السلام عليكم لبنات و صحة فطوركم ليوم راني جبت لكم وصفة للحمل في عائلتي بنت خالتي جربتها و حملت عليها حبيت نفيدكم و افيدو بيها اي وحدة لوجه الله الوصفة كالتالي : بعد ما تجيك العادة و تدوشي و تكوني طاهرة تجيبي14 (اربعة عشر ) حبات تمر 🌴🌴🌴 7 (سبعة ) للزوجة و 7(سبعة) للزوج و تجيبي كمون حب (مشي مطحون ) راني ناكد مشي مطحووون (حب) شريه من عند العطار (اللي يبيع الاعشاب) و نتي طحنيه بعدما تطحنيه جيبي التمر نحي العلفة اللي فالوسط و احشي التمر بالكمون و بعد ما تصلي الفجر نتي و الزوج تاكلي حبة و زوجك حبة مع الدعاء و النية لمدة 7 ايام و نتي تاكلي و طبعا كل يوم يكون هناك جماع حتي يحصل حمل حبيت نفيدكم لوجه الله و الي راها حامل ربي يخليلها ولادها و اللي راهي صابرة و تستنا تحمل ربي يرزقها الذرية الصالحة بجاه نبينا محمد صلى الله عليه وسلم يا رب