9 years ago
  • المرحلة الثالثة (الأشهر 9,8,7)
أولاً : شنطة المستشفى : 1. ملابس مريحة وصالحة للرضاعة عدد 2 ( بيجامات مثلا ) أنا شخصياً اخترت جلابيات خفيفة صناعة مصرية تلقونها بالمعارض ومناسبة للمستشفى 2. ملابس داخلية عدد 2 من كل قطعة ( وفيه ببيبي شوب ستيانات خاصة بالرضاعة وتمنع تسرب الحليب ) 3. ملابس خروج أنيقة بتحتاجينها لما تطلعين للبيت 4. فوطة 5. مجموعة استحمام + فرشاة ومعجون + لوشن وباودر للجسم 6. فوط صحية ( اختاري حجم سميك أكثر من اللي متعودة تستخدمينها وقت الدورة الشهرية ، احتياطاً اذا النزيف بعد الولادة قوي ) 7. فرشاة شعر

11 تعليقات

العضوة: 41797 , 9 years ago

ثانياً : تجهيزاتك في المنزل : تحتاجين بعض المستلزمات الغذائية الخاصة غير عن اللي كنتِ تاكلينها قبل ، ويختلف من بلد لبلد حسب العادات المتعارف عليها ، بالنسبة لنا احنا فنحتاج : 1. عسل نحل 2. عسل نخيل 3. سمن انتاج محلي بدل الزيت المصنع والمستورد 4. دجاج طازج مذبوح في المنزل 5. لحم غنم تربية محلية 6. عشبة الحلبة 7. حبة الحمراء 8. سكر بني محلي

العضوة: 41797 , 9 years ago

ثالثاً : تجهيزات الضيافة : 1. مجموعة حلويات منوعة ( ممكن تطلبينها من احدى محلات الحلويات أو فيه حريم يشتغلون عليها في بيوتهم فممكن تطلبي منها قبل ولادتك بأسبوعين ) 2. جهزي كل المواعين اللي بتحتاجينها للضيافة وحطيها بدرج خاص بالمطبخ ( هذا اذا كنتِ ساكنه بروحك وما تحبي احد يعبث بأغراض مطبخك فبإمكانك تجهزيها مسبقاً ) 3. اكتبي قائمة لزوجك بالأغراض اللي لازم يشتريها قبل خروجك من المستشفى ، مثل ( فواكه وغيرها من أغراض الثلاجة ) 4. توزيعات المولود ( هذي من الامور الشكلية ، مش لازم تسوين ، حسب قدرتك المادية ، والبعض ما يفضل ها الامور ، ولكنّي احبها من باب الذوق والاتكيت )

العضوة: 41797 , 9 years ago

أتمنى لكن الفائدة ☺️💝

العضوة: 23094 , 9 years ago

جزاك الله خير 😘

العضوة: 10960 , 9 years ago

الله يجزيكي الخير

العضوة: 22862 , 9 years ago

@user-41797 الله يجزيك كل خير 😘

العضوة: 41797 , 9 years ago

@user-23094 آمين وإياكِ 😘

العضوة: 41797 , 9 years ago

@user-10960 آمين وياكِ ❤

العضوة: 41797 , 9 years ago

آمين وياك 😘 @user-22862

العضوة: 51565 , 9 years ago

اضيف عليهم شبشب خفيف عزكم الله او سليبر عشان في بعض المستشفيات ما يعطونك .. و شراريب كمان انصحكم تدفوا رجيلاتكم و احنا في الخليج الوالدة تلبس طرحه .. غير كده تكثر من الملابس الداخليه التحتيه للاحتياط .. و تجيب معاها لبس للنونو و حفايض و مناديل تغيير الحفاظ و لهايه اذا تحب و كوفله كبيرة و رضاعه صغيرة مجهزة بالينسون .. مغلي اليانسون و سكر النبات

العضوة: 41797 , 9 years ago

@user-51565 تسلمين أختي ع الاضافة ، كل اللي ذكرتيه مهم بعد 😘