9 years ago
  • المرحلة الثالثة (الأشهر 9,8,7)
السلام عليكم بنات بعرف انو هذا البرنامج خاص بس بمواضيع الحمل ومابيصير فيه المواضيع الخاصة بس بدي مساعدتكن وبتمنى الكل يساعدني او ع الأقل يدعيلي انا من32يوم كنت حامل وبأخر الشهر الثامن ولدت بنتي ولادة مبكرة وتوفت بعد الولادة بساعة مالحقت شوفها وضمها ع صدري حتى انو دفنوها بدون ما شوفها او المسها واحترق قلبي عليها كانت عندها مشكلة بالعظام وقف نموها بالاسبوع 23 ولمن ولدتها كان حجمها صغير وما تحملت تعيش وتوفت 😢😢😢وتركتني لحالي💔💔 وانا صارلي 32 يوم من توفت بنتي وزوجي من وفاة بنتي تغير علي هو من اول زواجنا ماكان منيح معي بس هلأ معاملتو صارت اقسى صار يجيني سكران واحيانا يضربني ويغلط علي قدام اهلو او يطردني من غرفتي وانجبر نام مع اخواتو البنات وفوق كل هذا صار يقولي انتي موتي بنتي انتي يلي قتلتيها مع انو أنا ما دخلني بوفاة بنتي في حدا عاقل بيقتل بنتو روحو يلي انتظرتها بكل ثانية 😢😢😢😢😢الدكاترة كأنو شاكين انو جيناتنا انا وزوجي هي السبب بتوقف نمو بنتي الله يرحمها لانو زوجي أبن عمي بس لمن رحنا ع دكتورة الجينات قالت مادخل الجينات وفيني احمل تاني مرة بس هو رفض وقالي بس تخلصي الاربعين بتشربي مانع ومن كم يوم اجى علي وهو سكران وصار يحكي علي ويخانقني وضربني😔😔😔 وقلي برجع المسا ما بلاقيكي بالبيت بس ما قدرت روح ﻷنو أهلي بعاد عني بسوريا واو ضاعن مو منيحة يعني مو ناقصن وومساكين يالله مدبرين حالن وظليت بالبيت مع أهلو بالبحرين لانو ساكنة مع اهلو بنفس البيت واليوم طلعلي بشغلة جديدة بيقولي عندي تقارير انك قتلتلي بنتي ورح احبسك قلتو طيب اذا عندك تقارير طلعن وحبسني بس انت بتعرف اني بريئة وبنتي توفت لانو رئتها صغيرة ما اكتملت وانا يلي رح اطلب رنا يحاسبك لاني لما حملت بنتي طلبت اني نزلها ولمن عرفت انها بنت ما فرحت بالعكس كرهت البنت ولمن كنت حامل كنت تبكيني وتضربني وكنت تتهددني بالسكين او تحاول تخنقني وما رحمتني لأني حامل أنا يلي رح أطلب ربي يحاسبك  وسكت وطلع من البيت والله كتير مخنوقة ومتضايقة وضايعة تعبت كتير قلت ان شاء الله بيتغير بس ألي سنة متزوجة ما تغير بالعكس عم يصير للاسوء واهلو عجزوا معو واكتر من مرة ادخلوا بيناتنا بس هو مانو مهتم بأي حدا والمهم حالو خايفة كتير والله ومتنمية اهلي حدي متمنية يكون عندي سند يساعدني ويحميني من زوجي وكلامو القاسي وضربو ومعاملتو السيئة تعبت تغربت عن أهلي وتعذبت مع زوجي كتير خلال هالسنة وفوق كل هذا توفت بنتي 😢😢😢 كتير تعبت والله بس مالي غير رب العالمين  بحاول اتروكو وانزل ع أهلي وخلص بقول الطلاق احسن حل بس ابي وابو زوجي عندن مشاكل بالقلب وع اصغر مشكلة بيتعبوا ووامي وامو مرضانين بسكر لمن تصير اي مشكلة بيتعبوا يعني مارح يتحملوا بس بنفس الوقت  بقول كيف بدي ظل عند زوجي   بهذا الوضع وبهي المعاملة وهي عشرة عمر  يعني مو شغلة يو او يومين حتى اصبر ماني قدرانة ظل هيك طول حياتي متعذبة معو وبلا كرامة وعطول اسمع بهادلو وكلامو وأهانتو ألي وضربو يعني يا الطلاق يا اني عيش جسم بدون روح صرت بين نارين 😔😔😔😔😔  بدي ارتاح والله تعبت حتى النفاس لسى ما خلصتو حتى اقدر صلي وادعي ربي وانا ساجدة ما فيني غير ادعي بالليل وبالنهار حتى ربي يفرجها تعبت نفسيا وجسديا شو اعمل ضعت والله يا بنات وتعذبت واحترق قلبي شو بتنصحوني بنات او ع الاقل ادعولي الله يفرجها علي وارتاح الأتكال على رب العالمين والحمدلله على كل حال وأسفة اني  طولت عليكن يا اخواتي بس مالي حدا وأهلي بعاد عني  ومحتاجة نصحية او دعوة ع الأقل بظهر الغيب يفرجها علي مع زوجي ويصبرني بوفاة بنتي شام  😢😢😢😢

84 تعليقات

العضوة: 58836 , 9 years ago

استغفرررررري ياقلبي كثييير بأذن الله يتغير الحال ويسخره ربي لك ويهديه كمان لنفسه

العضوة: 63652 , 9 years ago

الله يرحمها يا رب ويصبرك ع فراقها ... وربنا يفرجها عليكي ويهدي جوزك ... وان شاء الله ربنا يعوضك بالاحسن...

العضوة: 61516 , 9 years ago

الله يهون عليك ويعوضك خير بس يمكن اللي صار خيره من رب العالمين نصيحه لا تحملي منه مره ثانيه لان المكتوب مبين من عنوانه لان لو ضلت بنتك عايشه كنتي رح تضطرب تعيشي تحت رحمته عشان بنتك بس ربي له حكمته لاااااا تفكري تحملي حاليا وحاولي تاخذي حبوب منع الحمل الين ان تلاقي حل مع اني اشوف انك تطلقي منه احسنلك

العضوة: 63844 , 9 years ago

الله يصبرك وياجرك ان شاء الله اصبري واخذي موانع لا تحملي دام زوجك ذا يمكن بعدين تنفرج وربي يهديه لك

العضوة: 31914 , 9 years ago

اللهةيفرج همك استفقري كثير وكرري حسبيةالله ونعم الوكيل ولا حول ولا قوة إلا بالله العلي العظيم. والصلاة على النبي .والله يشرح صدرك يارب

العضوة: 52800 , 9 years ago

الله يساعدك الف مره ويحنن قلب زوجك اقري سورة بقرة

العضوة: 62853 , 9 years ago

@user-52861 الله يصبرك ويعوضك بتوأم ان شاء الله

العضوة: 41904 , 9 years ago

حلك بس شغله تستغفري ربنا بنيه الله يصلح زوجك.ويهديه واستغفري فوق ال 1000 مره باليوم وباذن الله راح تدعيلي وتحسي بتغير من اول يوم 😍😍😍 ادخلي ع صفحتي وشوفي تجلرب صبايا استغفرو. وربنا ما خيب املهم

العضوة: 50428 , 9 years ago

ربنا يفرج لكي همك نصيحه مني استخدمي مانع للحمل لين ما يصلح ربنا امورك

العضوة: 121 , 9 years ago

اختي عسى ان تكرهو شي وهو خيرا لكم ..يمكن لو عاشت هذي البنت راح تتعذب اكثر مع هكذا اب.ثانيا اختي اذا نقطع عليج الدم يجب عليج الصلاة لان النفساء عشرة ايام

العضوة: 20214 , 9 years ago

لاحول ولا قوة الا بالله ربي يكون معاك وانا اقرا كلامك حسيت انك بحال مايعلم بها الا الله انتي تشوفي ان عيشه مع ذا الشخص صارت مستحيله رح يجيب لك مرض نفسي ابوك وعمك وامك وعمتك لو يعرفون حالك هم عذروك وخلصوك منو لاتحملي منو واشوف طلاقك هو افضل حل يهددك وبكره رح يسويها انا مااخوفك بس لاتسبعديها عنو الله يفرج همك وكان الله بعونك

العضوة: 54807 , 9 years ago

ربي يصبرك و يفرج عليكي

العضوة: 27418 , 9 years ago

خوذي مانع حمل من دون يعرف حتى يفرجها الله غالبا اللي بيشرب مابينصلح حاله الله يعوضك خير ويفرجها عليك وعلى اهلك وترجعين لهم

العضوة: 52861 , 9 years ago

@user-58836 الحمدلله اختي ع طول لساني ما يوقف عن الاستغفار

العضوة: 57652 , 9 years ago

يارب الله يجبر كسرك ويعوضك بخير.. عليكي بكترة الدعاء والاستخارة وادعي ربي يختارلك اللي فيه الخير.. يمكن انك تجيبي طفل من هيك رجال مو خيرة الك.. وهادا وهوي عند اهلو ما عم يوقفوه عند حدو مو صاحي بنوب. الله يصلح حالك