العضوة: 795868 , 4 years ago

الحمدلله على سلامتك حبيبتي ومبروك ماجبتي دايم كلمي نفسك انها هذي بنيتك وهذي سندك بهالدنيا فكري انها راح ترد لك كل جميل لاتخلين الشعور هذا يكبر معاك سيطري عليه وحبي بنتك بكامل تفاصيلها الثقة أول وآخر شي راح تبني تربيتك وتبني شخصيتها مستقبلاً مافيه شي اسمه ماحبيت ضناي هذي نعمة من ربي تعوذي من ابليس دايم واقري قرآن والله يتبعها من بعدها بالذرية الصالحة

العضوة: 795043 , 4 years ago

الله يحنن قلبك عليها ويفرج همك اسمعي حاولي تأخذي حبوب الزنك وفيتامين دال هذي فيتامينات ممكن تساعدك للخروج من حالتك طبعا والأمر الأول والأهم ادعي واستغفري واقري قران وحاول دايما تسمعي آيات من القران تهدي نفسك وتشرح صدرك وفتره بإذن الله وتعدي ومااقول غير الله يفرج همك ويسخرك لطفلتك ومسؤوليتها

العضوة: 658370 , 4 years ago

@user-572755 الحمدلله ع سلامتك وسلامة النونو.. اذا انتي بكريه طبيعي الي تحسين فيه عشان مسؤوليه جديده بس نصيحه حاولي ترضعينها طبيعي وحاولي محد يهتم فيها غيرك هي فتره وبتعدي هالمشاعر وحافظي ع فيتاميناتك خصوصا د .. حاولي تاخذي النونو كل صباح وتمشي فالحديقه وشوفي الشمس .. اذكارك والقراءن يهدي النفس واشغلي بالك بأشياء ايجابيه .. ماعليك باس إن شاء الله

العضوة: 770915 , 4 years ago

اقري سورة البقره حاولي تختمينها كل يوم وتشوفين راحه عجيبه بأذن الله وشغليها بالبيت عندك

العضوة: 795868 , 4 years ago

أما عن المسؤولية صدقيني راح تضحكين على نفسك لما تطلع من البيت لأول مره للمدرسة لها لأنك بتشبعين صياح رحمة وحب وخوف عليها من المجتمع الخارجي اعطيها الحنان واحتويها قد ماتقدرين تجاهلي أي شعور يخرب أمومتك اللطيفة عسى الله يسعدك 😍❤️

العضوة: 795868 , 4 years ago

المسؤولية دائماً الكبار يقولون رد جميل بغمضة عين تشوفينها قدامك وجايبه لك ماتتمنينه وتخدمك بعيونها هي فترة بس ( الطفولة ) مردهم يكبرون وننسى كل المسؤولية والتعب وبرضو ندعي اننا نربي عيالهم شوفي قد ايش الدنيا قصيييييييرة 💔💔💔 استمعتي بكل لحظة

العضوة: 686306 , 4 years ago

@user-572755 حبيبتي الله يساعدك ويسهل أمرك ويمسح على قلبك ...انا نفسك مريت بهاذي المرحله اكتئاب حاد لمدة اربعين يوم وبعدها الحمدالله تحسنت كثير بس ضل فكرة اني مو متقبله ولدي ومو مستوعبه ان صار عندي طفل ومسئوله عنه وخصوصا ان زوجي كان يشتغل بمنطقه ثانيه وانا كنت عند اهلي يجيني بس يومين بالأسبوع ضليت ست شهور على هاذي الحاله متى ستوعبت انه ولدي لما زوجي اخذني معاه للمنطقه الي يشتغل فيها وضليت انا ولدي مع بعض بديت اتعود عليه وصار اهو كلشي بحياتي صرت ماتحمل غيابه عني وتعلقت فيه كثييير ليومك صار عمره ٨سنوات اسم الله عليه وعندي غيره ثنين بس اهو عندي غير عن اخوانه تعلقي فيه غير ومن بعدها اذا ولدت يجيني اكتئاب الولاده بس الطفل الي اجيبه اتعلق فيه واحبه وصارت عندي مسؤليه عليهم واحبهم كلهم وحاليا انتظر طفلي الرابع الله يتمم علي وعلى كل حامل يارب بس نصيحتي لك عليك بقرائة البقره ومناجاة الله بكل مافي خاطرك بس وبتشوفين ان امورك تزين ودايم خلي بنتك عندك حظنيها بوسيها كلميها قولي لها انا أمك وانتي بنتي وستشعري الكلام بتشوفين نفسك تعودتي عليها وصارت كل حياتك

العضوة: 795868 , 4 years ago

ياحلوك طاقة ايجابية ماشاء الله

العضوة: 765932 , 4 years ago

اتعوذي من الشيطان هاي نعمه مو مسؤولية ولاتخلين الشيطان يتمكن منج. اتخيلي لو ان بنتج تتعرض لاي موقف مؤلم او خطر او صعب. شنو حتكون ردة فعلج؟ اتخيلي لو احد يخطفها ويريد يأذيها شنو موقفج؟ حتحسين بردة فعل لا اراديه انو هي ضناج ولازم تحميها من اي مكروه ومن اي شخص. لو تخيلتي هذا الشي من صدق وبتعمق حتكون ردة فعلج حقيقة وحتشوفين انج تحبيها بالفطره. هاي ضناج قطعه منج ومن قلبج شلون ماتحبيها. صدقي هي نعمه بس اللي انتي بي وسوسة شيطان وممكن عين او نفس. ياختي غيرج يسوي المستحيل علمود يشوف اظفر طفل. الله يخليلج بنتج ويشفيج ويقويج عالمسؤوليه.