السلام عليكم الحمدلله ولدت من يومين بفضل الله ومنته كأني رجعت من الموت! اللي صار معي ممكن يصير مع اي وحده فحسيت لازم انبهكم عليه لوجه الله (قبل احذف التطبيق لاني ماعد احتاجه).. يوم السبت بدأت الاسبوع 40 وكنت اراجع في مستوصف قريب من بيتي ومخططه اولد في مستشفى بعيد شوي عني (هاذي الغلطه الاولى. نصيحه راجعي في المكان اللي راح تولدي فيه) المهم بدأ بي المغص مثل الطلق الخفيف يوم السبت وبدأ يقوى لكن مو منتظم .. وانتظرت للاثنين عساه ينتظم واولد لكن مافي كان يزيد قوه ولا ينتظم .. ف رحت المستوصف (الغلطه الثانيه .. كان المفروض اروح المستشفى اللي بولد فيه) المهم قامت الدكتوره فحصتني وفجاه سوت لي تحريض (الغلطه الثالثه)!! قالت اول شي الرحم مقفل والبيبي فوق وفجاه وهي تكشف قالت هاه الحين فتح واحس الراس خلاص قريب يلا افتح لك المويا واعطيك طلق واولدي عندي بس ترى ماعندنا اسعافات لاي طازئ لاسمح الله!! قلت لها لا بولد في مستشفى مهيأ عشان الظروف اللي علمها عند الله .. قالت خلاص لا عاد تجيني!! ومن طلعت من عندها وانا احس الالم يزيد لدرجه ماقدرت انام ثاني يوم اللي هو صار الثلاثاء رحت دكتوره في المستشفى العام طوارئ (الغلطه الرابعه) قالت ايه صح مفتوح 2 بس الراس فوووق خذي لك قرفه وعسل واصبري حتى الاسبوع الجاي !! -(طبعا من رايي ان الفتحه 2 من تحريض دكتوره المستوصف) وفعلا بدأت امشي واشرب قرفه والالم يزييييد يزيييد يوم الاربعاء وراس البيبي يضغطني مااقدر حتى اجلس وانا امشي واشرب قرفه وعسل (الغلطه الخامسه) والطلوق تزييييد لين الاربعاء انتظمت كل 15 دقيقه ورحت اخيرا المستشفى اللي بولد فيه .. ماراجعت عندهم الا مره في اول الشهر الثامن عشان فتح الملف .. وادخل من الطوارئ خلاص بموت من الالم قالت الدكتوره الطلق حامي ومنتظم لكن الرحم 3 والبيبي فوق!! -(طبعا بسبب العسل والقرفه الطلق حامي ولافاد الرحم) قالت روحي بيتك لين يصير كل 5 دقايق !! مسكتها وبكيت قلت لها صار لي 5 ايام اتعذب حتى الجلسه مو قادره اجلس .. رحمتني قالت خلاص نخليك في الملاحظه .. ! يتبع..