6 years ago
  • ما قبل الحمل
القصة حقيقية وصارت بدمشق بعهد الدولة العثمانية عام ١٨٩٨ وكان والي الشام هديك الايام مصطفى عاصم باشا بهي السنة زار دمشق الامبراطور الالماني غليوم التاني وزوجته،🤴🏼👸🏼 وطلعت كل اهالي الشام ومعهم الوالي ليستقبلوا الامبراطور واحتفلو فيه احتفال عظيم وبينما الامبراطور ومرتو عم يتمشو وصلو للقلعة ولمحت (شاهدت) زوجة الامبراطور غليوم حمار أبيض عند باب القلعة وعجبها كتير لدرجة طلبت من والي الشام عاصم باشا أن يعطيها هالحمار اعزكم الله لتاخدو معها ذكرى جميل لبرلين.. راح والي الشام بنفسو يدور بالسوق عن صاحب الحمار الأبيض اللي عجب زوجة الامبراطور ولقاه رجال بسيط اسمو ابو الخير تللو سلّم عليه وحكالو الحمار اللي عندك يا أبو الخير عجب زوجة الامبراطور وانا طالب منك تهديها اياه..💂🏻‍♂️ رفض أبو الخير طلب الوالي وقال: آسف يا افندينا ما بقدر اعطي هالحمار لزوجة الامبراطور 👲🏻 غضب الوالي عاصم باشا من ابو الخير وقلو أنا بشتريه منك بالسعر اللي بدك إياه 😡 قال أبو الخير للوالي آسف يا سيدي، عندي ست رؤوس من الخيول العربية الأصيلة اذا شئت قدمتها كلها لزوجة الأمبراطور غليوم لكن الحمار اعذرني ما راح بيعو ولا راح اهديها إياه استغرب والي الشام من أبو الخير وسألو شو السبب طيب وهي الخيول الواحد منها بيشتري مئة حمار وعادي عندك تهديهم أما الحمار لا 🤔 رد أبو الخير ع الوالي وقال : جناب الوالي (حضرة الوالي) إذا الامبراطورة اخذت الحمار لبلادهم رح تكتب كل الصحف عنو ويسألو من وين هالحمار ويجاوبوهم من الشام ويصيرو يقولو الحمار الشامي ويصبح الحمار الشامي حديث كل الناس ورح يضحكوا علينا ويسخروا منا ويقولو معقولة زوجة الامبراطور ماعجبها بكل الشام إلا هالحمار لتاخدو معها لبرلين 😂😂 وأنا من حرصي وخوفي ع سمعة أهل الشام ما بدي حدا يحكي علينا ويقولو ما عندنا شي يعجب الأمبراطورة الا الحمير طبعا عاصم باشا عجبو حكي أبو الخير وقدم إليه الشكر على نباهتو وحرصو ع سمعة أهل الشام واعتذر عاصم باشا من الأمبراطور والإمبراطورة وحكالهم القصة والسبب لرفض ابو الخير يعطيهم الحمار وضحكوا كتير من نباهة أبو الخير وأصر امبراطور المانيا أنو يمنح أبو الخير هدية رمزية كنوع من التكريم لأنو بحب بلدو دمشق 😊 وأبو الخير قدّم للأمبراطورة خيل عربي أصيل هدية بدال الحمار اللي كان عاجبها 🐎 واصبح أبو الخير تللو مضرب مثل في دمشق والناس كلها بتعرفو وأصبحت سيرتو تنحكى للأولاد والاحفاد... يا ريت في حدا هلأ بخاف ع دمشق متل أبو الخير لكانت الشام بألف خير 🌸 @user-442529 كما وعدتك أتمنى تعجبك 🌺

55 تعليقات

العضوة: 657905 , 6 years ago

@user-728661 آمين ي رب منوره 🌹

العضوة: 657905 , 6 years ago

@user-698128 تواجدك احلا ي قلبي منوره 😘

العضوة: 442529 , 6 years ago

@user-657905 يااااااي.. جميييلة جميييلة جمييييلة جدا جدا يا أم أميراتك.. أحببتها😍 واختيارك رائع👏👏 وشكرا جزيلا والله فرحت لما وجدت الموضوع رغم أن الإشعار لم يصلني😅.. سبحاان الله بعض الناس لديهم مواقف راقية جدا وأكثرهم من الناس البسطاء. اللهم أصلح أحوال المسلمين في كل مكان🙌وردهم إليك ردا جميلا🙌اللهم رد أهل الشام إلى الشام ولا تحوجهم لأحد من غيرهم ياااا رب🙌

العضوة: 657905 , 6 years ago

@user-442529 من جمال عيونك حبيبة قلبي 😍😘 منورة الموضوع 💜 اللهم آمين الله يفرجها على جميع بلاد المسلمين 🌷

العضوة: 657905 , 6 years ago

@user-442529 كتبتها شوي بالفصحى توقعت ما تعرفي بعض المصطلحات الشامية 😂

العضوة: 728661 , 6 years ago

تسلمي نورك 💐

العضوة: 699438 , 6 years ago

حلووو ربي يردكم من الغربةبخير و يحفظ بلدكم و كل بلاد المسلمين

العضوة: 442529 , 6 years ago

@user-657905 اهههه.. إيه أحسن لأني لا أتابع المسلسلات الشامية😂😂لن أفهم😶

العضوة: 510258 , 6 years ago

@user-657905 قصه حلوه كتير الله يجازي من كان سبب تخريب بلاد المسلمين وقتل أهلها 😔

العضوة: 657905 , 6 years ago

@user-699438 تواجدك الاحلا منورة 🌷 اللهم آمين

العضوة: 657905 , 6 years ago

@user-442529 مع الوقت بتتعلمي كم كلمة مني ومن الصبايا الشاميات 😂

العضوة: 699438 , 6 years ago

@user-657905 تسلمي كيفك و كيف البنوتات و ليونة

العضوة: 657905 , 6 years ago

@user-510258 وجودك الاحلا حبيبتي، 🌷 اللهم آمين الله يفرجها على جميع بلاد المسلمين

العضوة: 657905 , 6 years ago

الحمدلله بخير البنوتات ببوسو خدك انتي كيفك وكيفو توفي 😘

العضوة: 657905 , 6 years ago

@user-699438 بدي اسألك اكرام وين مو مبينة فاقديتها مغيرة حسابها ولا غياب؟ كنا نتراسل خاص ومن فترة مو موجودة