من بعد سنه زواج بدون حمل صار الكل يسألني ليش لهلا مش حامل🙄 لدرجه صارو يعيروني ويحكولي عاقر 😭 ومن كثر حكي العالم حكتلي حماتي اروح انفحص عند الدكتوره ..
المهم رحت أنا ع الدكتوره وحكتلي ما فيكي شي 🙃 انا افرحت وارجعت لزوجي وحماتي وحكتلهم ما عندي شي ..
بعدين راح زوجي ع الدكتور وعمل فحص وطلع عندو ضعف في عدد الحيوانات المنويه فاضطر يعمل عمليه اسمها "عمليه الداليه " ....
مرت ست شهور من بعد العمليه ولسا ما صار حمل وكل شهر كان زوجي يروح ع الدكتور يحكيلو لساتك زي ما انت وفش تحسن 😩
وأعطاه الدكتور أدويه لزوجي وصار يشرب حليب جمال وياكل عسل ...ويضل يستغفر بنيه الله يرزقو الذريه الصالحه 🤗
وانا سجلت في نادي رياضي عشان كنت زايده اكم كيلو 😅
صرت اروح ع النادي وبعد ٢٠ يوم الدوره إتأخرت قلت في عقلي معقول حامل !🤔 سألت البنات بالنادي حكولي الرياضه بتأخر الدوره وبصير في تغيرات في جسمك ..
قلت شكلو هيك انا اصلا مستحيل اطلع حامل ...
بعد اكم يوم رحت على عرس ابن عمتي وكانو الكل يسألني ليش مش حامل احكيلهم لسا بدري..
ولما روحت من العرس اسمعت امي بتحكي لابوي ليش لهلا مخلي بنتك عند هالعالم بدك بنتك تعيش بدون اولاد ..زوجها فش منو امل وحكت كلمه كثير بشعه 😢 انا لما اسمعتها بتحكي هيك ما ضل براسي عقل وصرت اعيط حكتلي امي اه جوزك عاقر وين الولد الي حاملتي صارلك سنه ونص متزوجه ولهلا مش حامل ...
اطلعت من دار اهلي في تكسي وارجعت لعند زوجي وحكيتلو انا مستحيل ابعد عنك حتى لو ربنا ما كتبلي اجيب اولاد 😞
وصار لدوره ٨ أيام مش جايه اشتريت تست الحمل واعملت الفحص بين خط واحد والتاني خفيف قلت مش حامل ..بس صار عندي شك اشتريت كمان تست واعملت الفحص كمان مره وبين خطين انا طرت من الفرح وزوجي كان جنبي وصرنا نعيط من الفرح وحمدنا ربنا وبعدين اطلعت ع حماتي وحكتلها وهي صارت تعيط كمان وتسجد لربنا ❤❤
كان أحلى يوم بحياتي مستحيل انساه ...
واتصلت ع ابوي وامي وحكتلهم امبارح كنتو تعيروني اني مش حامل وزوجي عقيم واليوم اعرفت اني حامل 🤗 ما عمركم تتشمتو بحدا ورحمه ربنا كبيره ...
وهيني رح ادخل الشهر السابع بستنى في بنتي تنور دنيتنا ❤
العضوة: 38487 , 9 years ago
قصتي اصعب من قصتك تجوزت جوزي عن حب 5 سنيين قعدنا سنه م صار حمل رحت ع الدكتور واعطاني ادويه وع السنه كنت حامل بس الجنين م في نبض وعملة عملية اجهاض وضل يحكو دار حماي هاي كذابه لا كانت حامل ولا اشي بعدها قعدنا سنتين واحنا م تركنا دكتور يعتب علينا لحتى حكولنا انه مع زوجي دوالي وعمل عمليه وبهل3 سنين مع انه اهل زوجي كانو يعرفو انه م عندي ولا اي مانع اني احمل كانو يضلو يسمعو حكي لدرجة حماي كان م يسمح لحماتي تخلي ابنها الصغير بحضني اجى مره وانا حاطته بحضني وخلاها شالته واخذته مني يتبع..العضوة: 38487 , 9 years ago
وبعد 6 اشهر كنا داخلين بسنه 4 زواج برمضان م اجتني الدوره بعد رمضان ف 9 ايام جبت تست حمل وفحصت م طلع حمل جبت دوا عشان تيجي الدوره وجوزي منعني اشربه غير لحتى اعمل فحص حمل دم عشان بكون مضموون طلعت طشه مع صاحباتي وحكيت لصاحبتي بتحكيلي هي مختبر خلينا نعمل م كان عندي امل ولا 1% لما حكتلي مبروك حامل صابتني صدمه م تخيلتها بحياتي انا اعيط وصاحباتي يعيطن معي وجوزي م صدق لما حكيتله واهلي لما روحت شتريت كنافه وحكيتلهم حلوان الحمل كلهم يعيطو يتبع...العضوة: 43001 , 9 years ago
@user-38487 ايه و شو صار انا عم استنى تكمليالعضوة: 38487 , 9 years ago
حماتي بفترت حملي الاولى كنت حامل تقريبا بشهر 3 حكت لبنت بنتها روحي نطي ع بطن مها وعادتها 3 مرات وزوجي كان قاعد حكالي امشي نروح وروحنا بس جينا ع بيتنا بحكيلي ليش اهلي مش حابين يكون عندي ولو ولد واحد وهيني كمان يوم بدخل ف الشهر 9 وبييجي ابني ينور دنيتي الله لا يحرمهم لحد انا جربت لهيك بدعي من كل قلبي ربنا يطعمهم لكل حد محروم منهمالعضوة: 38339 , 9 years ago
امين ياربالعضوة: 33607 , 9 years ago
@user-38487 ليش هيك حماتك ..نصيحه ما تروحيش عليهم لحتى تخلفي ..الله يتمم فرحتك ي ربالعضوة: 42903 , 9 years ago
امين يارب و الله يحفض الي في بطنك ويفرح قلبك بشوفتهالعضوة: 38487 , 9 years ago
م بعرف ليش هيك عقلها مع انه بناتها كثير فرحو لحملي كأنهم خواتي والله ربنا م بينسى حد وانا الحمد لله ربنا م نسيني انا وزوجي وع قد م كانو يشمتو فيه الحمد لله ربنا عوض علينا وما نسينا من رحمتهالعضوة: 38487 , 9 years ago
الله يسعدكن امييين ي رب ❤❤العضوة: 38339 , 9 years ago
امين يارب ويقومك بسلامي حبيبتيالعضوة: 43001 , 9 years ago
@user-38487 و الله فرحتين الحمد لله انا خالتي قعدت هي و زوجها 14 سنة ما بيولدو و ماخالو شي ما عملوه لغاية انو خالتي كانت تتوهم انو حامل و كرشها بتكبر لما تروح عند الدكتور يقولو لها انو مافي حمل هذا حمل بس نفساني يعني العقل بيتوهم سبحان الله و بعد 14 سنة حملت و ماحد صدق بس الحمد الله جابت احلى ولد بعد 3 سنين جابت كمان ولد تاني بس هلا هيا مريضة بالاعصاب لانو الانسان لما بيكبر نفسو بيكون ضيق و اولدها ما شاء الله كثير نشطين ادعو معها انها ترجع مثل ما كانت لانو صارت كثير سمينة و رجليها بيوجعوهاالعضوة: 33607 , 9 years ago
@user-43001 الله يشفيها ويكون بعونهاالعضوة: 38487 , 9 years ago
حبيبتي ❤❤ الله يشفيها ويخليلها اياهم ي رب وتفرح بشوفتهم عرسان 👐العضوة: 38339 , 9 years ago
والله وانا كمان كان عندي بنتين وحماتي تروح وتجي تقلي جيبيلنا ولدالعضوة: 37427 , 9 years ago
@user-33607 والله قصتك بكتني..وجسمي اقشعر منها...الله يكمل على خيير وتولدي بالسلامة