ولدت قبل عشرين يوم ولله الحمد...قصه ولادتي ...بعد كل عمليات شرب الخروع وشم الحليتيه ووضعها بالفوطه. ..وبعد زيت الزيتون وحبه البركه..وأكل الأناناس. .وشرب عصير المانجا الطازج...ما آثرت بي هالطرق إلا بزياده الطلق الكاذب...وكنت أروح للمشفي وارد ثلاث مرات بالنهايه مليت وطفرت. ...وقلت خليها على الله بعد آخر مره رحت غرفه الولاده كتبو لي موعد مراجعه...بعدها بثلاث أيام. ...انتظرت وقبل يوم المراجعه بالليل حسيت بالتهاب الحلق وعملت لي دله زنجبيل وظليت أشرب الساعه ثلاث بالليل ما جاني نوم نمت الساعه أربع وقمت الساعه سته ولبست عبايتي وصليت ودعيت ربي يفرجها على رحت المشفي وحصلت حريم كثير ناطرين الدور قبل الزحمه ونشرت معهن لين اجو الدكاتره والممرضين وخذيت رقمي كان 18لما ناديت علي الممرضه لقياس الضغط والوزن...فحصتني للضغط وردت للمره الثانيه للتأكيد قامت سألتني عن ضغطي..وأنا بالفعل معي الضغط من قبل قامت جابت لي كرسي متحرك ودتني للحمام لتعمل فحص بروتين ولله الحمد ماشي وعطتني حبوب الضغط..ودخلتني ع طول للدكتوره وكتبت الدكتوره اني أروح غرفه الولاده واتصلت ف دكتوره التوليد واتصلت بالاسعاف😨قلت لها ليش قالت ضروري هالاجراء أخذتني الممرضه بالاسعاف لا ولاده وانا بين فرحه وخوف...دخلت الغرفه وع طول عملو لي مغذيات وكنت ما ما كله شي ع طول رفضو اني أكل لاحتمال العمليه...عندي طبيبتان وممرضتان...وقياس الضغط كل دقائق وحطت تحميله الطلق وابره حاره مره ع جسمي هذا الساعه عشر الصباح....ونزل ماي الجنين وبدأ ألم الطلق المتعب😣وانا متحمله لين الساعه خمس بدء مجهود الدفع...والممرضه تقول لا تدفعي بعدك خمس سانتي بس من الله ما أقدر وأنا ادفع بس فجاءه انهار جسمي لانه ما فيه قوه وجاني خذلان....وبدء الرأس بيطلع وقفت الدفع وسكرت رجولي😭والممرضه تصرخ ونادت ع أربع ممرضات للمساعده وتقول البيبي اختنق ولدك بيموت وانا ما تعبي ما قدرت والله ما قدرت...كان فيني إرهاق بس تذكرت أبي أشوف ولدي رديت أدفع وهن ماسكات رجولي..وتقول تدفعي أكثر قلت ما أقدر قالت أسمح لي راح أشق الموضع شقتني على رقم ثمانيه وطلع حبيبي...لونه أزرق من الاختناق ولله الحمد أنه بخير....ومن تعبي حطته ع صدري وانا حيلي منهد واتاسف من ولدي..واجت وقت التنظيف والخياطة بصراحه ما خليتها تنظف زين من الألم ودوني للملاحظه ويومين ويومين ترقيد وبعدها دخل ولدي للحضانه بسبب مرض بوصفار12يوم عانيت فيهم من التعب والألم
العضوة: 46831 , 9 years ago
الله يسهل ولاده كل حامل ويبعد منها كل ألم وتعب...انا نفسيتي صارت 😧لكن الحمدلله محمد بجانبي...أحس الدنيا بخير😍😘العضوة: 466 , 9 years ago
الحمدلله ع سلامتك وسلامة البيبيالعضوة: 46831 , 9 years ago
الله يسلمك حبيبتي.ويسهل عليكالعضوة: 41391 , 9 years ago
ماشاء الله . الحمدلله على السلاااامه اكيدد شعوور حلووو بعد الولاده الله يبلغنااالعضوة: 46831 , 9 years ago
حبيت أوضح مو كل الحوامل تأثر فيهم....هالاعشاب في نعم وفيه لاالعضوة: 31564 , 9 years ago
@user-46831 الف مبروك والحمد الله عالسلامة😢العضوة: 46831 , 9 years ago
الله يبارك فيكم...بس مازال شعور الخوف فيني لأني كنت بقتل ولدي بلا شعورالعضوة: 46831 , 9 years ago
ونصيحة مني ضروري لما يجيك الطلق تكوني ماكله شي لا تروحي وبطنك فاضيه😣العضوة: 50397 , 9 years ago
@user-46831 الحمد لله على سلامتك وسلامة البيبي وماتشوفي شر ان شاء الله كلها كفاره لك وبميزان حسناتكالعضوة: 46831 , 9 years ago
@user-50397 تسلمي حبيبتي ايه والنعم بالله...الأهم شوفه محمد نستني هموم الدنيا