9 years ago
  • المرحلة الثالثة (الأشهر 9,8,7)
اناحامل ولم اقم بعمل تحليل تحمل الجلوجوز انا حاليا في الاسبوع 33 و 4 أيام لكن عملت من قبل تحليل جلوكوز في الدم و البول اكرمكم الله مع العلم لم اكن صائمة ل 8 ساعات فقط لم اتناول الفطور وعملت تحليل كانت النسبة 96 mg/dl هل هي طبيعية مع العلم تحليل البول أكرمكم الله كان سلبي اي لا يوجد سكر في البول ك

51 تعليقات

العضوة: 22016 , 9 years ago

ranyoucha ماتخافيش حاجة عادية مي لازم ريجيم تحبي ماديريش لنسولين نحي جميع الحلويات نهائيا افطري قهوة حليب ولا واش راكي موالفة 2 مورصوات خبز صغار تقصيه رقييييق 2 ولا 3 ماكسيموم طرف فرماج شوية زبدة، الغدا والعشاء نحي الخبز كولي عجائن تاع القمح والشعير كمية قليلة وديري نفس الكمية تاع الخضرة les légumes وإذا ماكانش عجائن كولي شويييييية خبز. مشروبات حبسي خلاص اشربي الماء الفاكية 2 فالنهار فقط واذا تحبي عصير ديريه فالدار وبلا سكر

العضوة: 21190 , 9 years ago

@أم يانيس ايه راجلي روسي روسي نتفاهمو بالانجليزية انا نعرف كلمات روسي ونتعلم

العضوة: 22016 , 9 years ago

وماتخافيش انا حكمني ببنتي اللولة درت لنسولين ناكل فالزهر كي زيدت راح بعدها بولدي الثاني رجع مي بعد الزيادة قعد وزدت ولدت بيه العام الي فات بنتي الصغيرة وضرك ثاني راني فالثامن متبعا ريجيم ندير واش يقولي الطبيب ساعات نقدر ناكل طرف قاطو ولا بيتزا مع لعشية وكي يهبط مع الأول انا تاني خفت مي مع الطبيب والبسيكولوق جابوهولي هوما كي دخلت سبيطار اقتنعت وعايشة عادي بالعكس ماكلتي صحية الحمدلله. ولادي لباس عليهم الحمدلله.

العضوة: 22016 , 9 years ago

hilda ربي هنيكم ببعضاكم كلشي فالهنا وراحت البال.

العضوة: 33201 , 9 years ago

تسلمي حبيبتي انا ماشية على الريجيم كيما قلتي حتى حليب الصباح نشربو مر ولكن ساعات نلقاه مرتفع قليلا 144 خفت تشوفو الطبيبة تعطيني النسولين و خايفة مانديرهمش يتضرر البيبي انصحيني تعيشي

العضوة: 22016 , 9 years ago

ranyoucha مي لازم ديري ريجيم باه مايجيكش gros bébé الله لا تقدر عليك وعلينا وديري سيزاريان ديري كوراج شوية شهورة يفوتو ليه ايه

العضوة: 22016 , 9 years ago

ranyoucha اذا الصباح وصايمة 144 بزاف هك على البيبي أكثر منك انتي لازمك ريجيم واذا مزال طالع هك لازمك انسولين بالعكس مليحة لنسولين خير من الدوا هي ماتفوتش للبيبي ماتأثرش عليه لازم ترجعي للطبيبة وتطلبي تحليل كلوكوز وحتى كان ديري انسولين بعد الزيادة يهبط السكر وتنحيها

العضوة: 22016 , 9 years ago

السكر يأثر على الجنين بالدرجة الأولى يقيس قلبو مخو البنكرياس تاعو تولي تخدم بزاف لنسولين تعاون لكور تاعك وهك تتعب البنكرياس تاعو ويقدر يمرض بالسكر وهو طفل صغير ولا كي يطلع بزاف تكون انفكسيو وتسمم جنين بعيد الشر وممكن يجي مشوه والحاجة الي تمنعك انتي والبيبي هي لنسولين الحمدلله الي راهي كاينة ماتخافيش منها خافي اذا السكر طالع وماديريهاش . ديري في بالك لنسولين مايمدوهاش للناس كل على خاطر غالية ومعندهاش مأثر ات على الكبدة لأنها طبيعية مستخلصة من الحيوان.

العضوة: 33201 , 9 years ago

لا 144 ماشي صايمة انا نقيس قبل و بعد كل وجبة انا صايمة داءما تحت 95 مي قتلك ساعات برك يطلع بعد الاكل ى 144 وانا عاملة ريجيم و مواضبة عليه وحتى المشي قصدي نسالك اذا كملت على الريجيم يكفي و لا لازم انسولين سامحيني كترت عليك

العضوة: 22016 , 9 years ago

بعد المالكة مليح 144 ماتحتاجيش انسولين كملي ريجيم برك ونحي كل ماهو حلو وربي عاونك ويكملك على خير وان شاءالله ماتشوفيش السكر هذا خلاص ربي عافيك منو.

العضوة: 33201 , 9 years ago

ربي يحفضك اختي و يحميك ويخليلك اولادك طمنتي قلبي ربي يطمن قلبك و يعطيك ما تتمناي

العضوة: 22016 , 9 years ago

آمين ختي أجمعين والسماح كي لعسل فت عليها هاذ الخلعة راني حاسة بيك وكاش ماتحتاجي تسقسي راني هنا وبكل فرح وسرور.

العضوة: 33201 , 9 years ago

شكرا❤❤❤❤❤👋👋👋

العضوة: 33201 , 9 years ago

شكرا ❤❤❤❤❤❤❤❤❤❤❤

العضوة: 22016 , 9 years ago

العفو ❤❤❤❤❤👋👋👋👋