القصة حقيقية وصارت بدمشق بعهد الدولة العثمانية عام ١٨٩٨ وكان والي الشام هديك الايام مصطفى عاصم باشا
بهي السنة زار دمشق الامبراطور الالماني غليوم التاني وزوجته،🤴🏼👸🏼 وطلعت كل اهالي الشام ومعهم الوالي ليستقبلوا الامبراطور واحتفلو فيه احتفال عظيم وبينما الامبراطور ومرتو عم يتمشو وصلو للقلعة ولمحت (شاهدت) زوجة الامبراطور غليوم حمار أبيض عند باب القلعة وعجبها كتير لدرجة طلبت من والي الشام عاصم باشا أن يعطيها هالحمار اعزكم الله لتاخدو معها ذكرى جميل لبرلين..
راح والي الشام بنفسو يدور بالسوق عن صاحب الحمار الأبيض اللي عجب زوجة الامبراطور ولقاه رجال بسيط اسمو ابو الخير تللو
سلّم عليه وحكالو الحمار اللي عندك يا أبو الخير عجب زوجة الامبراطور وانا طالب منك تهديها اياه..💂🏻♂️
رفض أبو الخير طلب الوالي وقال: آسف يا افندينا ما بقدر اعطي هالحمار لزوجة الامبراطور 👲🏻
غضب الوالي عاصم باشا من ابو الخير وقلو أنا بشتريه منك بالسعر اللي بدك إياه 😡
قال أبو الخير للوالي آسف يا سيدي، عندي ست رؤوس من الخيول العربية الأصيلة اذا شئت قدمتها كلها لزوجة الأمبراطور غليوم لكن الحمار اعذرني ما راح بيعو ولا راح اهديها إياه
استغرب والي الشام من أبو الخير وسألو شو السبب طيب وهي الخيول الواحد منها بيشتري مئة حمار وعادي عندك تهديهم أما الحمار لا 🤔
رد أبو الخير ع الوالي وقال : جناب الوالي (حضرة الوالي) إذا الامبراطورة اخذت الحمار لبلادهم رح تكتب كل الصحف عنو ويسألو من وين هالحمار ويجاوبوهم من الشام ويصيرو يقولو الحمار الشامي ويصبح الحمار الشامي حديث كل الناس ورح يضحكوا علينا ويسخروا منا ويقولو معقولة زوجة الامبراطور ماعجبها بكل الشام إلا هالحمار لتاخدو معها لبرلين 😂😂
وأنا من حرصي وخوفي ع سمعة أهل الشام ما بدي حدا يحكي علينا ويقولو ما عندنا شي يعجب الأمبراطورة الا الحمير
طبعا عاصم باشا عجبو حكي أبو الخير وقدم إليه الشكر على نباهتو وحرصو ع سمعة أهل الشام
واعتذر عاصم باشا من الأمبراطور والإمبراطورة وحكالهم القصة والسبب لرفض ابو الخير يعطيهم الحمار وضحكوا كتير من نباهة أبو الخير وأصر امبراطور المانيا أنو يمنح أبو الخير هدية رمزية كنوع من التكريم لأنو بحب بلدو دمشق 😊
وأبو الخير قدّم للأمبراطورة خيل عربي أصيل هدية بدال الحمار اللي كان عاجبها 🐎
واصبح أبو الخير تللو مضرب مثل في دمشق والناس كلها بتعرفو وأصبحت سيرتو تنحكى للأولاد والاحفاد...
يا ريت في حدا هلأ بخاف ع دمشق متل أبو الخير لكانت الشام بألف خير 🌸
@user-442529 كما وعدتك أتمنى تعجبك 🌺
العضوة: 699438 , 6 years ago
تبوسهم العافيه حبي بخير الحمدللهالعضوة: 699438 , 6 years ago
تبوسهم العافيه حبي بخير الحمدللهالعضوة: 699438 , 6 years ago
@user-657905 لا م غيرت حسابها بس الها اكتر من اسبوع مو موجودة ان شاالله خيرالعضوة: 657905 , 6 years ago
@user-699438 دووم ان شاء الله 🌹 الله يجعل غيابها خيرالعضوة: 686544 , 6 years ago
ان شاء اللة ترجعون لبلدكم سالمين ويتم السلام في سوريا َمن جديد تحياتي لك من العراق الئ سوريا الشقيقة والعزيزة علئ قلبيالعضوة: 643596 , 6 years ago
@user-657905 الله يخليلك ياهن ويخليلك زوجك نشالله بناتك واعيين وما عم تتعذبي معهن ومع القطة الصغيرةالعضوة: 657905 , 6 years ago
@user-686544 آمين حبيبة قلبي تسلمي يا رب 😘😘 ان شاء الله يسود الأمن والامان كل الوطن العربي منورة الموضوع ونحنا بنحب اهل العراق 😍♥️العضوة: 657905 , 6 years ago
@user-643596 اي الحمدلله واعيات اعمارهن ٧ و ٣ سنين تسلميلي يا رب ويخليلك عيلتك الحلوة 🌸العضوة: 643596 , 6 years ago
@user-657905 الله يحميلك ياهن حبيبتي❤❤العضوة: 657905 , 6 years ago
تسلميلي ويحميلك ابنك وتولدي بالسلامه 😘♥️العضوة: 643596 , 6 years ago
@user-657905 الله يسمع منك خايفة كتير من الولادة بتصدقي اول مرة ما خفت هيك لانو قد ما الوحدة سمعت وعرفت شو رح يصير معها غير وقت بتجربو عالواقع وتعذبت كتير بأول ولادة يارب ما تكون التانية هيكالعضوة: 657905 , 6 years ago
لا تخافي ولا تهكلي هم ادعي ربنا وهو رح ييسر امورك ودايما بسمع الولادة الثانيه اسهل واهون انا بولد عمليات قيصرية والحمدلله بغربه ما عندي الا زوجي وربي بيسر اموري لا يكلف الله نفسا الا وسعها ووجع كم ساعه فدا شوفة البيبي 😍😘 الله يهونها عليكي ويجعل ولادتك سهلة ميسرة اي شهر هلأ انتي @user-643596العضوة: 643596 , 6 years ago
@user-657905 والله عم ادعي 😔😔 نشالله تكون ميسرة هالمرة انا بالاسبوع ٣٣ بالشهر التامن يعنيالعضوة: 643596 , 6 years ago
@user-657905 الله يكون معك يارب معك حق الغربة صعبة الله يخليكن لبعض ويحنن قلوبكن ع بعض حبيبتي 😘😘العضوة: 657905 , 6 years ago
@user-643596 الله يتمملك ع خير حبيبة قلبي ويخليلك عيلتك الحلوة 🌹