9 years ago
  • المرحلة الثالثة (الأشهر 9,8,7)
اناحامل ولم اقم بعمل تحليل تحمل الجلوجوز انا حاليا في الاسبوع 33 و 4 أيام لكن عملت من قبل تحليل جلوكوز في الدم و البول اكرمكم الله مع العلم لم اكن صائمة ل 8 ساعات فقط لم اتناول الفطور وعملت تحليل كانت النسبة 96 mg/dl هل هي طبيعية مع العلم تحليل البول أكرمكم الله كان سلبي اي لا يوجد سكر في البول ك

51 تعليقات

العضوة: 21190 , 9 years ago

@user-47244 شكرا يا أختي أنا بس خايفة لاني وقت اللي عملت سحبو بس دم ما عملولي تحليل تحمل الجلوكوز وقتها كنت في الاسبوع 22 وقالتلي مافي داعي تجي تعالي بعد في الثامن انا حاليا في الاسبوع 33 و لم اعمل تحليل تحمل سكر من قبل لهاذا انا خائفة يمكن تاخرت او شيء

العضوة: 22016 , 9 years ago

اختي ماتخافيش انا عندي سكر 5 سنوات وانا بيه وهذا حملي 4 وندير الأنسولين الإنسان الطبيعي بعد ساعة ونص من الأكل عادي لما يكون 150 لكن المصاب والمرأة الحامل الي عندها سكري لايجب أن يتعدي 120 و 130 كحد أقصى. بعد الأكل وانتي قلتي الصباح صايمة وأقل من 8 ساعات ماكليتيش 96 مليح عادي جدا. والتحليل تاع الجلوكوز لما يكون عندك 100 الصباح وعلى الأقل 8 ساعات لم تأكلي يبعثوك ديريه. لكن مع الحمل ننصحك نحي السكريات نهائيا ونقصي الخبز ومن الأحسن تاكلي العجائن الكاملة كالخبز الأسمر والسباغيتي السمراء تاع القمح كيما نقولو حنا les pattes complète

العضوة: 21190 , 9 years ago

@أم يانيس جزاك الله خير انا خفت خاطر كي قريت في النت و التعليقات خفت ربي يريح بالك ان شاء الله و اللي خوفني ثان أني ماعملتش تحليل تحمل الجلوكوز عليها خفت

العضوة: 22016 , 9 years ago

وتحليل الجلوكوز تقدري ديريه في أي وقت بالعكس المرأة الحامل لازم تخضع لهذا الفحص في الشهر السابع وحتى لو قبل أو بعد عادي ممكن جدا اذا حابة ترتاحي اطلبي تحليل جلوكوز من الطبيبة تاعك .

العضوة: 21190 , 9 years ago

@user-22016 بارك الله فيك يا أختي انا اول حمل راني تالفة اسمحيلي الا كثرت عليك و خفت يكون روتار كون نديرو دوكا خاطر كي قريت لقيت يديروه حتى 28 والا 26 أسبوع وانا في 33 شكرا واسمحيلي الا قلقتك بالاسئلة

العضوة: 21190 , 9 years ago

@user-22016 قصدي بارك الله فيك خطأ كتابي 🙏

العضوة: 22016 , 9 years ago

اختي ماتخافيش خلاص والحاجة تاع ربي ولي عندها دواء والله ماتخوف انا نخاف من العباد 😉. والخوف والقلقة يطلعو السكر ماتنسايش بعيد الشر عليك alors بعدي على القلقة لأنو ربي كي يحب يصيبك بحاجة بعيد الشر سوا قلقتي ولا خفتي راح دجيك هذاك الخوف لن يمنع عنكي شيئا مليح الدعاء وتوكلي على ربي ولاتفسدي ايامك وحملك بالخوف والتوتر عيشي متهنية.

العضوة: 22016 , 9 years ago

وبالنسبة للإنترنت الطبيبة تاعي تسميها interbête وعندها الحق اذا تبعيها يجيك إنهيار عصبي وترقدي فالفراش تستناي الموت والناس كل واحد وتجربته انت ماكيش كيما انا وانا مانيش كيما وحدة خلاف وهي رايحة عيشي la grossesse تاعك بكل فرح واطمئنان وربي سهلك ويعطيك وقفة ساهلة وتفرحي ب ton bébé inchallah .

العضوة: 22016 , 9 years ago

السماح ختي الناس لبعضاها avec plaisir.

العضوة: 21190 , 9 years ago

@user-22016 أمين أجمعين يا رب حبيت نسقسيك انت وين عايشة حاليا أنا في اذربيجان دولة من دول الاتحاد السفباتي سابقا

العضوة: 22016 , 9 years ago

نسمع بيها أذربيجان قرينا ها فالجغرافيا انا في فرنسا

العضوة: 22016 , 9 years ago

كيفاه رحتي تم كاين عرب ولا وحدك

العضوة: 21190 , 9 years ago

@أم يانيس تزوجت لتما راجلي روسي عليها رحت كانو 2 حباباتي وحدة جزايرية و وحدة مغربية مي راحو من اذربيجان

العضوة: 22016 , 9 years ago

راجلك روسي روسي ولا جزايري عايش ثما واذا روسي تتفاهمو فالهدرة اللغة يعني

العضوة: 33201 , 9 years ago

حبيبتي ام يانيس انا جزائرية و حالة استفيد من خبرتك التي جد محتارة انا في الشهر الثامن و طلع عندي سكر الحمل قالت الطبيبة للارتفاع طفيف لكن لازم ريجيم لمدة أسبوع وانشوف كانت النتيجة مضطربة و ساعات ترتفع ارتفاع بسيط وقالت ان لم ينفع لازم انسولين انا خايفة جاوبيني تعيشي