الدخان موطنه الاصلي السودان .. وهو عبارة عن حفرة محفورة وعليها فرشة تسمى برش وشملة للغطاء وحطب طلح او شاف او... انواع من الاحطاب للدخان وعلبة مسوح تكون من الزيوت الثقيلة .. طريقة استخدامه تفرشي البرش وتختي في داخل الحفرة حطبتين من الطلح او اي نوع اخر وفوق منها جمر وفوق من الجمر حطب وتهبي لحد ما يدخن الحطب بعد ذلك تقعدي في البرش وتتجردي من كل الملابس وتمسحي جسمك بالزيوت الثقيلة وتتغطي بغطاء تقيل يمنع خروج الدخان تقعدي المدة الانتي عايزاها اقلاها نصف ساعة واكثرها ساعتين وكل ما تطولي في الدخان يكون احسن .. فوائده ينظف الرحم ويجفف المهبل يضيق فتحة المهبل تصيري بنت بنوت ويجلب لذة الجماع الفائقة لكي ولزوجك ويعطيكي لون بشرة جميل ولمعان ونضارة وريحة جميلة كل ما تعرقي ريحتك تكون جميلة اكتر ويطلع سميات الجسم .. فوائده للحامل يسهل الولادة اي حامل دخلت في الشهور الكبيرة تكثر من الدخان حتى في الشهور الصغيرة تتدخن لكن تكثر في الدخان في الشهور الكبيرة وبعد الولادة بأيام بعد تحسين تقدري تقعدي تتدخني حتى تتعافي بسرعة وبالنسبة لتسنين الاطفال مفيد جدا يمعنع الاسهال والاستفراغ واكولة اللسلة ، لمن تجي تدخني في بداية الدخان قبل ما يكثر تختيه على حجرك معاكي في الحفرة وكمان تجرديه من ملابسه يقعد شوية وترفعيه وبعد تنتهي من الدخان تدعكي لسته بعرقك عشان يروح الاكولة وكمان للرضع ضروري تتدخني عشان ما يجيهو طمام من ريحة اللبن وكذلك تكثري من الدخان زمن التسنين يعني المرأة المتزوجة لا تفارق الدخان في كل الاحوال .. فوائده بعد الاجهاض يزيل كل الاوساخ من الرحم بسرعة ويروح الم البطن والظهر .. بالجد الموضوع مفيد كتير اقروهو من البداية للنهاية في واحدة نفسها تجربو بعد هذا المقال؟
العضوة: 723224 , 6 years ago
نحنا دخانة العكس مفيد في كل الاحوال حتى يعالج وجع الكرعين للناس الكبارالعضوة: 610291 , 6 years ago
مرحبا حبيبة فين في المغربالعضوة: 723224 , 6 years ago
ما شاء الله .. انا يا داب الاسبوع العاشرالعضوة: 550643 , 6 years ago
نواحي آسفيالعضوة: 610291 , 6 years ago
اي سبق سويتو في السودان لكن هنا ما عرفت ليهالعضوة: 723224 , 6 years ago
انا سودانية مقيمة في السودان .. حصل زرتي السودان؟العضوة: 610291 , 6 years ago
اي ان شا الله يرزقك الذرية الصالحةالعضوة: 610291 , 6 years ago
اي زرتو و بمشي ثاني هههالعضوة: 610291 , 6 years ago
اه مشرفين اختيالعضوة: 550643 , 6 years ago
واحنا اعالج مثل البرودة وآلام الظهربس الحمل صعب شوي لانو ساخن وفيه بخار ساخن وبالنسبة للنفاس كتير حلو اخلي البشرة تتخلص من الكلف من ثاني استحمامالعضوة: 610291 , 6 years ago
اه زوين بزااف كنديرو فالدار ولكن ماشي بحال حمام ديال الزنقةالعضوة: 723224 , 6 years ago
ما شاء اللهالعضوة: 723224 , 6 years ago
مرحب بيكيالعضوة: 610291 , 6 years ago
تسلمي يديك العافيةالعضوة: 610291 , 6 years ago
وريتهم الحمام مغربي و السودانيات وروني الدخان