بتكرهيني وبتتعمدي تعيشي دور الضحيه عحسابي جوري : انا برضو يلي بعمل هيك ليال بصوت عالي : اي انتي… انتي يلي مو حابه وجودي هون مع انه هاد بيت عمي .. انتي بتغيري مني جوري : اغير منك !! ليال : ايييه بتغيري مني لاني احسن منك شوفي حالك من وين جايه واتزكري اصلك جوري : صوت الكف كان عالي… ماحست ليال الا وهيه متكومه عحالها عالكنبه .. تلفتت بسرعه وهي حاطه ايدها عخدها ودموعها معبيه عيونها ليال : صهيب !!

العضوة: 799516 , 4 years ago

كانت عيون صهيب عم تشعل من الغضب ماتحمل الاهانه يلي وجهتها ليال لجوري ولانه بيعرف انه خالد مستحيل يتصرف ويخرسها كان لابد م̷ـــِْن انه يتصرف عواض اخوه صهيب : اخر مره بسمعك بتعايري مرت اخي عم تفهمي… المكان يلي اجت منه بيشرفك ابو صهيب بعنف : صهيب انت جنيت !!! صهيب : لا ابي ماجنيت بس مين نحنا لنحقر الناس .. لك نحنا اقل من الناس لشو شوفة الحال والمعايره ليال : عم تضربني كرمالها ابن عمي صهيب : ماضربتك كرمالها .. ضربتك لتوعي عحالك وتصرفاتك ليال : شكرا الك انا طالعه من هالبيت ورح ارجع لسكن الطالبات ابو صهيب : مافي تروحي لمكان انتي بنت اخي ومسؤوله مني ليال بحزن : معلش عمي بلا مايصير مشاكل بسبب وجودي بينكم… اليوم صهيب مد ايدو عليي بكرا بيقلعني ابو صهيب : اعتزر من بنت عمك فورا صهيب : بس يابي ابو صهيب بحده : شو سمعت صهيب : اسف بنت عمي ابو صهيب : وانتي جوري اعتزري من بنت اخي… لانك اتهمتيها تهمه باطله وبسببك صارت هالمشكله Telegram@rwayate ابتسمت ليال بخبث واطلع الكل ناح جوري يلي كانت واقفه مصدومه ابو صهيب كرر كلامه : اعتزري من بنت اخي جوري جوري : ابو صهيب : شو طرشتي كانت. وشك تفتح تمها وتنطق لحتى حست بنخزه قويه بقلبها مسكت خالد من زندو ووقعت ع ركبها وعيونها جاحضين خالد : جوري شو صرلك جوري صهيب : جوري !!! جوري بصوت مخنوق : قققلبي عععم مووووت

العضوة: 799516 , 4 years ago

شوي وبرجع كمل

العضوة: 763746 , 4 years ago

تضرصي وين رايحة حميت القصة

العضوة: 799516 , 4 years ago

بدي قوم مرت عمي بدها اساويلها قهوة ومافيني اقلها استني 😲😲

العضوة: 417063 , 4 years ago

رفع

العضوة: 799516 , 4 years ago

*╚══════ღღ══════╝ رايح جاي قدام غرفة المعاينه .. بيفرك ايديه بقلق وخوف وصلت سهام وجوان وتوجهوا لعندهم بسرعه سهام : خير شبها جوري ام صهيب : اطمني حبيبتي مافي شي سهام : شلون مافي شي لكن ليش جبتوها عالمشفى صهيب : يعني مابتعرفي سهام خانوم سهام بلبكه : مابعرف شو صهيب بخبث ; مابتعرفي انن عرسان جداد وبيحبوا يدلعوا على بعض سهام بلعت ريقها واطلعت بجوان ام. قصي : ارتاحي ست سهام هلأ بيطلع الدكتور وبيطمنا قعدت سهام وبحدها جوان جوان : معقول اجتها الازمه سهام : ولي على امتي على هالمصيبه خالد متوتر ومو قادر يضبط اعصابه : يارب احميها يارب صهيب (حط ايده. عكتفه ) اهدى اخي ان شاء الله حتكون بخير خالد بتوتر عم يمسح جبينه براحة ايدو،.. انت مو عارف شي اخي مو عارف شي صهيب : شي متل شو خالد كان رح يحكي واستوقفه خروج الدكتور… ترك صهيب وتوجه لعندو بسرعه خالد : طمني دكتور كيف وضعها الدكتور : مرتك بحاجه لعمليه فتح عيونه بذهول وتراجع خطوه لورى… عمليه !! لهدرجه حالتها خطيره ابو صهيب : عملية شو ابني !! ام صهيب : حدا يفهمنا سهام : الدكتور : المدام بحاجة عملية قسطره لنقدر نسكر الثقب يلي بقلبها… بصراحه ماكان لازم سكتوا عليها طول هالوقت ام صهيب : قسطره وثقب بالقلب !!! حضرتك متأكد انك عم تحكي عن كنتي يادكتور الدكتور : اي طبعا ام صهيب : مرتك عندها القلب ياخالد !! خالد : ام. صهيب : شو ست سهام بنتك عندا القلب وماخبرتيني سهام. : انا بصراحه… . ام صهيب : استني قبل ماتحكي حابه اسمع ابني مسكتوا من كتافوا وفتلتوا عليها وصرخت : رد عليي كنت بتعرف بمرضها خالد : اي امي بعرف ابتسم صهيب رغم الالم يلي عم يحس فيه… هالبنت كل يوم بتثير اعجابه اكتر ام صهيب بصوت جهوري : وليش ماخبرتني ليش انا اخر من يعلم صرخ بنبره اعلا : لاني بحباااا امي بحبا صهيب : ام صهيب : بتحبا !! حكت كلمتها ورسمت ع وجهها ابتسامه هزليه ساخره… ام صهيب : وانا كمان بحبا ابني بس المفروض خبرتني لك انا امك مو عدوتك ضرب راسه بالحيط ; حاج امي كرمال •اللّـہ̣̥ يلي فيني مكفيني

العضوة: 790128 , 4 years ago

كفي القصة ست مي وينك

العضوة: 470944 , 4 years ago

رفع

العضوة: 782632 , 4 years ago

@user-799516 كملي وينك

العضوة: 786697 , 4 years ago

ررفع 😍😍👏