9 years ago
  • المرحلة الثالثة (الأشهر 9,8,7)
الحامل - مش مستنية حد يعلًق علي وزنها.😡 - مزاجها متقلًب، غصب عنها.😐 - زهقت من جملة " الحقي ناميلك شوية " لانها اصلا مش عارفة تنام دلوقتي من الحموضة و التقل و الشلاليت..👶👦 - محدش يستهتر بتعبها...لو الحمل سهل مكانش ربنا عز و جل قال " وهناً علي وهن ".. و " حملته كرهاً ووضعته كرهاً ".... 👐❤ - عارفة ان مناخيرها منفوشة.. مش محتاجة كومنتك اللطيف!👃 - عارفة ان وشها و جسمها منفًخ..احتفظي بالمعلومة العسل دي لنفسك.💆👀 - الحامل خصوصاً لأول مرة بتفرح بكل لحظة بطنها بتكبر فيها و لو تنتوفة...سيبوها تعيش الفرحة دي من غير تريقة من اللي حواليها..🙍🙈 - هي عارفة ان مقاس رجلها نطً 3 نمر...شكراً علي الاضافة...👣 - بتزعل اوي لو حد لقاها بتاكل و علًق علي اكلها او كميته..🍝 - جملة " ايه ده تصدقي معرفتكيش و انتي حامل " دمها يلطش!! هي ماتحولتش لخرتيت عشان متعرفيهاش يا ظريفة!!! 😡👌 - بتبقي حساسة بزيادة..ده شغل هرمونات مش ذنبها. - فرحانة بالبيبي زي ما حضرتك كنتي مستنيك بنتك بلهفة فا متكسريش فرحتها بإن اللي جاي سواد و سهر و مرمطة!! 👶 - مستنية كلام ايجابي مش كلام يرعبها. - " انتي شوية و هتتدألجي....انتي ناقص تاكلينا...." كل ده قلة ذوق مش هزار...👍💓 - "وشك اصفر ليه كده" و ملامح وشك انك هترجعًي برضه قمة قلة الذوق...اتطمني عليها من غير ما ترعبيها. 💛 - الولادة بالنسبالها بعبع، ياريت تهديها و تطمنيها. مش كل كلامك معاها عن كوارث في الولادات و مصايب تشًيب..💔 - في المرحلة دي اختيار " اسم البيبي" اهم حاجه في حياتها يا تشاركيها بحب يا تسكتي....انتي كنتي كده برضه. الموضوع مش هبل زي ما بتقوليلها. دي غريزة أمومة...👊👊 - محدش ليه الحق يحاسب الحامل هتولد طبيعي واللا قيصري و يديها محاضرة تسم بدنها...ده قرار دكتور و قرارها..✋ - الحامل مش مستنية حد يقولها هتخسي كل ده ازاي بعد الولادة..كل حمل و ليه ظروفه..👍 - الحامل بتبقي وخمانة و تعبانة و كل ساعة بحال..قدًري ده و بطلي تحسسيها انها مقصرة طول الوقت معاكي، انتي في حملك محدش كان بيشوفك.. - ما تزًنوش في سؤال " ها ولد واللا بنت " خلوا الناس براحتها.👎 - ما تزعلوش لو عرفتوا ان واحدة حامل بعد 3 شهور...محدش عارف هي تعبت قد ايه او سقطًت كام مرة لحد ما حمل ليها ثبت..نلتمس الاعذار.. - لو أم و اب مقتنعين بإسم اختاروه ياريت ما تكريهمش في الاسم...ده ابنهم هما...باركي من سكات طالما محدش طلب رأيك. ✋ - بلاش للمرة المليون جملة " انتي لسه شوفتي حاجة "... الاطفال نعمة و رزق و مهما تعبنا معاهم فا هما زينة الحياة الدنيا..☝ - و اخيراً القاعدة الذهبية " عندك كلمة حلوة كترً خيرك...ما عندكيش اللسان مكانه جوه البق و متشكرين✋💓👅 منشن_للحامل😉💓

25 تعليقات

العضوة: 28053 , 9 years ago

انتي لسه شوفتي حاجه ههههههههه كل كلامك صح 🖒🖒🖒🖒

العضوة: 27613 , 9 years ago

بصراحه ناس تسم البدن

العضوة: 48490 , 9 years ago

يسلم بؤك ع الكلام دا .. ودي أرسله لكل الناس اللي تتدخل بخصوصيات الشخص

العضوة: 20146 , 9 years ago

ياليت لو حقدر الصق كلامك بجبهة كل وحده اعرفها وتستظرف علي 😂😂😂👌🏼 يسلم بؤك ياشيخه

العضوة: 3435 , 9 years ago

👏🏻👏🏻👏🏻 يسلم تمك .. عن جد بتكون الوحدة فرحانة ومبسوطة والناس تخلي فرحتها تطير

العضوة: 33527 , 9 years ago

لاوالادهى من هيك المتاخرات بالحمل اجتك الدوره ولافاتتك هاد الشهر ليش لهساماحملتي كلام يسم البدن حسبي الله ونعم الوكيل

العضوة: 41904 , 9 years ago

@user-33527 اخخخخخ ع هالمصيبه....الله وكيلك بيجي عبالي اضربها كف الي بقن يسالني هيك 😞😞😞 وخصوصا لما يحكن حللي او خلي زوجك يحلل او فلان تزوجت معك وصار عندها ولد او بنت 😕

العضوة: 50089 , 9 years ago

اي والله صحيح كلامك

العضوة: 50397 , 9 years ago

@user-41904 كلامك درر مشكوره ياعسل

العضوة: 41904 , 9 years ago

حبيباتي الله يسعدكم يارب

العضوة: 27817 , 9 years ago

اي والله ياريت كل الناس تفهم وتحس انا كلهم سمعتهم الحمد لله ع السراء والضراء

العضوة: 53872 , 9 years ago

والله انك تكلمتي بالشي الي مضايقني وامر فيه 🤐☹️💔 الي تقول انتي وجهك اصفر ليه انتي ماتاكلي انتي ليه متغيره وتتغلين علينا مانشوفك وانتي مع الحمل صايره نفسيه ووانتي اول وحده ولا اخر وحده تحمل عادي الحمل مو مرض طيب اخر دوره كم طيب بنت ولا ولد طيب انتي باي شهر طيب اذا ولدتي خبريني ماتولدين وانا ماعندي خبر وووووو كثييييير كلام مر علي شوي واعطيهم بلووك من حياتي بس مستحمله مع اني اذا حملو ابداا مابتدخل فيهم مبرووك والله يقومك بالسلامه وخلاص 😭😪🤐

العضوة: 31564 , 9 years ago

@user-41904 كل كلامك صحيح وأسوأ شي اني عايشة مع حماتي وكل يوم أصبح لما انزل اتكلي ما ولدتي كتلهة ولدت وضميتة بالغرفة😂😂

العضوة: 36749 , 9 years ago

يعطيكي الف عافية . كلام مثل العسل 😙😙😙😙😙😙😙

العضوة: 43222 , 9 years ago

كلام جميل تقريبا 80 في المية اتقاللي