9 years ago
  • المرحلة الثالثة (الأشهر 9,8,7)
من بعد سنه زواج بدون حمل صار الكل يسألني ليش لهلا مش حامل🙄 لدرجه صارو يعيروني ويحكولي عاقر 😭 ومن كثر حكي العالم حكتلي حماتي اروح انفحص عند الدكتوره .. المهم رحت أنا ع الدكتوره وحكتلي ما فيكي شي 🙃 انا افرحت وارجعت لزوجي وحماتي وحكتلهم ما عندي شي .. بعدين راح زوجي ع الدكتور وعمل فحص وطلع عندو ضعف في عدد الحيوانات المنويه فاضطر يعمل عمليه اسمها "عمليه الداليه " .... مرت ست شهور من بعد العمليه ولسا ما صار حمل وكل شهر كان زوجي يروح ع الدكتور يحكيلو لساتك زي ما انت وفش تحسن 😩 وأعطاه الدكتور أدويه لزوجي وصار يشرب حليب جمال وياكل عسل ...ويضل يستغفر بنيه الله يرزقو الذريه الصالحه 🤗 وانا سجلت في نادي رياضي عشان كنت زايده اكم كيلو 😅 صرت اروح ع النادي وبعد ٢٠ يوم الدوره إتأخرت قلت في عقلي معقول حامل !🤔 سألت البنات بالنادي حكولي الرياضه بتأخر الدوره وبصير في تغيرات في جسمك .. قلت شكلو هيك انا اصلا مستحيل اطلع حامل ... بعد اكم يوم رحت على عرس ابن عمتي وكانو الكل يسألني ليش مش حامل احكيلهم لسا بدري.. ولما روحت من العرس اسمعت امي بتحكي لابوي ليش لهلا مخلي بنتك عند هالعالم بدك بنتك تعيش بدون اولاد ..زوجها فش منو امل وحكت كلمه كثير بشعه 😢 انا لما اسمعتها بتحكي هيك ما ضل براسي عقل وصرت اعيط حكتلي امي اه جوزك عاقر وين الولد الي حاملتي صارلك سنه ونص متزوجه ولهلا مش حامل ... اطلعت من دار اهلي في تكسي وارجعت لعند زوجي وحكيتلو انا مستحيل ابعد عنك حتى لو ربنا ما كتبلي اجيب اولاد 😞 وصار لدوره ٨ أيام مش جايه اشتريت تست الحمل واعملت الفحص بين خط واحد والتاني خفيف قلت مش حامل ..بس صار عندي شك اشتريت كمان تست واعملت الفحص كمان مره وبين خطين انا طرت من الفرح وزوجي كان جنبي وصرنا نعيط من الفرح وحمدنا ربنا وبعدين اطلعت ع حماتي وحكتلها وهي صارت تعيط كمان وتسجد لربنا ❤❤ كان أحلى يوم بحياتي مستحيل انساه ... واتصلت ع ابوي وامي وحكتلهم امبارح كنتو تعيروني اني مش حامل وزوجي عقيم واليوم اعرفت اني حامل 🤗 ما عمركم تتشمتو بحدا ورحمه ربنا كبيره ... وهيني رح ادخل الشهر السابع بستنى في بنتي تنور دنيتنا ❤

161 تعليقات

العضوة: 33607 , 9 years ago

@user-47589 يسعدك ..الحمد لله كان أملي بربنا كبير ❤

العضوة: 38339 , 9 years ago

الله يتملك ع خير وتشوفي لبيبي وتلعبي مو يارب

العضوة: 25459 , 9 years ago

@user-33607 مو تجربة عشت حياة كرهتني جنس ادم كله...على فكرة يمكن تستغربي من يلي راح احكيه انا زوجي يعني رجل مسكين عقلو على قدو المهم لمى تقدملي رفضو اهلي طبعا وانا وافقت وبقوة قلت اعيش مع واحد مكسور وما يقدر يكسر ولا اعيش مع واحد متل الشوكة كل يوم يغزني ...لانو عنا المرأة جنح مكسور والرجل ما يملي عينه الاالتراب ...اقسم بالله في واحد عنا عقيم ومرتو صبرت عليه 13 سنة قام حب عليها وحدة مطلقه واتجوزها وبعد فترة مرتو الاولى طلبت الطلاق واطلقت واتجوزت واحد حالتو متل جوزي المهم وجابت منو احلا تلات بنات ولد ....هاااااي هي مكافئت الصبر...

العضوة: 33607 , 9 years ago

@user-25459 مو كلهم زي بعض ..ضليتي عايشه مع زوجك ؟ عندك اولاد !؟

العضوة: 38339 , 9 years ago

لك يلي مامن برجال متل مي بل غربال

العضوة: 38339 , 9 years ago

حبيبتي لمراة بتصبر لو جوزة مابجيب ولاد بس زلمي مابيصبر مو متل مراة

العضوة: 33607 , 9 years ago

@user-38339 مش كل لزلام هيك بس اغلبهم بتزوجو وبتركو نسوانهم..انتي متزوجه ؟!؟

العضوة: 38339 , 9 years ago

اي انا متزوجا وعندي تلت اولاد

العضوة: 38339 , 9 years ago

بعرف حبيبتي مو كل زلم هيك بس في منن مابيصبرو سنتين وتلاتي بيروحو بيتزوجو

العضوة: 25459 , 9 years ago

@user-33607 انا اجهضت اربع مرات واتعذبت عذاب ونفسيتي اتعذبت لدرجة صارت معي الغدة الدرقية المهم وانا هلا حامل بالاسبوع الاربعين ...لو كان رجل من يلي عنا كان اتزوج علي ...اما زوجي هاد طيوب وعقلو على قدو ورضاي بالدنيا كلها بالنسبة له...لهيك انا بحكيلك انو زوج اختي ليهم سنة متزوجين وهي ولدت وجابت بنت وبقول لها وبعايرها انها ما بتجيب الا بنات وهاد حملها الاول تخيلي ...لهيك انا عندي عقدة منهم ...انت لا توخذي كلامي وتزعلي حالك اهتمي بيلي ببطنك هاد اهم شي...

العضوة: 36855 , 9 years ago

@user-33607 الحمدالله ماشاء الله الله يتمم لك على خير يارب

العضوة: 33607 , 9 years ago

@user-25459 يا الله 😱 فعلا الي بشوف مصيبه غيرو بتهون عليه مصيبتو ..الله يعينك وانا مش زعلانه منك 😊 تقومي بالسلامه أن شاء الله ❤

العضوة: 43372 , 9 years ago

الف مبرووووك اختي ربي يسهل لك ويعطيك ساعه طيبة ويفرج عليكي

العضوة: 43001 , 9 years ago

@user-33607 فرحت كثير لما قريت قصتك الله يتمم حملك على خير ان شاء الله

العضوة: 45709 , 9 years ago

حبيبتي ربنا يباركلكهم بالمولود يارب اعتني بنفسك