الحمدلله على تباشير الفرح والحمدلله على عُسرٍ أعقبه يُسر ..
الحمدلله رُزقت يوم الاربعاء بفضل الله بـ مولود بعد معاناة دامت ٣٦ ساعة 😩💙
الحمدلله حملي كان مافيه مشاكل من بدايته ما عدا الغثيان والاستفراغ استمر لين نهاية الحمل او فعلياً لين قبل الولادة بكم ساعه 😂
على اخر شهرين طلع عندي سكر حمل وكنت ماشيه على دايت وحاولت اضبطه والحمدلله
قالت دكتورتي راح نولدك ع الاسبوع ٣٩ ماراح ننتظر اكثر لين الاسبوع ٤٠
وبالفعل حجزوا لي يوم للتنويم
من الشهر السابع وانا امشي واتحرك واداوم واطلع وانزل درج واسوي رياضه بغرض اني اولد بداية التاسع وما اطول😂 لكن الولادة لها ساعه لايمكن تقدمينها
زاد الاجتهاد بالتاسع على امل يجي طلق طبيعي لكن مافيه شي ابداً ولا اي بوادر
جا يوم التنويم دخلت وتوكلت ع الله
ما بدأو لي بطلق ع طول
قالوا بنعطيك ملين لعنق الرحم يلينه ويفتحه اكثر
كان مفتوح ٢ سانتي بس
وحطوا لي الملين كان عباره عن شي زي الخيط يحطونه خلف عنق الرحم ولازم مااتحرك من السرير لمدة ساعتين عشان الخيط ما يطيح
قالت بعد ١٢ ساعه راح نشيك ع رحمك ونشوف ايش صار
بعد ١٢ ساعه شالوا الخيط وشيكو ع الرحم
وكانت الصدمه مافي اي تغييير ابداً قمة التحطيم
قلت الحمدلله مو مشكله نصبر ان الله مع الصابرين
قالوا خلاص نبدأ بشي ثاني
نحط طلق صناعي بس بجرعات قليله نشوف جسمك كيف يستجيب وعشان الجنين مايتعب
وحطوه وبدأ مفعوله وبديت انجن منه 😂 قلت ابرة الظهر لو سمحتوا انا استسلم
وبدأ النعيم هههه واشتغل السحر صرت اطلق وكل ما حسيت بالطلقه او مغص اقول لهم زودوا لي الجرعه
الين ما جا الشغل الحقيقي ( الدفع ) 😩😭
قلت لهم احس بضغط من تحت
قالوا يلا نشيك
شيكت وقالت ٩ سانتي خلاص ولاده
بس اذا حسيتي بضغط مرااا قوي وبدون طلق يعني خلاص ١٠ وانتي جاهزه
وجهزوا السرير 😂💔💔
وبدأ الدفع
جلست ساعين وشوي متواصله ادفع
انهلكت وتعبت الله لايضيع لي اجر يارب
وطلع حبيبي الحمدلله بالسلامه بعد دفعه حسيت فيها روحي بتطلع وصراخ زي صراخ الافلام 😂😂😩😩
وبمجرد ماشفته وسمعت صوته نسيت الدنيا
صابني نزيف بعد الولاده مباشره والدكتوره تضغظ ع بطني ومدري ايش سوت عشان توقف النزيف وانا ماني يمهاا ابدا😂😂 وتخيط واحس بألم وانا عيوني كلها دموع من الفرحه ولا ادري عن شي
خيطوني ووقفوا النزيف وطلعوا المشيمه وانا في عالم الامومة😩❤❤
ربي لايحرم احد الذريه ويبلغ يارب كل حامل❤❤
ولدي بالحضانه بسبب انخفاض السكر عنده لأني عندي اثناء الحمل سكر ادعو له يطلعونه لي بكره بالسلامه 😩
العضوة: 39779 , 9 years ago
الحممممدلله ع سلامتك انتي والبيبي وعقبالي اخلص من هم الولاده😩❤️العضوة: 21414 , 9 years ago
الحمدلله ع سلامتك وقرت عينك بشوفه البيبيالعضوة: 32402 , 9 years ago
الحمدلله على سلامتك الف مبروك يارب عقبالناالعضوة: 11591 , 9 years ago
@user-39779 الله يسلمك يارب عقبالك يارب💘العضوة: 11591 , 9 years ago
@user-21414 الله يسلمك حبيبي عقبالك😍❤العضوة: 11591 , 9 years ago
@user-32402 الله يسلمك ربي يسهل عليك😍❤العضوة: 16911 , 9 years ago
الحمد لله على سلامتك ومبروك ماجاك ان شاء الله يخرج معاك النونو وعقبالنا يارب انا ليا اسبوعين ف الثامن ومتعبني الحرقان والحراره الله يعين بسالعضوة: 4691 , 9 years ago
الحمدلله ع سلامتك ي قلبي يلا اهم شي تطمنا عليك وان شاء الله البيبي يطلع ومافيه الا العافيه 💋💋❤️العضوة: 34897 , 9 years ago
الحمممممد الله ع سلامتج ياقلبي مدري مافكر اخذ ابرة الظهر ههههه يله ربي يسر الامور ويطلع البيبي بصحه وسلامه دعواتج لي عادالعضوة: 18334 , 9 years ago
الحمد لله على سلامتكالعضوة: 26103 , 9 years ago
ماشاءالله الحمدالله على السلامةالعضوة: 30425 , 9 years ago
الحمدلله ع سلامتك وقرت عينك بشوفه البيبي بس ليش طولتي ب الدفع ماتعرفي الطريقه ؟ ولا كان بعيد كيف تقيمين ابرة الظهر ؟؛العضوة: 13410 , 9 years ago
الحمدلله على سلآمتك والله يكتبلك الأجر ان شاءالله يطلعونه بأسرع وقت وهو بصحة وعآفية يآرب ❤العضوة: 3582 , 9 years ago
الحمدلله عسلامتك و سلامة البيبي و الف مبروك بس ارجوكي راعي ظروف الحوامل يلي ما ولدت لسا 😂 حلو انك تحكي شو سار وقت ولادتك بس يعني ما في داعي تفهمينا كل شي بالزبط سار متل طلعت روحي من الصراخ و 36 ساعة طلق 😟 و انا مثلا بعرف انو الخياطة بحطو قبلها تخدير موضعي استغربت بتحكي انك كنتي تتوجعي ....انو راعي ظروفنا 😑😑😂😂😂 داخلين عولادة عن قريب 😢 عكل حال للمرة التانية الف الف مبروك و الحمدلله عسلامتك و سلامة البيبي ❤❤ و الله يقومنا بسلامة جميعا يا ربالعضوة: 35847 , 9 years ago
@user-11591 😂 ماشاءالله تبارك الله روعه اسلوبك الحمدلله على سلامتچ يالقلب وابشرك البيبي بيطلع معك لاتاكلين هم كل عيالي ينخفض معهم السكر بسبب سكر الحمل ويعطوني إياه بالليل مايخلونه ويالله دعواتچ لنا نولد انا زهقت بالاسبوع٣٨طلعت روحي مادري اشفيه متنحر ببطني كنه عارف أن بره بردد هههههه