من بعد سنه زواج بدون حمل صار الكل يسألني ليش لهلا مش حامل🙄 لدرجه صارو يعيروني ويحكولي عاقر 😭 ومن كثر حكي العالم حكتلي حماتي اروح انفحص عند الدكتوره ..
المهم رحت أنا ع الدكتوره وحكتلي ما فيكي شي 🙃 انا افرحت وارجعت لزوجي وحماتي وحكتلهم ما عندي شي ..
بعدين راح زوجي ع الدكتور وعمل فحص وطلع عندو ضعف في عدد الحيوانات المنويه فاضطر يعمل عمليه اسمها "عمليه الداليه " ....
مرت ست شهور من بعد العمليه ولسا ما صار حمل وكل شهر كان زوجي يروح ع الدكتور يحكيلو لساتك زي ما انت وفش تحسن 😩
وأعطاه الدكتور أدويه لزوجي وصار يشرب حليب جمال وياكل عسل ...ويضل يستغفر بنيه الله يرزقو الذريه الصالحه 🤗
وانا سجلت في نادي رياضي عشان كنت زايده اكم كيلو 😅
صرت اروح ع النادي وبعد ٢٠ يوم الدوره إتأخرت قلت في عقلي معقول حامل !🤔 سألت البنات بالنادي حكولي الرياضه بتأخر الدوره وبصير في تغيرات في جسمك ..
قلت شكلو هيك انا اصلا مستحيل اطلع حامل ...
بعد اكم يوم رحت على عرس ابن عمتي وكانو الكل يسألني ليش مش حامل احكيلهم لسا بدري..
ولما روحت من العرس اسمعت امي بتحكي لابوي ليش لهلا مخلي بنتك عند هالعالم بدك بنتك تعيش بدون اولاد ..زوجها فش منو امل وحكت كلمه كثير بشعه 😢 انا لما اسمعتها بتحكي هيك ما ضل براسي عقل وصرت اعيط حكتلي امي اه جوزك عاقر وين الولد الي حاملتي صارلك سنه ونص متزوجه ولهلا مش حامل ...
اطلعت من دار اهلي في تكسي وارجعت لعند زوجي وحكيتلو انا مستحيل ابعد عنك حتى لو ربنا ما كتبلي اجيب اولاد 😞
وصار لدوره ٨ أيام مش جايه اشتريت تست الحمل واعملت الفحص بين خط واحد والتاني خفيف قلت مش حامل ..بس صار عندي شك اشتريت كمان تست واعملت الفحص كمان مره وبين خطين انا طرت من الفرح وزوجي كان جنبي وصرنا نعيط من الفرح وحمدنا ربنا وبعدين اطلعت ع حماتي وحكتلها وهي صارت تعيط كمان وتسجد لربنا ❤❤
كان أحلى يوم بحياتي مستحيل انساه ...
واتصلت ع ابوي وامي وحكتلهم امبارح كنتو تعيروني اني مش حامل وزوجي عقيم واليوم اعرفت اني حامل 🤗 ما عمركم تتشمتو بحدا ورحمه ربنا كبيره ...
وهيني رح ادخل الشهر السابع بستنى في بنتي تنور دنيتنا ❤
العضوة: 38203 , 9 years ago
مبروك حبيبتيالعضوة: 25023 , 9 years ago
مبارك الحمل والله يتمم لك على خير يارب بس انت تأخرتي سنة ونص بس يعني موكتير عادي والمشكلة الي عند زوجك تعتبر بسيطة والامل كان كبير بس في كتير ناس بتحب تعلق على غيرها وتجرح فيهمالعضوة: 33607 , 9 years ago
@user-26216 الله يبارك فيكي ..الحمد لله على كل شيالعضوة: 33607 , 9 years ago
@user-25023 فعلا الناس بحبو يعلقو ..ربنا يبارك فيكيالعضوة: 33607 , 9 years ago
@user-38203 الله يبارك فيكيالعضوة: 49029 , 9 years ago
ماشاءالله لاتقنطوا من رحمة اللّٰه الف الف مبروووك الحمدالله اللذي بنعمته تتم الصالحاتالعضوة: 472 , 9 years ago
ماشاءالله مبروك والله يتمملك على خيرالعضوة: 33607 , 9 years ago
@user-49029 @user-472 الله يبارك فيكمالعضوة: 50785 , 9 years ago
الله يكمل عليكي بالخير حبيبتي وربنا دوم بكرم الصابرين ما شاء الله عليكي وان شاء الله بتشوفى بنتك أمام عيونك وتكون خير بحقك انتي وجوزكالعضوة: 25705 , 9 years ago
@user-33607 الحمد لله فرحت بدل منك فرحا شديدا 😅😅😅 الحمد لله الله يتم حملك و يعطي طفلك عمر طويل 😙😙😙😙😙العضوة: 39217 , 9 years ago
الحمدلله💕 ربي يتمم لك على خير