اول شي احب اقولكم تقومون بالسلامه ان شاء الله والله يسهل عليكم ويكتب لكم الساعه الطيبه والتسهيل من رب العالمين 🌸🤍🤍🤍 انا قبل سنتين كنت مثلكم بكريه مستجده ف كنت اقرا واشوف مقاطع وما بقى شي ماعرفته وهالشي نقطه لصالحي موب ضدي بس بشرط اذا كان الهدف واضح يعني انا اشوفها عشان اتعلم واتثقف واكون واعيه موب عشان اروع قلبي واخاف 🙊 طبيعياً منذ ان خلقنا معروف علمياً كل حمل نهايته بأذن الله ولاده اذ كان الحمل سليم ✔️ وان الولاده تختلف من شخص لشخص وتجربه لتجربه موب شرط اللي صار لها يصير لي او اللي صار لي يصير لها خذوها قاعده ممكن حتى عيالك انتي يكونون مختلفين تماماً اقروا وتثقفوا وانتبهوا من تجارب غيركم خليكم واعين حريصين متفاعلين اثناء الولادة الصياح والبكاء راح زمانه الحين زمان انك تتفاعلين مع الولاده وتحسين فيها وتصبرين عليها وتقوين نفسك مهم جداً انك توفرين طاقتك ماتهدرينها على الفاضي بصياح وهبالات ماراح تفيدك هالكلام اقوله لانه هو الحقيقه مايفيد تخافين وتشيلين هم بس يفيد انك تهيئين نفسيتك وتستعدين لهاليوم وتعرفين انها مراحل الولادة موب تجيك تولدين ع طول 🥴🤍 الولادة الفعلية الطبيعيه بدون تدخل طبي تمر بمراحل : بدايه الطلق راح يكون خفيف راح يكون عندك فرصه تمشين وتسوين تمارين وممكن تتروشين وووقتها كلي لك وجبه او شي مفيد وروقي على الاخرر لانو هذي اول مرحله وابسطها بعدها يبدأ الالم يشد اكثر زي المغصه بالضبط تروح وتجي هذا هو الطلق الم بالظهر ولخواصر والبطن بالبدايه يكون متباعد المده يعني يكون عندك فرصه وتكون مده الطلقه قصيره بعدها تبدأ تتقارب المده والطلقه تصير مدتها اطول يعني مغصصصه طوووويله هنا كل اللي عليك تدعين ربك وتطلبين منه الفرج والرحمه وتتنفسين بطريقه تناسبك حاولي تمشين حتى بالمرحله الثانيه لان المشي بعد بدايه الطلق مفيد جداً لاتخافون ابداً شجعي نفسك فكري بشوقك لطفلك متى تضمينه متى تشمينه هالالم اللي تحسين فيه شعور طبيعي كل ام انجبت طبيعي حست فيه ف انتي عظيمه وهذي هبه ونعمه من الله انو ربي انعم عليك بجنين سليم وطلق طبيعي وتسهيل من رب العالمين الطاقم الطبي ترا مابينهم وبينك شي ولا يعرفونك ولاتعرفينهم هم بيأدون عملهم بكل الاحوال سوا ساعدتيهم او جلستي تصيحين على روسهم وتوترينهم ف انتي احرصي انك تكونين معاهم تسمعين للي يقولونه لك وتطبقينه لانو رحله الحمل طويله حرام تضيعينها بصياح ورفض وعناد 🙊 م اقول لاتصيحون بس لاتفقدون كل قدرتكم على الاستيعاب لان طلعه الطفل تعتمد على مجهودك انتي وكل م استعجلتني بالدفع الصحيح كان الطفل حالته افضل م يتعب وهو محشور 🥴 كل هدفي من الموضوع انو ماتقولين خفت وخوفوني ووو لان استقبال شعور الخوف يعتمد عليك انتي انتي مستعده تخافين بس موب مستعده تفهمين وتقرين وتعرفين ان تجربتك مختلفه تماما هذي تجربتها هي من وجهه نظرها هي ماتخص الولادة انا اقدر اقولك اني ولدت بصعوبه وصار لي وصار لي بس ممكن لو واجهتي موقفي تكونين اقوى مني ويكون عندك عادي وممكن تكونين اضعف وتنهارين وتطلبين عمليه ف الولادة تعتمد عليك انتي على قدرتك على ضبط نفسك وتصبيرك لنفسك 🌸 الوضع يبيله صبر ووعي وامومه فعلية وحقيقة وقلب جامد لانو مجرد م تشوفين طفلك بين ايدينك بتحسين انك اقوى ام بالحياة وشعور الانجاز لحاله يكفي راح تكونين طايرههه بالهواء من الفرحه🥳🤍🤍🤍🤍🤍🤍