كل اللي يسألوا عن مستشفى الامن بمكه انا ولدت فيه والحمدالله وراح اقولكم تجربتي فيه لما رحت ماكان عندي اي مراجعه بس ملف قديم وكان يسألوا فين كنت اتابع وليش مارحت اولد عندهم ... صراحه دخلوني ع طول يدوب اخذت مني دم وع طول دخلت الكشك رحت ع اساس اخذ ابرة الظهر وللأسف مااخذتها لاني وقتها رحت وكان الرحم مفتوح عشرة سانتي وقالوا مانعطيك هي خلاص انتي ولادة وقتها خلاص دخلت الطواري ونزلت الموية ما انسى صراحه قد ايش تعبت في الولاده لانو الدكتوره كانت مرا اخلاقها 👎🏻وتعصب وتصارخ عليا وكمان الخياطه تعبت فيها مع انه عطتني ابره لما طلعت ع الغرفه كانوا الممرضات طيبات ويساعدو وكمان الدكتورات فيه ممتازات وفي عنايه كويسه وبذات طبيب الاطفال بس للاسف مافي حضانه للبيبي 😭😔 يعني تطلعين من الولادة وهوا معاك وكمان مافي حليب يعني اللي بتروح تاخذ حليب البيبي معها واكثر شي تعبت منه صراحه لاني كنت ارضع ومافيني حليب ولسى تعبانه وكمان مافي زيارات ولا مرافق و مسموح بدخول بالاكل من برا والله يسهل ويهون عليكم ويكتب لكم الساعه الطيبه 💐💐