السلام عليكم
اشوف كم وحده تشتكي من المواليد الجدد
اول حاجه اغصبي البيبي على المصاصه اول شي بيرفضها بعدين بيتعود عليها وبعدين بس يخلص كم شهر نشيلها عنه قبل التسنين وقبل يفطن عليها ويدورها
ثاني شي حليب سميلاك العنابي مره ممتاز للغازات ولازم معاه رضاعه ايفينت تلاقينها في سنتر ومذر كير
مره ممتاازه تخلي البيبي يرضع واهو مرتاح ويطرد الغازات
ثالث شي اللي ترضع طبيعي لازم ماتاكل شي بهارات حاره عشان البيبي مايتعب من الغازات
رابع شي عطي البيبي ينسون مغلي محلا في سكر نبات ممتاز للغازات
خامس شي ادهني بطن البيي بزيت زيتون واقلبيه بحضنج وادهني ظهره وخليه يطلع الغازات ع راحته
سادس شي البيبي ممنوع منعاا باااتااا تنومينه بحضنج رضعيه ثم حطيه في سريره وطبطبي عليه عيا يسكتت عطيه مصاصته عيااا يسكت عطيه رضاعة ينسون وارفعي راسه شوي
عيا يسكت هزي سريره
عيا يسكت اعملي له مساج بزيت زيتون دافي
باذن الله راح ينام
سابعاا دائماا بعد الرضاعه خليه يتشداا ضروري ضروري
ثامنااا سحرر المهاد او المقاط صحيح شكله يروع وكيف نربط البيبي لكن والله انه زي السحر يريح البيبي في النوم وبخليه ململم زي بطن امه غير انه دافي وغير انه يخلي عظامه تقوى بسرعه لانه كل ماكبر البيبي تصير لعبته المفضله يحوس حتى يطلع يده ههههه
تاسعاا:لا تعودون البيبي ينام في هدوء وغرفه مافيها صوت حطيه ينام وسط الناس وازعاجهم او بغرفه وشغلي قران لان لو تعود ع الهدوء على اقل صوت بيصحى
وبس يعني دعواتكم هذي تجربتي بعيالي والحين خلاص وقت النوم احطهم بسريرهم مع رضاعتهم يرضعونها وينامون وانتهينا بدون صياح بدون قلق
واذكرو الله عليهم وادعو لي بالولاده الميسره
العضوة: 20618 , 9 years ago
وعليكم السـلام .. مشكووورة على المعلومات ❤❤استفدنا بس عندي سؤال بالنسبه للينسون يعني الدكاترة دايما يقولون اول ست شهور ممنوع يدخل بطن البيبي غير الحليب فكيف اعطيه ينسون؟؟؟!العضوة: 24229 , 9 years ago
جزاك الله خير😍العضوة: 7451 , 9 years ago
قريت موضوعك والله نفذته ب الحرف الحمدلله هاذا هو تعبان ومرتاح ف المهادالعضوة: 34897 , 9 years ago
@user-20618 لا اختي عطيه ينسون مغلي ممتاززززز جداااااا جداا جدااا عن تجربه وحتى أمهاتنا كذا حلو للغازات وحلو للامساك وخذي الكلام من ام لثلاثه اطفال وحامل بالرابعالعضوة: 34897 , 9 years ago
@user-2135 يارب لك الحمد تسلمي ع المرور الحلووالعضوة: 34897 , 9 years ago
@user-24199 تسلمين ياعسسسسل ايه مهمه هذي النقطهالعضوة: 34897 , 9 years ago
@user-21401 ويسعدج ياحلوهالعضوة: 34897 , 9 years ago
@user-24229 اجمعين حبيبتيالعضوة: 34897 , 9 years ago
@user-7451 اختي تعبان ولا مرتاح مافهمت انشاء الله نايمالعضوة: 38801 , 9 years ago
يعطيك العافيه على المعلومات انا مو بكريه واستفدت كل حاجه نسيتها جالسه استرجع منكالعضوة: 7451 , 9 years ago
@user-34897 اقولك هو كان تعبان بس كل الطرق الي قريتهم من تجربتك نفذتها والحمدلله ارتاحالعضوة: 34897 , 9 years ago
@user-7451 يااااقلبي انتي الحمممممد الله الله يبشرج بالخير والله انبسسسسطت حيييلالعضوة: 34897 , 9 years ago
@user-38801 حبايبي يارب تستفيدون من الموضوع ونرتاحون انتو والبيبيات ياربالعضوة: 11911 , 9 years ago
@user-34897 جزاكي الله خيرا..والله يسهل ولادتنا جميعاالعضوة: 4691 , 9 years ago
يعطيك العافيه حبيبتي بالعكس احس اني استفدت ووحطيت موضوعك بالمفضله 👍🏻💕