6 years ago
  • ما قبل الحمل
الدخان موطنه الاصلي السودان .. وهو عبارة عن حفرة محفورة وعليها فرشة تسمى برش وشملة للغطاء وحطب طلح او شاف او... انواع من الاحطاب للدخان وعلبة مسوح تكون من الزيوت الثقيلة .. طريقة استخدامه تفرشي البرش وتختي في داخل الحفرة حطبتين من الطلح او اي نوع اخر وفوق منها جمر وفوق من الجمر حطب وتهبي لحد ما يدخن الحطب بعد ذلك تقعدي في البرش وتتجردي من كل الملابس وتمسحي جسمك بالزيوت الثقيلة وتتغطي بغطاء تقيل يمنع خروج الدخان تقعدي المدة الانتي عايزاها اقلاها نصف ساعة واكثرها ساعتين وكل ما تطولي في الدخان يكون احسن .. فوائده ينظف الرحم ويجفف المهبل يضيق فتحة المهبل تصيري بنت بنوت ويجلب لذة الجماع الفائقة لكي ولزوجك ويعطيكي لون بشرة جميل ولمعان ونضارة وريحة جميلة كل ما تعرقي ريحتك تكون جميلة اكتر ويطلع سميات الجسم .. فوائده للحامل يسهل الولادة اي حامل دخلت في الشهور الكبيرة تكثر من الدخان حتى في الشهور الصغيرة تتدخن لكن تكثر في الدخان في الشهور الكبيرة وبعد الولادة بأيام بعد تحسين تقدري تقعدي تتدخني حتى تتعافي بسرعة وبالنسبة لتسنين الاطفال مفيد جدا يمعنع الاسهال والاستفراغ واكولة اللسلة ، لمن تجي تدخني في بداية الدخان قبل ما يكثر تختيه على حجرك معاكي في الحفرة وكمان تجرديه من ملابسه يقعد شوية وترفعيه وبعد تنتهي من الدخان تدعكي لسته بعرقك عشان يروح الاكولة وكمان للرضع ضروري تتدخني عشان ما يجيهو طمام من ريحة اللبن وكذلك تكثري من الدخان زمن التسنين يعني المرأة المتزوجة لا تفارق الدخان في كل الاحوال .. فوائده بعد الاجهاض يزيل كل الاوساخ من الرحم بسرعة ويروح الم البطن والظهر .. بالجد الموضوع مفيد كتير اقروهو من البداية للنهاية في واحدة نفسها تجربو بعد هذا المقال؟

135 تعليقات

العضوة: 723224 , 6 years ago

حصل في واحد جربتو او بدها تجربو؟

العضوة: 553591 , 6 years ago

انا سودانيه مثلك

العضوة: 723224 , 6 years ago

هلا وغلا ساكنة في السودان ولا خارج السودان

العضوة: 553591 , 6 years ago

خارج السودان😿😿

العضوة: 723224 , 6 years ago

صعب الله الله يعينك .. في اي دولة .. بتدخني هناك عادي صاح؟

العضوة: 668874 , 6 years ago

وانا كمان من السودان ومقيمه في السعوديه بس قربتا ارجع وانزل دخان صح لاني حامل هنا الدخان صعب ما قعدتا كتير

العضوة: 723224 , 6 years ago

ترجعي وتتحلي بالسلامة .. بالذات في الخريف دا الدخان رهييييب

العضوة: 553591 , 6 years ago

ترجعي كيف ي ترا حيفتحو المطار انا داخله ع الشهر التاسع ونفسي اسافر براي هنا وبكريه والحمد لله

العضوة: 723224 , 6 years ago

انتي كمان في السعودية؟ .. ربنا يحلك بالسلامة

العضوة: 602977 , 6 years ago

أنا سعوديه وجربت الدخان كثير مع صحباتي السودانيات ❤️

العضوة: 686530 , 6 years ago

هههههه دخان العافية الدخان جميل بحبو شديد

العضوة: 723224 , 6 years ago

لقيتيهو كيف .. وزوجك لقى الدخان كيف

العضوة: 602977 , 6 years ago

انا احبه لأنه يصفي البشره بس زوجي عادي مايعلق

العضوة: 602977 , 6 years ago

تعلمت من صحباتي السودانيات صارو يضحكو مني يقولو بقيتي اشطر منا وتعمليه اكثر منا واعمل جميع انواع الحطب الطلح والشاف واحيان احط معاه الماكنتوش بيعطي لون جميل