الحمدلله على تباشير الفرح والحمدلله على عُسرٍ أعقبه يُسر ..
الحمدلله رُزقت يوم الاربعاء بفضل الله بـ مولود بعد معاناة دامت ٣٦ ساعة 😩💙
الحمدلله حملي كان مافيه مشاكل من بدايته ما عدا الغثيان والاستفراغ استمر لين نهاية الحمل او فعلياً لين قبل الولادة بكم ساعه 😂
على اخر شهرين طلع عندي سكر حمل وكنت ماشيه على دايت وحاولت اضبطه والحمدلله
قالت دكتورتي راح نولدك ع الاسبوع ٣٩ ماراح ننتظر اكثر لين الاسبوع ٤٠
وبالفعل حجزوا لي يوم للتنويم
من الشهر السابع وانا امشي واتحرك واداوم واطلع وانزل درج واسوي رياضه بغرض اني اولد بداية التاسع وما اطول😂 لكن الولادة لها ساعه لايمكن تقدمينها
زاد الاجتهاد بالتاسع على امل يجي طلق طبيعي لكن مافيه شي ابداً ولا اي بوادر
جا يوم التنويم دخلت وتوكلت ع الله
ما بدأو لي بطلق ع طول
قالوا بنعطيك ملين لعنق الرحم يلينه ويفتحه اكثر
كان مفتوح ٢ سانتي بس
وحطوا لي الملين كان عباره عن شي زي الخيط يحطونه خلف عنق الرحم ولازم مااتحرك من السرير لمدة ساعتين عشان الخيط ما يطيح
قالت بعد ١٢ ساعه راح نشيك ع رحمك ونشوف ايش صار
بعد ١٢ ساعه شالوا الخيط وشيكو ع الرحم
وكانت الصدمه مافي اي تغييير ابداً قمة التحطيم
قلت الحمدلله مو مشكله نصبر ان الله مع الصابرين
قالوا خلاص نبدأ بشي ثاني
نحط طلق صناعي بس بجرعات قليله نشوف جسمك كيف يستجيب وعشان الجنين مايتعب
وحطوه وبدأ مفعوله وبديت انجن منه 😂 قلت ابرة الظهر لو سمحتوا انا استسلم
وبدأ النعيم هههه واشتغل السحر صرت اطلق وكل ما حسيت بالطلقه او مغص اقول لهم زودوا لي الجرعه
الين ما جا الشغل الحقيقي ( الدفع ) 😩😭
قلت لهم احس بضغط من تحت
قالوا يلا نشيك
شيكت وقالت ٩ سانتي خلاص ولاده
بس اذا حسيتي بضغط مرااا قوي وبدون طلق يعني خلاص ١٠ وانتي جاهزه
وجهزوا السرير 😂💔💔
وبدأ الدفع
جلست ساعين وشوي متواصله ادفع
انهلكت وتعبت الله لايضيع لي اجر يارب
وطلع حبيبي الحمدلله بالسلامه بعد دفعه حسيت فيها روحي بتطلع وصراخ زي صراخ الافلام 😂😂😩😩
وبمجرد ماشفته وسمعت صوته نسيت الدنيا
صابني نزيف بعد الولاده مباشره والدكتوره تضغظ ع بطني ومدري ايش سوت عشان توقف النزيف وانا ماني يمهاا ابدا😂😂 وتخيط واحس بألم وانا عيوني كلها دموع من الفرحه ولا ادري عن شي
خيطوني ووقفوا النزيف وطلعوا المشيمه وانا في عالم الامومة😩❤❤
ربي لايحرم احد الذريه ويبلغ يارب كل حامل❤❤
ولدي بالحضانه بسبب انخفاض السكر عنده لأني عندي اثناء الحمل سكر ادعو له يطلعونه لي بكره بالسلامه 😩
العضوة: 3582 , 9 years ago
و انشالله يطلعو البيبي عن قريب و يكون بصحة و عافية 😍😍😍العضوة: 16634 , 9 years ago
ي عمررري عمرررك 😩 اللفف حمدلله ع سلامتك وسلامة البيبي والف مبروك ماجبتي عسى ربي يجعله من الصالحين 💜💜💜العضوة: 11591 , 9 years ago
@user-16911 الله يعينك ويقويك وتولدين بالسلامه ياررب 😩❤ الله يبارك فييك😍❤العضوة: 11591 , 9 years ago
@user-4691 الله يسلمك ياارب وعقبالك تحكينا ولادتك واي سؤال تحت امرك😍😍👍🏻👍🏻العضوة: 11591 , 9 years ago
@user-34897 ربي يسهل لك اليوم وتولدين ع اهم شي سوي اللي يريحك انا مااقدر ع الالم وخايفه ههههه ماما مو عنديالعضوة: 11591 , 9 years ago
@user-18334 الله يسلمك عقباالكً يارب نفرح بولادتك اليوم😩❤العضوة: 11591 , 9 years ago
@user-26103 الله يسلمك ❤😍العضوة: 11591 , 9 years ago
@user-16634الله يسلمك ويبارك فيييك وعقباالك💘😩😩العضوة: 11591 , 9 years ago
@user-3582 يارب الله يسمع منك😩❤العضوة: 11591 , 9 years ago
@user-35847 ههههه يسعدك ربي مشكلته يستفرغ ما يخلي الاكل ببطنه عشان ينتظم سكره له يوم وهذا الثاني وللحين 😩 عاد الامريكان شوي حرصهم بزياددة 🌚 يارب عقبالك تولدين وتقومين بالسلامه هانت كلها اسبوعين 😍❤👍🏻العضوة: 11591 , 9 years ago
@user-3582 استهدي بالله 😂 خوافة انتي انا بحكي تجربتي والله ما بخوف ههههه اول شي توكلي ع الله ثاني شي انا في امريكاا امريكا نظامهم يعطون جسم المرأة وقت يستعد للولادة مو ع طول طلق حامي عشان كذا طولت قبل الطلق عطوني ملين يفتح رحمي استمر لمدة ١٢ ساعه بعدها حطو لي الطلق بكمية قليله وطلبت الابره وحطوها لي قالوا لي وقت الدفع راح تحسين ترا كثير بنات بالسعوديه يحكون لي لما ياخذون ابرة الظهر مايحسون بشي ابد حتى الدفع وهي اولاً واخيراً تساهيل من الله ان شاء الله ولادتك ما تاخذ ساعه يارب ويكون الطلق برداً وسلاماً😍❤العضوة: 32530 , 9 years ago
@user-11591 حمدالله على سلامتك وسلامة البيبي .. اهم شيء انكم بخير .. وانا عندي السكر من قبل الحمل والله خايفه على اجنتي يصيبهم شيء وقت الولادة .. اللهم اني استودعتهم والله خير حافظ وهو ارحم الراحمين .. مبروووك ماجالك حبيبتي ويتربى في عزكمالعضوة: 19261 , 9 years ago
الحمدلله على سلامتك وسلامت البيبي ويتربي بعزكم انشالله يقوم بسلامه ويقر عينك بشوفت طفلكالعضوة: 23641 , 9 years ago
الف الحمدالله على السلامه ويتربى بعزكم ويطلع بلسلامه انشاللهالعضوة: 21589 , 9 years ago
@user-11591الف الف مبرووك 💋💋💋يتربى بعزك وعقبالي بارب 🙏🏻