بنات انا فالشهر الثامن وهالفتره نفسيتي تعبانه من ضغط العمل والبيت ..عندي عامله منزل صارلها تقريبا 3 سنوات عندي طبعا مافي انسان كامل وانا محتاجه لوجودها تساعدني فالتنظيف والغسيل والكوي ..اما الطبخ والاطفال علي .. طبعا انا اداوم وفتره الدوام هي وبناتي يكونو عند امي .. وبهالفتره امي ساكنه معي والعامله صارت ماتحترم امي كلما اروح الدوام هي تروح تنام وماتكمل شغلها ولما ارجع اكلمها ترجع يومين زينه وبعدين ترجع لعادتها اشياء كثيره اتغاضى عنها لاني بفتره محتاجه لها ما اقدر ع تنظيف البيت والشغل وحدي ..يعني مره فتشت تلفونها وحصلتها مصوره نفسها بملابس نوم مالي ..وحصلت سلسله بنتي ف شنطتها واشياء كثيره بس اكلمها واتغاضى لاني تعبانه هالفتره ولا عندي نفس لاي شي المهم اليوم العامله صرخت ف وجه امي ولا نظفت البيت.. وانا كله ولا امي والله هي كل شي بحياتي تنرفزت كثير وماسويت غير اني اخذت التلفون عن العامله ولا ناقشتها وخبرت زوجي يرجع يكلمها ..ولما جا يكلمها صارت تنكر.كل شي وتكذب ع زوجي وانا صرخت عليها وجاني ضيق تنفس رحت غرفتي ابكي .. المهم هي الحين تريد تسافر وهي حسب العقد مفروض سفرتها نهايه شهر 10.. انا خلاص ما اريدها بس افكر ف شغل البيت كيف بقدر اتصرف نفسيتي تعبانه وماريد اظلمها او اظلم امي ..امي حرمه كبيره وعلى قد حالها ..الحين افكر اخذ سلفيه من الدوام واجيب عامله ثانيه .. دعواتكم لي يا بنات