السلام عليكم
اشوف كم وحده تشتكي من المواليد الجدد
اول حاجه اغصبي البيبي على المصاصه اول شي بيرفضها بعدين بيتعود عليها وبعدين بس يخلص كم شهر نشيلها عنه قبل التسنين وقبل يفطن عليها ويدورها
ثاني شي حليب سميلاك العنابي مره ممتاز للغازات ولازم معاه رضاعه ايفينت تلاقينها في سنتر ومذر كير
مره ممتاازه تخلي البيبي يرضع واهو مرتاح ويطرد الغازات
ثالث شي اللي ترضع طبيعي لازم ماتاكل شي بهارات حاره عشان البيبي مايتعب من الغازات
رابع شي عطي البيبي ينسون مغلي محلا في سكر نبات ممتاز للغازات
خامس شي ادهني بطن البيي بزيت زيتون واقلبيه بحضنج وادهني ظهره وخليه يطلع الغازات ع راحته
سادس شي البيبي ممنوع منعاا باااتااا تنومينه بحضنج رضعيه ثم حطيه في سريره وطبطبي عليه عيا يسكتت عطيه مصاصته عيااا يسكت عطيه رضاعة ينسون وارفعي راسه شوي
عيا يسكت هزي سريره
عيا يسكت اعملي له مساج بزيت زيتون دافي
باذن الله راح ينام
سابعاا دائماا بعد الرضاعه خليه يتشداا ضروري ضروري
ثامنااا سحرر المهاد او المقاط صحيح شكله يروع وكيف نربط البيبي لكن والله انه زي السحر يريح البيبي في النوم وبخليه ململم زي بطن امه غير انه دافي وغير انه يخلي عظامه تقوى بسرعه لانه كل ماكبر البيبي تصير لعبته المفضله يحوس حتى يطلع يده ههههه
تاسعاا:لا تعودون البيبي ينام في هدوء وغرفه مافيها صوت حطيه ينام وسط الناس وازعاجهم او بغرفه وشغلي قران لان لو تعود ع الهدوء على اقل صوت بيصحى
وبس يعني دعواتكم هذي تجربتي بعيالي والحين خلاص وقت النوم احطهم بسريرهم مع رضاعتهم يرضعونها وينامون وانتهينا بدون صياح بدون قلق
واذكرو الله عليهم وادعو لي بالولاده الميسره
العضوة: 34897 , 9 years ago
🤔 ماعجبكم الموضوعالعضوة: 22882 , 9 years ago
يعطيك العافيه اكيد البكريات يستفيدون منه الله يسهل عليك ياربالعضوة: 14063 , 9 years ago
مشكوره ع الموضوع😊العضوة: 18164 , 9 years ago
نصايح جميله ماقصرتي وبالفعل الطفل ماينفع يتعود على الشيل والله بعد الاربعين يطفشك لمن تكوني لحالك ومشغوله بتنظيف البيت الله يعيين الجميع ❤العضوة: 25268 , 9 years ago
جزاك الله خير والله يهون عليك ويخلي لك عيالك ويبرون فيكالعضوة: 6578 , 9 years ago
الله اجازيك كل خيير معلومات قيمةالعضوة: 36154 , 9 years ago
نصايحك مضبوطه كثير رتح يستفيدو البكر منهاالعضوة: 29303 , 9 years ago
تم الوضع في المفضلة 😍👍🏻العضوة: 34897 , 9 years ago
@user-18164 ايه مررررره الشيل لا لازم نقاوم رغبتنا في شيله عشان نرتاح بعدين وبعد الشيل الكثير يعوره عافيته ويجلس يصيحالعضوة: 34897 , 9 years ago
@user-22882 منوره اختيالعضوة: 34897 , 9 years ago
@user-22882 نورتي اختيالعضوة: 34897 , 9 years ago
@user-25268 اللهم امين ويخلي ماعندجالعضوة: 34897 , 9 years ago
@user-6578 تسلمين ياقلبيالعضوة: 34897 , 9 years ago
@user-36154 تسلمين ياعسسسسسلالعضوة: 34897 , 9 years ago
@user-29303 حبيبتي يارب تستفيدين من تجربتي