من بعد سنه زواج بدون حمل صار الكل يسألني ليش لهلا مش حامل🙄 لدرجه صارو يعيروني ويحكولي عاقر 😭 ومن كثر حكي العالم حكتلي حماتي اروح انفحص عند الدكتوره ..
المهم رحت أنا ع الدكتوره وحكتلي ما فيكي شي 🙃 انا افرحت وارجعت لزوجي وحماتي وحكتلهم ما عندي شي ..
بعدين راح زوجي ع الدكتور وعمل فحص وطلع عندو ضعف في عدد الحيوانات المنويه فاضطر يعمل عمليه اسمها "عمليه الداليه " ....
مرت ست شهور من بعد العمليه ولسا ما صار حمل وكل شهر كان زوجي يروح ع الدكتور يحكيلو لساتك زي ما انت وفش تحسن 😩
وأعطاه الدكتور أدويه لزوجي وصار يشرب حليب جمال وياكل عسل ...ويضل يستغفر بنيه الله يرزقو الذريه الصالحه 🤗
وانا سجلت في نادي رياضي عشان كنت زايده اكم كيلو 😅
صرت اروح ع النادي وبعد ٢٠ يوم الدوره إتأخرت قلت في عقلي معقول حامل !🤔 سألت البنات بالنادي حكولي الرياضه بتأخر الدوره وبصير في تغيرات في جسمك ..
قلت شكلو هيك انا اصلا مستحيل اطلع حامل ...
بعد اكم يوم رحت على عرس ابن عمتي وكانو الكل يسألني ليش مش حامل احكيلهم لسا بدري..
ولما روحت من العرس اسمعت امي بتحكي لابوي ليش لهلا مخلي بنتك عند هالعالم بدك بنتك تعيش بدون اولاد ..زوجها فش منو امل وحكت كلمه كثير بشعه 😢 انا لما اسمعتها بتحكي هيك ما ضل براسي عقل وصرت اعيط حكتلي امي اه جوزك عاقر وين الولد الي حاملتي صارلك سنه ونص متزوجه ولهلا مش حامل ...
اطلعت من دار اهلي في تكسي وارجعت لعند زوجي وحكيتلو انا مستحيل ابعد عنك حتى لو ربنا ما كتبلي اجيب اولاد 😞
وصار لدوره ٨ أيام مش جايه اشتريت تست الحمل واعملت الفحص بين خط واحد والتاني خفيف قلت مش حامل ..بس صار عندي شك اشتريت كمان تست واعملت الفحص كمان مره وبين خطين انا طرت من الفرح وزوجي كان جنبي وصرنا نعيط من الفرح وحمدنا ربنا وبعدين اطلعت ع حماتي وحكتلها وهي صارت تعيط كمان وتسجد لربنا ❤❤
كان أحلى يوم بحياتي مستحيل انساه ...
واتصلت ع ابوي وامي وحكتلهم امبارح كنتو تعيروني اني مش حامل وزوجي عقيم واليوم اعرفت اني حامل 🤗 ما عمركم تتشمتو بحدا ورحمه ربنا كبيره ...
وهيني رح ادخل الشهر السابع بستنى في بنتي تنور دنيتنا ❤
العضوة: 47299 , 9 years ago
الف مبروكالعضوة: 33607 , 9 years ago
@user-38339 يسعدكالعضوة: 33607 , 9 years ago
@user-32227 يبارك فيكي 😊العضوة: 25459 , 9 years ago
مبرووووك...بس انا لو محلك دشرت جوزي زمان...وروحت اتجوزت ...ههههههه حقيرة انا صح ...لكن السؤال لو انت العقيم راح زوجك يضل معك ولا راح يدور على الخلفة....لا تعصبو علي...😝العضوة: 25459 , 9 years ago
سامحوني ....وصاحبة الموضوع تسامحني ...العضوة: 38339 , 9 years ago
ياصبايا يعني كل يلي هون متزوجينالعضوة: 33607 , 9 years ago
@user-25459 هو كمان لو كنت ما بجيب اولاد مستحيل يتزوج علي لانو بحبني ..وكمان انا مستحيل اتخلى عنو... ما بعرف بجوز انتي غير تفكيرك كل واحد ورأيو 😃العضوة: 33607 , 9 years ago
@user-38339 التطبيق للحوامل يعني اكيد كلنا متزوجات 😁العضوة: 46946 , 9 years ago
ياعمري ربك ماينسى حدا والف مبروك وربي يطعمك الذريه الصالحه وتقومو بالسلامه انتي والبيبي 🌹🌹🌹😘العضوة: 38339 , 9 years ago
حبيبتي انتي ماعندك ولاد يعنيالعضوة: 38339 , 9 years ago
اي تشرفت فيكم حبيباتيالعضوة: 33607 , 9 years ago
@user-46946 تسلمي 😊العضوة: 38339 , 9 years ago
والله يطعم كل محروم ياربالعضوة: 37054 , 9 years ago
الف مبروك والحمد للهالعضوة: 33607 , 9 years ago
@user-38339 لا هاد اول حمل الي