الحمد لله قومت بالسلامة وربنا رزقنى باحلى براء 😍😍😚
عقبال كل الحوامل يارب
القصة ان الحمل اصلا كان متعب من اول السابع وبدات مياة البيبى تنزل وطلع عندى ميكروب هو الى فتح كيس المياة بس الحمد لله الكيس متفتحش من تحت كان زمان البيبى نزل من ساعتها
وعملت سونار وطلع نسبه المياة الى باقيه قليله تقريبا كانت النص
وطلع الدم الى واصل للبيبى هيدخل فى منطقه الخطر انه هيبدا يقل
وكمان كان فى طلق وولادة مبكرة
ومشيت ع مثبتات وادويه تزود المياة وكمان حقن السيولة
لحد ماوصلت نص التامن
وكنت متابعه بالسونار تقريبا كل اسبوع وعشت الفترة دى ع اعصابى
ومن اخر اسبوع فى التامن والرحم فاتح 2 سم وبدا يزيد لحد مانزلت عليا علامة الولادة
وبدا الطلق وولدت اول يوم فى التاسع الحمد لله
وكنت هدخل فى متاهات كتير وكانت هتقلب بقيصرى فى اخر لحظه بس الحمد لله فضل من ربنا كملت طبيعى وكمان الدكتورة بتاعتى تبقا عمتى كان ليها دور كبير فى الموضوع
ومش عاوزة اوصفلكم التعب عشان البكريات ميخافوش بس الحمد لله كله بيعدى
وعاوزة اقولكم يابنات ان الدعاء بيفرق كتير انا كنت بدعى ربنا كتير اوى يحفظلى ابنى وفى كل صلاة
وكنت بصلى ركعتين قضاء حاجه كل يوم ان ربنا يحفظة
بايعد ماولدت عمتى قالتلى الولد دة كمل بمعجزة لو كان نزل ساعتها مكانش هيعيش وكلة باذن الله
ومش عاوزة اقولكم كمية المياة الى نزلت وانا بولد كانت اد ايه احنا كنا مستغربين المياة دى كلها جات منين 😃
العضوة: 38358 , 9 years ago
ألف مبروووك الله يفرح قلبك يارب ويجعل ولدك من الصالحينالعضوة: 35703 , 9 years ago
@user-8063 الحمد لله على سلامتك حبيبتي ومبروك ما اجاكي يتربى بعزك نشاللهالعضوة: 26216 , 9 years ago
@user-8063 الف حمدالله عسلامتك وسلامة البيبي والف مبرووكالعضوة: 32530 , 9 years ago
الف حمد لله على سلامتك انتي والبيبي ومبرووك عليكي براء ويتربى في عزكم ياقلبيالعضوة: 20890 , 9 years ago
@user-8063 الف حمدالله عسلامتك وسلامة البيبي والف مبرووك ويتربي بعزك وعز ابووووهالعضوة: 40695 , 9 years ago
حمد لله ع سلامتك مبروك النونوالعضوة: 19964 , 9 years ago
الحمد لله على سلامتك والله يحفظلك النونوالعضوة: 35239 , 9 years ago
@user-8063 حمدلله علي سلامتك وربنا يحفظة هو واختهالعضوة: 25077 , 9 years ago
الحمدلله على سلامتكم ❤️❤️❤️ يا الله تعبتي كثير الله يجعله في ميزان حسناتك ..العضوة: 8063 , 9 years ago
الله يسلمكم يابنات😍 تسلموا وعقبالكم يارب لما تقوموا بالسلامة كلكم