العضوة: 28432 , 8 years ago

السلام عليكم . مبروك عليك المولود يتربى في عزك. الولادة قيصرية ام طبيعية

العضوة: 28432 , 8 years ago

انا ولادتي الاولى كانت قيصرية والممرضة هي لي قلعت الخيط. والولادة الثانية طبيعية لكن خيطوني شوية برك والخيوط طارو وحدهم كنت ندير مساج بالصابون في ديك البلاصة حتى نلقاهم طارو

العضوة: 53940 , 8 years ago

الخيوط لي طاحولك واش لونهم وجايين رطبين شغل بلاستيك ولا ناشفين شغل خيط خياطة خشين؟ أنا اول مرة خيطوني بالخيط العادي رحت نحاوهولي المرة الثانية خيطوني بلي يذوب طاح وحدو لي البرا ولي الداخل طول باش ذاب مالقري هوما قالولي ارواحي نحوهولك الطبيبة لي رحتلها من بعد قاتلي ماتروحيش يروح وحدو

العضوة: 90538 , 8 years ago

أنا طاحولي الخيوط تاع بره.. و كي درت 3 اسابيع من الولادة رحت للساش فام نحاتي تاع الداخل

العضوة: 48816 , 8 years ago

@user-53940 هوما جايين بلاستيك ولونهم موف وطاحو خمسة برك

العضوة: 53940 , 8 years ago

@user-48816 خلاص مالا هذاك الخيط لي يذوب أنا ثاني المرة لي فاتت طاحولي لي كانوا برا واللي الداخل يطولوا ويذوبوا غير بلعقل مايحتاجش تروحي تنحيهم تمسيهم كل مرة بشوي بشوي يذوبوا حتى يجي وقت خلاص يذوبوا كامل

العضوة: 48816 , 8 years ago

@user-53940 يعطيكالصحة اختي وبالصح كيفاش.نمسهم ياخي لداخل

العضوة: 53940 , 8 years ago

هي كل واحدة كيفاش تتخيط أنا حتى لي الداخل كنت نقدر نمسهم من البرا حاشاك بصح نورمال بلا ماتمسيهم راهم يذوبوا وخلاص أنا كنت دايما نمسهم نشوف اذا مازالوا ولا يروحوا 😂 مبعد شوية شوية ينقص حجمهم حتى يذوبوا كامل

العضوة: 48816 , 8 years ago

@user-53940 عيشك حابةنسقسيك الدورة لي بعد الربعين تقدر تجي قبل انا كنت طهرت قبل العشرين من بعد نهار شهر جاتني زي الدورة وقعدت سمانة بصح شوية قاوية وغدوة عندي ربعين يوم نقدر ن لي لحياتي الطبيعية ولا نستنى

العضوة: 53940 , 8 years ago

نورمال تقدر تجي مادام الدم خلاصلك بكري هي الربعين هاذيك راهي أقصى مدة تاع نفاس أنا بالنفاس الأول قعدت قريب الربعين باش خلاصلي الدم حاشاك بصح بالنفاس الثاني تقريبا اسبوعين وخلاصلي ورجعت لحياتي نورمال حتى من النهار التاسع وأنا ندير الميناج ونطيب وحاكمة داري

العضوة: 48816 , 8 years ago

@user-53940 لالا مايش هذاك قصدي انا الشغل من سمانة وانا وحدي ماعنديش لي يقعد معايا قصدي حياتي الزوجية ههههه هذيك لي راهي مخوفتني خايفة من السطر والخياطة

العضوة: 53940 , 8 years ago

ها فهمتك... شوفي هي هاذي تبقى على حسابك انت جلدك كيفاش وجسمك والجرح كيفاش كاين جرحهم في ساع مايتلم ويرجع لطبيعتو وكاين لي يطول باش يبرا واذا مازالتلك لخياطة لي الداخل تحسيها ماتلمتش ولا تحسي جرحك مازال ماشي 100% مليح غير ماكلاه باش ماتتفتحلكش ويعاودوهالك لا قدر الله واذا حاسة روحك وليتي مليحة وكلشي رجع مليح تقدري تمارسي كلشي نورمال... أنا راني نطول وأنا نساعف في جرحي حتى نحسو خلاص طول رجع ناشف ولحمي تحكم مليح

العضوة: 48816 , 8 years ago

@user-53940 ربي يحفظك ختي ويرزقك واش تتمناي

العضوة: 53940 , 8 years ago

آمين يارب بلا مزية اختي ربي يهنيك ويردلك عافيتك ويفرحك ببنوتك ان شاء الله ويكبرها في طاعة ربي ورضايتكم